Ağdaş və Göyçayda seminarlar keçirilib

Azərbaycan Gənc Alim, Aspirant və Magistrlər Cəmiyyəti Azərbaycan Respublikasının Prezidenti yanında Qeyri Hökumət Təşkilatlarına Dövlət Dəstəyi Şurasının maliyyə yardımı ilə

“Yeni nəsil torpaq istifadəçiləri üçün torpaqların şoranlaşmasının qarşısının alınması ilə bağlı maarifçilik fəaliyyətinin təşkili və yeni ixtiraların təqdimatı” adlı layihə çərçivəsində 03-06 may 2014-cü il tarixində Ağdaş və Göyçay rayonlarında seminarlar keçirmişdir.

Seminarlarda müxtəlif kəndlərdə yaşayan bələdiyyə üzvləri, yerli torpaq istifadəçiləri, fermerlər ümumilikdə iki rayon üzrə 160 nəfər iştirak etmişdir.

 Layihənin koordinatoru İlgar Orucov layihənin məqsəd və vəzifələri haqqında iştirakçılara məlumat vermiş və bildirmişdirki layihənin məqsədi torpaqların şoranlaşmaya, deqradasiyaya məruz qaldığı Ağdaş və Göyçay rayonlarında torpaq mülkiyyətçiləri, fermerlər, kənd icma üzvləri, xüsusilə yeni nəsil torpaq istifadəçıləri arasında maarifləndirici tədbirlər həyata keçirməklə şorlaşmanın, şorakətləşmənin və eroziyanın əsas səbəbləri, mənfi nəticələrini və onlarla mübarizə tədbirlərinin həyata keçirilməsinin konkret yollarını torpaq mülkiyyətçilərinə izah etmək, torpaqların deqradasiyasının qarşısının alınması məsələsini geniş ictimaiyyətin diqqətinə çıxarmaqdır. Layihənin vəzifələri isə torpaqların şoranlaşmaya, deqradasiyaya məruz qaldığı Ağdaş, Göyçay rayonlarında torpaq istifadəçiləri üçün seminarların keçirilməsi və ekoloji maarifçilik işinin genişləndirilməsi; torpaqların şoranlaşmadan qorunması və ətraf mühitin qorunması ilə bağlı yerli bələdiyyələrlə əməkdaşlıq münasibətlərinin qurulması; torpaqların şoranlaşması, eroziyaya uğraması məsələsinin ictimai diskussiyaya çevrilməsidir.

Eyni zamanda iştirakçılara Azərbaycan dövlətinin torpaqların qorunması, ekoloji mühitin sağlamlaşdırılması istiqamətində bir sıra mühüm addımları haqqında məlumatlar verilmişdir. Qeyd olunmuşdurki Azərbaycan Respublikasının  Prezidenti  cənab İlham Əliyevin 2006-cı il 24 mart tarixli sərəncamı ilə Azərbaycan Respublikasında bioloji müxtəlifliyin qorunması və davamlı istifadəsinə dair Milli Strategiyia və Fəaliyyət Planını təsdiq edilməsi bu sahədə mühüm addimdir. Milli Strategiya və Fəaliyyət Planının əsas istiqamətlərindən biri kimi əhalinin ekoloji maarifləndirilməsi ilə bağlı hüquqi, iqtisadi və təşkilati əsasları müəyyən etməklə cəmiyyətdə  ekoloji biliklərin geniş yayılmasını, ekoloji təhsilin ardıcıllığının və fasiləsizliyinin təmin edilməsi göstərilmişdir.  

Layihənin eksperti seminar iştirakçılarına ekoloji mühitin qorunması, torpaqların deqrodasiyadan qorunması haqqında məlumatlar vermişdir. Qeyd olunmuşdurki sistemli becərmə və mühafizə tədbirlərinin (drenaj-kollektor şəbəkəsinin işlək hala salınması, suvarma qaydalarına əməl edilməsi və.s) demək olar ki tətbiq edilməməsi suvarılan torpaqlarda deqradasiyanı indiki həddə çatdırmışdır. Digər tərəfdən deqradasiyaya səbəb kənd təsərrüfatı ilə məşğul olan əkinçi və fermerlərin düzgün aqrotexniki qaydalara riayət etməməsi ilə yanaşı, həmçinin təbii amillərdir. Bildirilmişdirki deqradasiya ilə mübarizə ilk növbədə torpaq mülkiyyətçilərinin üzərinə düşür və bütün bunların həyata keçirilməsi üçün torpaq istifadəçiləri torpağın mühafizə yollarını bilməklə yanaşı həmdə onun becərmək qaydalarını da öyrənməlidirlər. Layihənin həyata keçiriləcəyi ərazi kimi seçilmiş Ağdaş və Göyçay rayonları düzən zona rayonları olub istər şorlaşma, istərsədə eroziya kimi təhlükəli ekoloji faktorlara intensiv şəkildə məruz qalır.

Seminar qarşılıqlı diskussiya ilə davam etmiş, seminar iştirakçılarının sualları cavablandırılmışdır.