Gənc tədqiqatçıların elektron araşdırmaları layihəsi region gəncləri üçün faydalı oldu

13:35 / 03.01.2017

Azərbaycan Respublikası Prezidenti yanında Gənclər Fondunun dəstəyi ilə “Gənc tədqiqatçıların elektron araşdırmaları” fərdi layihəsi çərçivəsində Şəki və Gəncə şəhərlərində gənc tədqiqatçılar üçün maarifləndirmə təlimlərinin nəticəsi olaraq gənc tədqiqatçılar, doktorantlar, magistrlər inkişaf etmiş dünya ölkələrində tətbiq olunan e-Research-in metod və üsulları, həyata keçirilmə üsulları, dünyadakı uyğun təcrübələr, bunun üçün tətbiq olunacaq İKT platformaları - kompüter proqramları haqqında bilik və informasiyalara yiyələndilər; Beynəlxalq Open Acces jurnallarına cıxış imkanları iştirakçılara tədqiqatçıların çatdırıldı və onlar eyni zamanda Open Research Data, SPARC (The Scholarly Publishing and Academic Resources Coalition) şəbəkələri barədə geniş məlumatlara yiyələndilər; 100 tədqiqatçı, doktorant, magistr e-Research üzrə hazırlandı və onlar e-Research barədə digər gənc tədqiqatçılar arasında da geniş informasıyalar yayacaqlar.

Layihə çərçivəsində məruzə və çıxışlar zamanı bildirildi ki, keçirilən bu təlimlərin əsas hədəflərindən biri də təbliğat şəbəkəsinin qurulması, maarifçilik fəaliyyətinin daha da genişləndirilməsi, gənc tədqiqatçılar üçün e-learning və e-research modelinin vacibliyini təlim iştirakçılarına çatdırmaqdan ibarətdir. Qeyd olundu ki müasir dünyada insan kapitalının inkişafı məsələsi artıq böyük bir aktuallıq kəsb edir və bu məsələ ölkəmizdə Azərbaycan Respublikasının Prezidenti Cənab İlham Əliyev tərəfindən yüksək səviyyədə dəstəklənir. Azərbaycan Prezidenti elm və təhsillə bağlı öz çıxışlarının birində bildirmişdir: «Hər bir ölkənin normal inkişafı üçün ilk növbədə, bilik, savad, elmin inkişafı lazımdır. Biz bu maddi dəyərləri, iqtisadi potensialımızı insan kapitalına çevirməliyik. Çünki insanın savadı, biliyi onun gələcək həyatını müəyyən edir, ölkənin hərtərəfli inkişafına xidmət edir və beləliklə, ölkənin intellektual potensialı da möhkəmlənir. Bu gün vaxt gəlibdir ki, biz məhz bu sahəyə sərmayələr qoyaq". İstedadlı gənclərin aşkar edilməsi, onların öz qabiliyyətlərini inkişaf etdirə bilmələri üçün şəraitin yaradılması məsələsi Azərbaycan Respublikası Prezidentinin sərəncamlarında xüsusi yer tutur.

Layihənin rəhbəri Aysel Rəhimli tədbir çərçivəsində iştirakçılara e-learning və e-research metodlarının müasir dünyanın istifadə etdiyi innovativ vasitə olması və Azərbaycan təhsil müəssisələri, tədqiqat İnstitutları üçün vacibliyini nəzərə alaraq bu modellərin üstünlükləri və səmərəliliyi, həyata keçirilmə vasitələri, üsulları, dünya ölkələrindəki uğurlu praktikalar, Avropanın inkişaf etmiş e-learning, e-research mərkəzləri haqqında iştirakçılara ətraflı bilik və informasiyalar verdi. Bundan başqa, tədbir iştirakçılarına open-access jurnallarına çıxışın əldə olunması haqqında faydalı bilgilər və linklər təqdim olundu, webinar təlim metodundan zaman, məkan limiti olmadan, iqtisadi səmərəli şəkildə necə yararlanmaq mümkün olduğuna dair məlumatlar verildi.

Qeyd olundu ki, layihə başa çatdıqdan sonrakı mərhələdə də davamlı xarakterli olsn. Xarici mütəxəssislərlə bu sahədə əlaqələr qurulacaq və uyğun təcrübələr gənc tədqiqatçılara ötürüləcək.

Gənclər üçün təşkil olunacaq seminarlar və informasiya sessiyalarının gələcəkdə davamlı olaraq təşkil olunması nəzərdə tutulmuşdur. Bunun üçün müxtəlif fondlara layihələrlə müraciət ediləcək. Bu təcrübə geniş səviyyədə təbliğ və tətbiq olunacaq.

Gənc tədqiqatçıların elektron araşdırmaları layihəsi region gəncləri üçün faydalı oldu

Oxşar xəbərlər

Xəbərlər

Ədəbiyyat

© 2012 | Bütün hüquqları qorunur.

Əlaqə