Dünyanın ən böyük ordularının 2016-cı il SİYAHISI

12:30 / 26.12.2016

Hər bir ölkə sərhədlərini, vətəndaşlarını döyüşlərdə və çətin zamanlarda qoruyub saxlamaq üçün bir orduya malikdir.

Şübhəsiz, səbəb, ordunun gücünü təyin etməkdə rol oynayan mühüm amildir. Bu sıralama əsgər sayı və ya əsgərlərin aldığı təhsilin keyfiyyəti ilə deyil, əsasən ölkənin sahib olduğu hərbi materialların kəmiyyətinə və keyfiyyətinə görə aparılır. Təxmin edildiyi kimi ABŞ ordusu bu siyahının başında gəlir.

Dünyanın ən güclü 10 ordusunun siyahısını təqdim edirik.

- ABŞ ordusu 601 milyard dollarlıq nəhəng bir hərbi büdcəyə malikdir. Amerika ordusu təxminən 1.400.000 fəal cəbhə xətti heyətinə, 13.892 təyyarəyə, 72 gəmiyə və 8.848 tanka malikdir. Bundan başqa, çoxlu sayda yaxşı təhsil almış hərbçisi var. Ordu sıralanması ilə bağlı hər şey sayla müəyyən edildiyindən, ehtiyat əsgər sayı və hazırda aktiv vəziyyətdə olanlar milyonu keçir. Amerika ordusunun "Walmart"dan sonra ikinci böyük işəgötürən olduğu deyilir.

- Şübhəsiz, Rusiya dünyanın ən güclü ikinci ordusuna malikdir. Rus hərbi büdcəsi təxminən 84.5 milyard dollardır. Təxminən 766.055 fəal cəbhə xətti heyətinə, 15.398 tanka, 55 sualtı gəmiyə və 3.429 təyyarəyə malikdir.

- Çinin silahlı qüvvələri son bir neçə ildə sürətlə inkişaf edib. Amerika və Rusiyadan sonra üçüncü super güc olmaq yolundadır. Çin ildə 216 milyard dollar müdafiə büdcəsi istifadə edir və bu rəqəm Rusiyanın hərbi büdcəsindən daha çoxdur. Çin ordusunda 2.333.000 fəal cəbhə şəxsi heyəti və 2.860 təyyarə, 9.150 tank və 67 sualtı gəmi var.

- Yaponiya ordusunun kiçik olduğu düşünülsə də, ölkənin özü son dərəcə ehtiyatlıdır. Yaponiyanın 41.6 milyard dollar hərbi büdcəsi var. Yapon ordusunda təxminən 247.173 fəal cəbhə heyəti, 1.613 təyarə, 16 sualtı gəmi və 678 tank var. Yaponiya hazırda Çindən sonra ən böyük hərbi donanmaya və vertolyot bazasına malikdir.

- Siyahıdakı növbəti yer başqa bir Asiya ölkəsi Hindistana aiddir. Hindistan silahlı qüvvələri dünyanın ən böyük gücləri arasındadır. ABŞ və Çindən sonra planetdə ən dinamik gücə malikdir. Eyni zamanda, ABŞ, Çin və Rusiyadan sonra ən çox tank və hava texnikasına malikdir. Hindistanın 6.464 tankı və 1.905 təyyarəsi var. Hindistan ordusu 1.325.000 fəal cəbhə xətti heyətinə, təxminən 15 sualtı gəmiyə və nüvə silahlarına malikdir. Hərbi büdcəsi isə 50 milyard dollardır.

- Fransa dünyada altıncı ən güclü silahlı qüvvələr olaraq mövqeyini qoruyur. Fransanın böyük bir hərbi gücü yoxdur, ancaq qüvvələrinin peşəkar və mükəmməl əkildə təlimləndirdiyi məlumdur. Fransız ordusu, xüsusilə Afrika miqyasında yerləşdirilən orduların başında durur. 62.3 milyard dollarlıq büdcəyə və 202.761 fəal cəbhə xətti heyətinə, 423 tank, 1.264 təyyarə və 10 ədəd sualtı gəmiyə sahibdir.

- Vətəndaş müharibəsindən əziyyət çəkən Cənubi Koreya böyük və yaxşı təlim görmüş ordu qurmaq məcburiyyətindədir. Bu səbəbdən illik hərbi büdcəsi 62 milyard dollara çatır. Cənubi Koreyanın 624.465 fəal cəbhə heyəti, 2.381 tankı, 1.412 təyyarəsi və 13 ədəd sualtı gəmisi var. Ordusu yeddinci yerdə gələ bilər, ancaq dünyanın altıncı ən böyük hava qüvvəsinə malikdir.

- Türkiyə 1,020 təyyarə və 3,778 tank, 410.500 fəal cəbhə şəxsi heyəti və 13 ədəd sualtı gəmisi ilə səkkizincidir. Bu siyahıda yer alan bir çox ölkədən daha çox sualtı gəmiyə malikdir. Türkiyənin hərbi büdcəsi təxminən 18,2 milyard dollardır. Aralıq dənizinin ən böyük silahlı qüvvələrindən birinə sahib olmasına baxmayaraq, təyyarə sayına görə reytinqdə bir qədər geridədir. Bununla yanaşı, Türkiyə hələ də olduqca böyük bir tank bazasına, təyyarə və vertolyota malikdir.

- Siyahıda doqquzuncu gələn İtaliya ordusu kəmiyyət baxımından ən yaxşı olmaya bilər. Ancaq iki təyyarə gəmisinə sahib olması və böyük sualtı gəmiləri sayəsində digər orduların bir qabağa keçir. İtaliya ordusunun büdcəsi 34 milyard dollardır. Həmçinin 320.000 fəal cəbhə şəxsi heyətinə və 586 tanka, 760 təyyarəyə və 6 sualtı gəmiyə sahibdir.

- Onluğu İngiltərə bağlayır. İngiltərə də böyük silahlı qüvvələrə malikdir. Ancaq İngiltərə 2010-ci ildə qəbul etdiyi qərarla bu gücünü 20 faiz azaldacağını açıqlayıb və bu hədəfini 2018-ci ilə qədər həyata keçirmək niyyətindədir. Birləşmiş Krallığın hərbi büdcəsi isə təqribən 60.5 milyard dollardır. Təxminən 146.980 fəal cəbhə şəxsi heyətinə, 407 tanka, 936 təyyarəyə və 10 sualtı gəmiyə sahibdir./Faktxəbər

Dünyanın ən böyük ordularının 2016-cı il SİYAHISI

Oxşar xəbərlər

Xəbərlər

Ədəbiyyat

© 2012 | Bütün hüquqları qorunur.

Əlaqə