Bakcell Azərbaycan vətəndaşlarını necə aldadır? - FOTO

16:50 / 25.05.2014

Təsəvvür edin ki, paytaxtın mağazalarından birində Bosch firmasının soyuducusunu alırsınız. Və bunu da təsəvvür edin ki, bir neçə il sonra Siemens firmasından uşaqlar gəlib sizə deyirlər ki, siz ya aldığınız məhsulun yarısının pulunu verirsiniz, ya da ki, onu plomblayacağıq ki, pul ödənilməmiş istifadə edə bilməyəsiniz.

"Cəfəngiyyatdır!" - deyəcəksiniz. "Bu sözsüz ki, mümkün deyil!" - əlavə edəcəksiniz.

Siz haqlısınız. Özünə hörmət edən normal firmalarda belə şey ola bilməz. Əlbəttə, iki şirkət arasında anlaşılmazlıq olsa da belə, bunu öz aralarında həll edərlər və məsuliyyəti istehlakçının üzərinə qoymazlar. Yəni nüfuzunu qorumaq istəyən şirkətlər belə davranırlar.

Azərbaycanda "Bakcell" və başqa bu kimi şirkətlərin davalarında tabaq müştərilərin başında çatlayır.

Strategiya.az Haqqin.az-a istinadən xəbər verir ki,Zərbəliyeva Validəadlı abonent 1998-ci ildən Azercell-in xidmətlərindən istifadə edir. Balansında kifayət qədər pul olmasına baxmayaraq, onun istifadə etdiyi iPhone smartfonu işləməyənə qədər xidmətlərdən də razı idi. Azercell-dən bildiriblər ki, nömrəsində hər şey qaydasındadır, sadəcə olaraq, istifadə etdiyi aparat bloklanıb.

Bir qədər irəli gedərək qeyd edək ki, abonentlərin çoxu aparatlarında IMEI (International Mobile Equipment Identity) identifikasiya kodunun olmasıdından xəbərsizdirlər. Bu unikal kod telefonlara istehsalçı tərəfindən yerləşdirilir. Həmin kod vasitəsi ilə telefonlar oğurlananda onu tapmaq olur. Bəzən kənardan təsir göstərməklə aparatı bloklamaq da mümkündür.

Məsələ ilə bağlı Azercell-in operatoru Rabitə və Yüksək Texnologiyalar Nazirliyi ilə əlaqə saxlayıb. Nazirlikdən bildirilib ki, həmin aparat Bakcell-in müraciəti əsasında bloklanıb.

Məlumat telefon sahibini heyrətə salıb. Axı onun istifadə etdiyi telefonun Bakcell-lə heç bir əlaqəsi olmayıb. Bakcell-dən isə bildiriblər ki, onun aldığı telefon "ARZU 69" MMC-nin adına qeydiyyata salınıb. Həmin şirkətin isə Bakcell-ə borcu var. Belə bir vəziyyət hətta dəmir əsəbləri olan bir insanı da hövsələdən çıxarar.

Zərbəliyeva deyir ki, "iPhone 5B" telefonunu "28 May" metrosu tərəfdəki mağazalardan birində nağd qiymətə alıb.

"630 manat ödəmişəm, zəmanətlə birlikdə telefonu almışam. Nömrəni daxil edərək istifadə etməyə başlamışam. "Arzu 69" MMC şirkətini heç tanımıram. Oranın heç bir əməkdaşı ilə ünsiyyətim belə olmayıb".

Xanım heyrətlənir ki, nazirlik məhkəmə qərarı olmadan, sadəcə Bakcell-in müraciəti əsasında onun aparatını bloklaya bilər?

Sonda oxucuya "Ultraflex" MMC-nin (hazırda "Arzu 69" MMC-nin yerinə bu şirkət fəaliyyət göstərir) direktoruN.İbrahimova göndərilmiş məktubun nüsxəsini təqdim ediblər. Məktubda deyilir ki, əgər göstərilmiş xidmətlər müqabilində yaranmış 128 446 manat borcu MMC 27 mart 2014-cü il tarixinə qədər geri ödəməzsə, aprelin 1-dən etibarən ona məxsus olan bütün aparatlar bloklanacaq.

Bundan əvvəl aparatın Bakcell-in müraciəti əsasında bloklandığı deyilməsinə baxmayaraq Rabitə və Yüksək Texnologiyalar Nazirliyinin mətbuat xidməti bu dəfə təkzib etdi və belə bir işlə məşğul olmadıqlarını bildirdilər.

Məlum olub ki, Validə Zərbəliyevanın nağd pul ödəyərək zəmanətlə birlikdə "Caspian Mobile" şirkətindən aldığı smartfon heç bir hüquqi əsas olmadan bloklanıb. Başqasının başqasına borcu olduğu üçün vətəndaş öz əmlakından istifadə etmək hüququndan məhrum olub.

Bakcell Azərbaycan vətəndaşlarını necə aldadır? - FOTO

Oxşar xəbərlər

Xəbərlər

Ədəbiyyat

© 2012 | Bütün hüquqları qorunur.

Əlaqə