Dünya liderlərini idarə edən məşuqələr (FOTO)

Eks prezidentlə yaşadığı sevgi romanından peşman olduğunu bildirən qadın, internet vasitəsilə bu dərəcədə biabır edilən ilk insan olduğunu vurğulayıb.

Dünyanın liderlərinin şəxsi həyatlarının maraq doğurduğunu nəzərə alaraq, bir sıra siyasi xadimlərin məşuqəsi olub, onları müəyyən mənada idarə etməyi bacaran bəzi qadınları təqdim edirik.

Karla Bruni

Nikola Sarkozi 2007-ci ildə tanış olub.

Tanışlıqdan demək olar ki, dərhal sonra Sarkozi həyat yoldaşı ilə boşanıb. Bir neçə ay sonra isə Bruni ilə evlənib. Cütlüyün toyu 2008-ci ilin Fevral ayında Yelisey sarayında baş tutub.

Sarkozi Fransa tarixində prezident olduqdan sonra evlənən ilk prezident idi. 2011-ci ilin oktyabrında onların Culiya adlı qızları dünyaya gəldi.

Qrasa Simbine

Qrasa Simbine dünyada iki prezidentlə ailə qurmuş yeganə qadındır.

İlk əri Samora Maşel Mozambikin prezidenti idi. Maşellə 1975-ci ildə ailə quran Simbine 31 avqust 1986-cı ildə avia qəza nəticəsində həlak olana qədər onunla yaşamışdı. Bu hadisədən düz 10 il sanra Cənubi Afrikanın əfsanəvi lideri Nelson Mandela Simbine ilə uzun müddətdir gizli münasibətdə olduğunu etiraf etdi.

Bu etirafdan sonra 1998-ci ildə 52 yaşlı Simbine 80 yaşlı Mandelaya ərə getdi.

Ann Penjo

Ann Penjo demək olar ki, Fransanın keçmiş prezidentlərindən olan Miteranın rəsmi məşuqəsi idi. Hətta jurnalistlər və ictimaiyyət də bu münasibətə çox sakit yanaşırdı.

Prezidentin yalnız mətbuatdan gizli şəkildə məşuqəsini öz iqamətgahında yerləşdirməsi müəyyən qalmaqallara səbəb olmuşdu.

Jurnalistlər bu barədə 1995-ci ildə Jak Şirak hakimiyyətə gələrkən xəbər tutmuşdular. Şirakın prezident kimi ilk işlərindən biri sabiq prezidentin məşuqəsi və onun qızını Yelisey sarayından çıxarmaq olmuşdu. Miteranın ölümündən sonra ailəsi Ann Penjoya dəfndə iştirak etməyi qadağan etmək istəsə də, azyaşlı qızının olmasına görə, ictimaiyyətin təzyiqləri onları bu qadağadan imtina etməyə məcbur etmişdi. Miteranın ölümündən sonra Paris muzeylərindən birində çalışan bu qadın kiçik bir mənzildə yaşayırdı. 

Alana Qaqloyeva

Gəzən söz-söhbətlərə görə, Gürcüstanın sabiq prezidenti Mixayıl Saakaşvili öz mətbuat katibi ilə gizli eşq macərası yaşayıbmış. Hətta bu qadın prezidentin həyat yoldaşı Sandra Rullovs ilə eyni vaxtda hamilə qalıbmış. Məsələni gizlətmək üçün Saakaşvili öz məşuqəsini Şido-Kartli qubernatoru Mixayıl Kareliyə vermək istəyibm. Qadın bundan imtina etdikdən sonra prezident məcbur olub onu sakit bir şəhərciyə göndərir. Uşağın doğulmasından sonra isə Saakaşvilinin bu qadınla romanı haqqında söz-söhbətlər nisbətən səngiməyə başlayır.

Culi Qaye

Bu ilin 10 fevral tarixində "Tabloid Closer" jurnalı Fransa prezidenti Fransua Olandın aktrisa Culi Qaye ilə eşq macərasından bəhs edən məqalə dərc etdi. Məqalədə bir sıra fotolar və bu ilişgini sübut edən digər faktlar yer almışdı. Maraqlısı budur ki, həyat yoldaşı ilə münasibətlərinin korlanmasına baxmayaraq, Oland özü də aktrisa ilə macərasını inkar etmədi.

Bu məqalə sayəsində Fransanın son 70 ildə ən reytinqsiz prezidenti sayılan Olandın populyarlığı əhəmiyyətli dərəcədə artmağa başladı. Prezident onun haqqında bu məqaləni dərc edən jurnaldan şikayətçi olmasa da, aktrisa məşuqəsi 50 min avro iddiası ilə “Tabloid”i məhkəməyə verdi.

Vera Beyker

Obamanın keçmiş sürücüsü ABŞ-ın hazirki prezidenti haqqında maraqlı açıqlamalar verib. Sürücünün sözlərinə görə, prezident ən azı bir dəfə həyat yoldaşına xəyanət edib. Sürücü iddia edir ki, 2004-cü ildə İllinoys ştatından senatorluğa namizəd olan Obama 29 yaşlı köməkçisi Vera Beykerlə gizlicə görüşürmüş.Hətta Obamanın xanımının da bundan xəbəri varmış. Xanım Mişel Obama buna mane olmaq üçün zamanında bəzi səylər də göstəribmiş.

Hazırda isə Vera Beyker Martinikedə bir telekanalda çalışır.

Qalina Kalonitskaya

Vikiliks-in yayımladığı sənədlərdən birində Müəmmər Qəddafi ilə 38 yaşlı tibb bacısı Qalina Kalonitskayanın eşq macərasından da bəhs edilir.

Saytın məlumatına görə, xanım Qalina Qəddafinin əsas və ən sevimli məşuqəsi idi. O, onsuz bir səfər belə keçinə bilməzdi. Onu hər yerə özü ilə aparardı. Bununla belə Kalonitskaya ailəsi bu faktı qətiyyətlə inkar etmişdi.

İrina Abelskaya

Belarus prezidentinin həkimi olan bu xanım ölkənin ən tanınmış və söz sahibi olan xanımlarından sayılır.

2001-ci ildən ölkənin ən böyük hospitalının baş həkimidir. Anası Lyudmila Postoyalko isə Belarusun sağlamlıq təhlükəsizliyi naziridir. Deyilənə görə, İrina Lukaşenkoya təsir edə biləcək çox nadir insanlardandır.

2004-cü ildə xanım Abelskayanın oğlu dünyaya gəlib. Bu oğlan uşağının atasının Lukaşenko olduğu iddia edilir.

Alina Kabayeva

Putinin tanınmış gimnast qadın, eyni zamanda DUMA-nın deputatı olan Alina Kabayeva ilə münasibəti barədə yerli və əcnbi mətbuatda bir çox yazılar dərc edilib. Hətta iddia edilir ki, onları birləşdirən iki uşaq da var.

Bütün bu söz-söhbətlərə baxmayaraq bu fakt hələ ki, təsdiqini tapmayıb.

Viktor Yanukoviç və qadınlar

Son dönəmlərdə devrilmiş Ukrayna prezidenti Yanukoviçin adı minumum iki qadınla hallanır. Birincisi şəkildə sağda gördüyünüz 25 yaşlı jurnalist Alena Berezovskayadır. İnternet dərgilərində fəaliyyəti ilə diqqət çəkərək prezidenti mühüm Avropa və Rusiyaya səfərlərində müşayət etməyi bacarıb. İkincisi-soldakı Yelena Lukaşdır.

Adi hüquqşünas kimi çalışan bu qadının da prezidentin ürəyini fəth edərək nazir köməkçisi vəzifəsinə qədər yüksəldiyi bildirilir.ugunaz