Virtual dünyadakı ciddi problemlər - Fotolar

 Strategiya.az-a verilən məlumata görə, Virtual dünyadakı ciddi problemlər Mingəçevirdə müzakirəyə çıxarılıb

     “Jurnalistlər Ekstremal Şəraitində” İctimai Birliyi Mingəçevir Media Mərkəzində “Virtual aləmdə baş verən neqativ halların aradan qaldırılması yolları” mövzusunda media, QHT nümayəndələi və gənclər üçün seminar keçirib. Birliyin və layihənin rəhbəri Firuzə Əsədullayeva deyib ki, Azərbaycan Prezidenti yanında QHT-lərə Dövlət Dəstəyi Şurasının maliyyə dəstəyi  ilə həyata keçirdikləri layihənin məqsədi sosial şəbəkələrdə baş verən xoşagəlməz halların qarşısını almasında ictimaiyyətin rolunun artırmaqdır.Seminarın yekunu olaraq isə, səsləndirlirlən fikirlər əsasında təkliflər paketi hazırlanaraq donor təşkilatlara  təqdim ediləcək.

   Dəyirmi masada Birliyin idarə heyətinin üzvü jurnalist Tofiq Türkel və layihənin eksperti Elxan Xanalizadə probmlemin mahiyyətinə və həlli yollarına mxtəlif aspektlərdən aydınlıq gətiriblər. Azərbaycan insanının son 23-24 il ərzində 200 illik yolu keçdiyini bildirən Türkelin sözlərinə görə, internetin sürətlə inkişaf etməsi yaşlı nəsil və internet nəsli arasında təbəqələşmə yaradıb: “Real aləmdə olduğu kimi, virtual aləmdə də hadisələr baş verir. Virtual aləmdə hislərimiz düşüncələrimiz üzərində qalib gələ bilir. Burada neqativlərin qarşısını almaq üçün konkret reseptlər yoxdur. Dini, ictimai-siyasi, məişət, siyasi və s. sahələrdə gedən müzakirələr bəzən münaqişələrə səbəb olur və nəticədə qanla sona çatır. Bir yerdə cahillə üzbəüz gəldinsə, ən böyük silahın səbrdir. Maarifləndirmə işləriylə sosial şəbəkələrdə olan insanların daha dözümlü və səbrliliyinə nail olmaq olar. Bir insanın hər hansı bir şey haqqında daha məlumatlı olması neqativ halların qarşısını ala bilər”.sitatın sonu.
  Elxan Xanalizadə isə deyib ki, ölkəmizdə əksər gənclər sosial şəbəkələrə tanışlıq məkanı kimi baxırlar: “Yaxşı haldır ki, bölgədə yaşayan gənclər daha abırlı halda paylaşımlar və fikir mübadiləsi edirlər. Regiondakılar şeir və ya mahnı, Bakıdakı qızlar və oğlanlar isə  qlamur tədbirlərdən şit və əhəmiyyətsiz şəkillər çəkdirib paylaşırlar. Aparılan monitorinqlər göstərir ki,bölgələrimiz etik normaları gözləmək baxımından Bakını xeyli qabaqlayır”. 
  AMİ-nin  Mingəçevir filialının müəllimi,psixoloq İlhamə İsmayılova, EL Televiziyasının əməkdaşı,siyasi şərhçi İnqilab Şirinbəyli, “Mingəçevir işıqları” qəzetinin baş redaktoru Fərman Nəbiyev, MTV-nin əməkdaşı Arzu Mərdanova,jurnalist Yeganə Nəbiyeva, Mingəçevir Politexnik İnstitutu “Debat” Mərkəzinin sədri Rəşad Qurbanov, 11 saylı Vergilər İdarəsinin əməkdaşı Bəhruz Məmmədov və başqaları da diqqətçəkən fikirlər səsləndiriblər. Onların fikrincə, adətən sosial şəbəkələrdən rahat əlaqə yaratmaq, suallarına cavab almaq istəyənlərlə bərabər çirkin məqsədlər üçün istifadə edənlər də var. Bu da öz növbəsində qətllərə,intiharlara və  ailələrin dağılmasına gətirib çıxarır.Deməli,təhlükə var və qaçılmazdır. Elə bunun nəticəsidir ki, sosial şəbəkələrdə təhqirlərin sayı hər ötən gün artır.Kimlərsə ( xüsusi ilə gənclər)öz siyasi baxışlarını antipatiya həddində söyüş və təhqilrə üzərində qurmaqla,sanki virtual aləmdə özünün “qəhrəman”obrazını yaratmaq istəyir.Son vaxtlar sosial şəbəkələrə dair qanunvericilikdə qadağaların nəzərdə tutulması barədə təşəbbüslər səsləndirilir. Lakin qadağalar çox zaman effek vermir və bəzi qurumlar tərəfindən azad medianın sıxışdırılması şəkilində cəmiyyətə və beynəlxalq aləmə təqdim olunur.Seminarın sonunda problemin ciddiliyi nəzərə alınmaqla,çıxış yolu müxtəlif təkliflər səsləndirilib.Tele-jurnalist İnqilab Şirinbəyli təklif edib ki,sosial şəbəkələrdən istifadə edən bütün media nümayəndələri və  hər bir ziyalı gün ərzində ən azı bir dəfə gənclərə yönəlik maarifləndirici çağırışla çıxış etsin.Bu şüar xarakterli yazı və ya status ola bilər.Həmçinin,çap və elektron media da bu qəbildən olan manşetlər verə bilər. Əks halda gənclərimizin virtual tərbiyəsizlikləri durmadan artacaq...