Prezident İlham Əliyev Parisdə görüşlər keçirdi - VİDEO

21:30 / 13.03.2017

Fransada rəsmi səfərdə olan prezident İlham Əliyev orada bir sıra görüşlər keçirib. Fransa şirkətlərinin rəhbər şəxsləri ilə görüşən dövlət başçısı bu şirkətlərin Azərbaycan ilə əməkdaşlıq məsələlərini müzakirə edib.

Prezident İlham Əliyev əvvəlcə "Vivaction" şirkətinin prezidenti Rişar Mari ilə görüşüb. Görüşdə kibertəhlükəsizlik sahəsində əməkdaşlığın perspektivləri ilə bağlı fikir mübadiləsi aparılıb.

Sonra dövlət başçısının "SUEZ" qrupun baş direktorunun müavini, həmçinin MEDEF-in vitse-prezidenti xanım Marie-Ange Debon ilə görüşü olub. Görüşdə Azərbaycan ilə "SUEZ" qrup arasında müəyyən sahələrdə əməkdaşlığın həyata keçirildiyi, bir sıra layihələr üzərində iş getdiyi bildirilib. Bakının yağış sularından təmizlənməsi və digər layihələrlə bağı məsələlər müzakirə olunub, bu işlərin davam etdirilməsinin məqsədəuyğunluğu qeyd edilib.

Daha sonra prezident İlham Əliyev DCNS şirkətinin prezidenti Erve Qiyu ilə görüşüb. Görüşdə Azərbaycan ilə DCNS şirkəti arasında 2004-cü ildən əməkdaşlığın həyata keçirildiyi bildirilib. Müxtəlif dizaynlı və təyinatlı gəmilərin hazırlanması ilə bağlı bir sıra layihələrin reallaşdırıldığı qeyd edilib, Bakı gəmiqayırma zavodu ilə əməkdaşlığın yaxşı perspektivlərinin olduğu vurğulanıb.

Prezident İlham Əliyev "CIFAL" qrupun prezidenti Jil Remi ilə də görüşüb. Görüşdə ikitərəfli əməkdaşlığın perspektivləri, həmçinin hərbi-texniki sahədə gəmilərin hazırlanması ilə bağlı fikir mübadiləsi aparılıb.

Prezidentin daha bir görüşü isə "Credit Agricole SA" şirkətinin baş direktoru Ksavye Musca ilə olub. Görüşdə Azərbaycan ilə "Credit Agricole SA" şirkəti arasında müxtəlif layihələrin uğurla maliyyələşdirildiyi qeyd edilib. Bir çox layihələrin artıq icra olunduğu, "Credit Agricole SA" şirkətinin "Cənub Qaz Dəhlizi" layihəsinin maliyyələşdirilməsində iştirak etdiyi, bununla bağlı SOKAR ilə çox yaxşı əməkdaşlığın həyata keçirildiyi vurğulanıb.

Prezident İlham Əliyev həmçinin "Airbus" şirkətinin müdafiə və kosmik sistemlər üzrə icraçı vitse-prezidenti Nikolya Şamosi ilə də görüşüb. Görüşdə kosmik sahədə, xüsusilə yeni təyinatli, daha yüksək nəticələr əldə etməyə imkan verən peyklərin hazirlanmasi ilə bağli əməkdaşlıq barədə fikir mübadiləsi aparılib.

Dövlət başçısı Parisdə "Thales lnternational" şirkətinin baş vitse-prezidenti Rafael Eskinazi ilə görüşüb. Görüşdə "Thales lnternational" şirkəti ilə "Azərbaycan Hava Yolları" və "Azərbaycan Dəmir Yolları" Qapalı Səhmdar Cəmiyyətləri ilə müxtəlif layihələrin reallaşdırıldığı qeyd edilib, Şimal-Cənub nəqliyyat dəhlizi ilə bağlı müəyyən işlərin görüləcəyi diqqətə çatdırılıb.

Prezident İlham Əliyev Parisdə görüşlər keçirdi - VİDEO

Oxşar xəbərlər

Xəbərlər

Ədəbiyyat

© 2012 | Bütün hüquqları qorunur.

Əlaqə