Dua etməyin 10 şərti

Hədislərimizin buyurduğuna görə, yerinə yetən dua - o duadır ki, hər kəs hansı zamanda olursa-olsun, Allaha dua edər və duası qəbul olar.

Strategiya.az deyerler.org-a istinadən bildirir ki, bu insan duanın şəraitini və ədəbini bildiyi üçün etdiyi duaları geri qayıtmaz, yerinə yetər.

Əgər dua edən evində əyləşib, heç bir iş görmədən Allahdan ona ruzi verməsini istəyərsə, belə bir dua yerinə yetməz.

Əgər kimsə həyat yoldaşından əziyyət və zülm görərsə və əyləşib ağlayar və Allaha dua edərsə ki, onu bu insandan xilas etsin - belə bir dua yerinə yetməz.
Əgər kimsə ahıl yaşında dua edər ki, məni 20 yaşıma qaytar - belə dua yerinə yetməz.
Əgər kimsə dua edərsə ki, Allahım, yerin üzərində olan bütün xəzinələri və mədənləri mənə inayət et - bu dua yerinə yetməz.

Yerinə yetən o duadır ki, orada duanın şəraitlərinə riayət olunsun. Bu duada bəndənin dünya və axirət mənfəətləri təmin olunsun. Onun kamala çatmasına yardım etsin. Həyatını təyyibə həyat qərar versin.
Duanın 10 şəraiti vardır ki, onlara işarə edək:

1. Şərəfli vaxtlara diqqət etsin. O cümlədən: Ərəfə gününə, Ramazan ayına, cümə gününün səhərinə, gecə yarısına... İmam Baqir (ə) buyurur: "Allah hər cümə gecəsində ərşinin yuxarısından gecənin əvvəlindən tutmuş axırına qədər nida edər: "Elə bir mömin bəndə vardırmı ki, Məni fəcrin doğmasından əvvəl dini və dünyası üçün çağırsın və Mən də onu yerinə yetirim? Elə bir mömin bəndə vardırmı ki, fəcrin doğmasından əvvəl tövbə etsin və Mən onun tövbəsini qəbul edim? Elə bir mömin bəndə vardırmı ki, ruzisi daralmışdır və fəcrin doğmasından əvvəl ruzisinin artmasını Məndən istəsin və Məni onu artırım? Elə bir mömin bəndə vardırmı ki, xəstəliyə düçar olar, fəcr doğmazdan əvvəl Məndən istəsin və Mən ona şəfa verim? Elə bir qəmgin məhbus mömin bəndə vardır ki, Məndən azad olmasını istəsin, onu azad edib yolunu açım? Elə bir zülm görmüş mömin bəndə vardırmı ki, fəcr doğmazdan əvvəl Məndən zülmünün dəf olmasını istəsin və zülmkardan intiqamını alar və zülmü dəf edim?"".

2. Duanın yerinə yetdiyi zamanları qənimət bilmək. O cümlədən: yağış yağan zaman, vacib namazları iqamə edən zaman, namazdan sonra, azanla iqamə arasında, oruc zamanı... Əmirəl-möminin (ə) buyurur: "Haqdan istəməyi, ehtiyacsız Mövlaya dilənçilik etməyi və dua etməyi dörd həqiqətin həyata keçdiyi zamanlarda qənimət bilin: Quran oxuyan zaman, azan zamanı, yağış yağan zaman, haqla batil ordusunun qarşılaşdığı zaman". Həzrət Peyğəmbər (s) buyurur: "Bəndənin Allaha yaxın halı - səcdə zamanıdır, ona görə də səcdədə çoxlu dua edin".

3. Üzü qibləyə əyləşib əlləri göyə qaldırmaq. Cabir ibn Abdullah nəql edir: "Allahın Peyğəmbəri (s) Ərəfə günündə Ərəfatda dayananda üzünü qibləyə çevirər və davamlı olaraq dua halında olardı ki, günəş batardı". İmam Sadiq (ə) buyurur: "Bəndə əllərini Cabbar və Əziz Allaha tərəf qaldırmaz, məgər o halda ki, Allah o əli boş qaytarmaqdan həya edər, rəhmətinin fəzlindən hər nə istəsə, dua edənə əta edər. Sizlərdən hər biriniz duaya müvəffəq olarsa, əlini üzünə və başına çəkməmiş geri qaytarmasın".

4. Dua edən zaman nə səsi yüksəltmək lazımdır, nə də çox sakit dua etmək lazımdır. Hədislərin birində oxuyuruq ki, insanlar Həzrət Peyğəmbərə (s) tərəf hərəkət edirlər və Mədinəyə yaxınlaşırlar, yüksək səslə təkbir deyirlər. Həzrət (s) onlara buyurur: "Ey insanlar! Çağırdığınız Allah nə kardır və nə də qaib. O kəsi çağırırsınız ki, sizin aranızdadır, miniklərinizin arasındadır". İmam Rza (ə) buyurur: "Bəndənin gizlində etdiyi bir dua, aşkarda etdiyi 70 duaya bərabərdir".

5. Bəndə gərək Allahdan haram istəməsin, qohumluq əlaqəsini kəsməyi istəməsin. Həzrət Peyğəmbər (s) buyurur: "Sizləri dua etməməkdən və yersiz istəklər istəməkdən çəkindirirəm". İnsan gərək dualarında Allahdan dünya və axirət xeyirini istəsin.

6. Duanı zarıltı ilə, yalvararaq etmək. Allahın əzəmətindən qorxaraq və itaətkar qəlblə istəmək. İmam Səccad (ə) buyurur: "Dərgahına, yalvarmaq və zarıldamaqdan savayı mənim üçün nicat yolu yoxdur".

7. Dua edən zaman ciddi olmaq və qəbul olacağına ümid bəsləmək. Həzrət Peyğəmbər (s) buyurur: "Allahı, qəbul olacağına yəqinliyiniz olduğu halda çağırın və bilin ki, Sübhan Allah Haqqın rəhmətinə və qüdrətinə diqqət etməyən, qafil qəlbdən qalxmış duanı yerinə yetirməz".

8. Duanı israrla etmək. Hər bir duanı üç dəfə təkrar etmək. İbn Məsud nəql edir: "Peyğəmbər (s) nə zaman dua etsə idi, üç dəfə dua edərdi və nə zaman Allah Təaladan bir şey istəyərdi, üç dəfə istəyərdi".

9. Dua gərək Allahı mədh edərək və salavat deyərək başlansın, Allahı zikr etmədən və salavat demədən dua edilməsin. İmam Sadiq (ə) buyurur: "Nə zaman sizlərdən biriniz dünya hacətlərini Allahdan istəyirsiniz, Allahı mədh edərək və Peyğəmbərə (s) salavat göndərərək başlasın. Sonra hacətini Allahdan istəsin".

10. Duanın yerinə yetməsinə təsir edən amillər: tövbə, insanların malını özünə qaytarmaq, qəlbin saf və təmiz olması, bədənin itaətkar olması və göz yaşı tökməsi.
Allah Təala bizləri həqiqi dua edənlərdən və duaları qəbul edilənlərdən qərar versin.