 Politoloq Elman Nəsirov hesab edir ki, torpaqlarının işğal faktına Azərbaycanın göstərdiyi münasibət başqa cür ola bilməz İyunun 28-dən iyulun 2-dək davam edən ATƏT PA-nın Bakıda baş tutan 23-cü sessiyası işini başa vurub. Müxtəlif ölkə nümayəndələri, millət vəkilləri, QHT təmsilçilərinin iştirak etdiyi sessiyada fundamental hüquqlar, demokratik dəyərlərin müzakirəsi ilə yanaşı, bölgədə yaşanan gərginliklər, Ukraynanın parçalanmaya məruz qalması, dövlətlərin ərazi bütövlüyü prinsipləri də müzakirə olunub, yekun qərarlar çıxarılıb. Sessiyanın sonuncu günündə Bakı bəyannaməsi qəbul olunub. Bu və digər məqamlarla bağlı suallarımızı politoloq Elman Nəsirov cavablandırır. - Ölkəmizdə mütəmadi olaraq beynəlxalq təşkilatların iclaslarının keçirilməsini Azərbaycanın artan nüfuzunu göstərən məqam kimi qiymətləndirmək olarmı? - Şübhəsiz ki, bu, belədir. Azərbaycan dövlətinin yürütdüyü çevik, balanslaşdırılmış, dinamik xarici siyasət kursunun nəticəsidir ki, ölkəmiz bu gün dünyada etibarlı tərəfdaş imici qazanıb. Aydın görünür ki, Azərbaycanın beynəlxalq nüfuzu kifayət qədər artıb və getdikcə də artmaqdadır. Dediklərimizin məntiqi təsdiqi kimi, ölkəmizin son zamanlar ardıcıl şəkildə böyük beynəlxalq tədbirlərə ev sahibliyi etməsini də göstərmək olar. Bu məqam cənab prezidentin müəyyən etdiyi xarici siyasət kursunun özünütəsdiqi kimi də dəyərləndirilə bilər. Qeyd edim ki, Azərbaycan hər zaman belə məsuliyyətli işlərin öhdəsindən gəlməyi bacarıb. Xatırlayırsınızsa, ölkəmizdə keçirilən tədbirlər sırasında Ümumdünya Mədəniyyətlərarası Dialoq Forumu, Bakı Beynəlxalq Humanitar Forumu var. Həmçinin 2008-ci ildə İslam Əməkdaşlıq Təşkilatının üzvü olan dövlətlərin mədəniyyət nazirləri ilə Avropa Şurasına daxil olan ölkələrin mədəniyyət nazirlərinin Bakıda toplantısı keçirildi. İki müxtəlif mədəniyyətin, sivilizasiyanın daşıyıcıları məhz Bakıda ciddi problemlər barədə danışdılar, mədəniyyətlərarası dialoqla bağlı məsələləri müzakirə etdilər. Bu, olduqca vacib məqamdır. Onu da demək lazımdır ki, Azərbaycan “Avroviziya” kimi nüfuzlu musiqi yarışmasına ev sahibliyi edib. Bunun özü də ölkəmiz üçün mühüm məqam idi. Dövlətimizi gələcəkdə də sınaqlar gözləyir. Bilirsiniz ki, 2015-ci ildə ilk dəfə Avropa Oyunlarına ev sahibliyi edəcəyik. Bunlar hamısı Azərbaycanın imkan və potensialının, ölkəmizdəki siyasi sabitliyin, dövlətin iqtisadi inkişafının ifadəsi, nümayişi kimi dəyərləndirilməlidir. Nəzərə alınmalıdır ki, Azərbaycanda keçirilən belə beynəlxalq tədbirlər dünyanın diqqətinin ölkəmizə yönəlməsinə səbəb olur. Bütün bu məqamlar həm də onu göstərir ki, Azərbaycan artıq təkcə regionun lider dövləti deyil. Ölkəmiz bu səviyyənin sərhədlərini çoxdan aşıb. Azərbaycan inkişaf etmiş dövlətlər sırasına daxil olmağı özünə hədəf seçib. Belə tədbirlər bizim həmin hədəfə çatmaq yolunda keçdiyimiz əhəmiyyətli və dəyərli məqamlar kimi yadda qalır. - Bakıda baş tutan sonuncu beynəlxalq tədbir ATƏT PA-nın 23-cü sessiyası oldu. - ATƏT PA-nın Bakıda keçirilən sessiyası onların təhlükəsizlik və əməkdaşlıqla bağlı missiyalarına Azərbaycanın töhfə verməsi baxımından çox əhəmiyyətlidir. Bu tədbir bir daha göstərdi ki, Azərbaycan sözün həqiqi mənasında, çox böyük tədbirlərə ev sahibliyi etmək təcrübəsinə malikdir. Eyni zamanda, tədbir iştirakçıları ölkəmizin imkanları haqda təsəvvürlərini əyani şəkildə, öz gözləri ilə gördülər. Onlar Bakı şəhəri haqqında da geniş məlumat əldə edib, paytaxtımızla yaxından tanış oldular. Ölkəmizə gələn xarici ölkə nümayəndələri mədəniyyətimiz, incəsənətimiz haqda da məlumat əldə etdilər. Hesab edirəm ki, bu tədbir zamanı avropalı parlamentarilər və ATƏT-ə üzv dövlətlərin təmsilçilərinə Azərbaycan haqqında daha dəqiq informasiya çatdırıldı. Bundan əlavə, sessiyada Azərbaycanın müstəqil siyasət yeridən dövlət olduğu bir daha təsdiqlədi. Hamı gördü ki, dövlətimiz istənilən halda milli maraqlarını müdafiə edir. Toplantıda Ukraynada baş verənlər müzakirə olunan zaman da ölkəmiz ənənəvi mövqeyindən çıxış etdi. Azərbaycan hər zaman dövlətlərin ərazi bütövlüyü, sərhədlərin toxunulmazlığı prinsiplərini dəstəkləyib. Biz ATƏT-in Helsinki Yekun Aktından, eyni zamanda, BMT Nizamnaməsindən irəli gələn prinsiplərə sadiqliyimizi nümayiş etdiririk. Bütün dünya dövlətləri bilsin ki, Azərbaycanın atdığı addımlar yalnız özünün milli maraqlarının müdafiəsinə əsaslanır. Mövqeyimizi yenidən bildirməmiz baxımından, ATƏT-in Bakıda baş tutan sessiyasını ölkəmiz üçün uğurlu hesab edirəm. Qeyd edim ki, sessiya ATƏT üçün də əhəmiyyətli oldu. Məncə, ATƏT fərqindədir ki, tədbirə ev sahibliyi edən dövlət daha böyük, daha universal təşkilatda, yəni, BMT Təhlükəsizlik Şurasında təmsil olunmuş dövlətdir. Azərbaycan həm də BMT Təhlükəsizlik Şurasına sədrlik etmiş ölkədir. Yəni, bilirlər ki, Azərbaycan sıradan bir dövlət deyil. Azərbaycan bu gün beynəlxalq siyasətin subyekti yox, aktoru kimi çıxış edir. - Tədbirdə Ukraynanın ərazi bütövlüyünə dəstək nümayiş etdirildi. Bu, işğala məruz qalan digər ölkələrə, həmçinin Azərbaycana nə verə bilər? - Azərbaycan Ukrayna böhranı və Krımın ilhaqı məsələsində mövqeyini həm BMT Baş Məclisində, həm AŞ PA-da, həm də ATƏT PA-nın tədbirində ifadə edib. Ölkəmizin mövqeyi başqa cür ola da bilməz. Əgər hadisələrin əksi baş versəydi, yəni, Ukrayna Rusiya ərazisinin bir hissəsi olan Krımı ilhaq etsəydi, o halda təbii ki, Azərbaycan Ukraynanı tənqid edəcək, Rusiyanın ərazi bütövlüyünü dəstəkləyəcəkdi. Burada söhbət qəbul olunmuş prinsiplərdən gedir. Biz prinsipləri müdafiə edirik və dövlətlərin kimliyinə baxmırıq. Bizim bəlli olan mövqeyimiz var. Azərbaycan tərəfi hansı ölkədə olmasından, hansı tribunada çıxış etməsindən asılı olmayaraq hər zamankı mövqeyini elan edir, prinsiplərə sadiqlik nümayiş etdirir. Prezident İlham Əliyev də hər zaman bu məqamı qabardır, başqalarının reallığı nəzərə alaraq Azərbaycanın mövqeyinə hörmətlə yanaşmasını istəyir. - Belə fikirlər səsləndirilir ki, Azərbaycan paytaxtında aparılan müzakirələr, Bakı bəyannaməsinin qəbul edilməsi Rusiyanı Azərbaycandan incik sala bilər. - Hesab edirəm ki, belə yanaşma düzgün deyil. Rusiyanın hazırkı prezidenti Vladimir Putin kifayət qədər praqmatik siyasətçidir. Onun komandası da yetərincə realist düşüncəli adamlardan ibarətdir. Məncə, onlar yaxşı başa düşürlər ki, Azərbaycan-Rusiya əlaqələri strateji xarakter daşıyır və hər iki dövlət münasibətlərin inkişafında maraqlıdır. Çünki onların dövlətçilik maraqları bunu tələb edir. Hamı bilir ki, 2008-ci il fevralın 17-də Kosovanın müstəqilliyi Birləşmiş Ştatlar və NATO tərəfindən elan olunarkən Azərbaycan nəinki onun müstəqilliyini tanımadı, hətta sülhməramlı qüvvələrini oradan çıxartdı. Təbii ki, bu, Birləşmiş Ştatların və NATO-nun əleyhinə yönələn qərar deyildi. Azərbaycanın onlarla yaxşı münasibətləri var. Sadəcə, bunu ona görə etdik ki, Azərbaycan üçün ərazi bütövlüyü məsələsi hər zaman prioritet olub. O zaman ABŞ da, NATO da bu qərarımıza normal yanaşmışdı. Hesab edirəm ki, bu gün də Rusiya həmin münasibəti sərgiləyəcək. Azərbaycan hansısa dövlətə zidd getmək üçün belə mövqe ortaya qoymur. Bu, bizim həmişəki prinsipial mövqeyimizdir. Ölkəmiz üçün ən önəmli məsələ milli dövlətçilik maraqlarının qorunmasıdır. Biz beynəlxalq hüququn normalarına əsaslanıb çəkinmədən məlum mövqeyimizi ortaya qoyuruq. |
Strategiya.az
HEYDƏR ƏLİYEV - YENİ MİLLİ İNTİBAHIN VƏ MÜSTƏQİL DÖVLƏTÇİLİYİN ƏSASINI QOYMUŞ TARİXİ LİDER
Müasir dövrün qlobal problemi iş şəraitində mobbinq ve mübarizə yolları
Azərbaycan Respublikasında Dövlət Qulluğunun Təkmilləşdirilməsi İstiqamətləri
HEYDƏR ƏLİYEV - MÜASİR AZƏRBAYCAN TARİXİNİ YARADAN LİDER
Xarici valyutaların manata qarşı bugünkü məzənnəsi
Ceyhun Bayramov ölkəmizin Avropanın enerji təhlükəsizliyində mühüm rol oynadığını bildirib
İmtahanın nəticələri ilə əlaqədar müraciətlərə baxılması üçün Apellyasiya Şurasına ərizə qəbuluna başlanılıb
Xarici işlər naziri Ceyhun Bayramov NATO-nun Baş katibi Yens Stoltenberq ilə görüşüb
Avropa İttifaqı münaqişədən sonrakı dövrdə mühüm rol oynayır - Ceyhun Bayramov
"Qarabağ" İsveçrə çempionuna qalib gəldi
Tehranda Rusiya və Türkiyə prezidentlərinin görüşü olub
Ceyhun Bayramov Gürcüstanın Baş naziri ilə bölgədə sülh prosesini müzakirə edib
Mikayıl Cabbarov: Sənaye zonalarında istehsal 53 faiz, ixrac isə 2 dəfə artıb
Ağalı kəndinə köçürülən ailələrin tibbi müayinələrinə başlanılıb
Prezident İlham Əliyev: Bizim Xəzər dənizi kimi çox nəhəng bir enerji mənbəyimiz var
Qubada içərisində 125 min manat olan seyf oğurlanıb
İrəvan Dövlət Azərbaycan Dram Teatrının 140 illiyi qeyd edilləcək - SƏRƏNCAM
Azərbaycan tarixinin şanlı səhifələrindən biri - 14 iyul 1969-cu il
Şuşada Vaqif Poeziya Günləri başlayıb
Təhsil Nazirliyi: 204 məktəbdə elektron jurnal və gündəlik sistemi tətbiq edilib
Təhsil Nazirliyi məlumat yaydı
FHN: Zəngilan rayonunda ağaclıq ərazidə baş verən yanğının tam söndürülməsi istiqamətində tədbirlər görülür
Azərbaycan neftinin qiyməti 114 dolları ötüb
Azərbaycan Ordusunun əsgəri həlak olub
Baş Prokurorluq rəis müavininin intiharı ilə bağlı məlumat yaydı
Respublika üzrə pensiyaların iyulun 15-də tam ödənilərək yekunlaşdırılması nəzərdə tutulub
Qızıl təpə abidəsində arxeoloji tədqiqatlar davam edir
Azərbaycan neftinin bir bareli 113,91 dollara satılır
Bakı-Tbilisi-Ceyhan neft boru kəmərinin tam istismara verilməsindən 16 il ötür
Partlayış zamanı “Baktelecom”un rabitə infrastrukturuna ziyan dəyməyib
Dünyada "Premium Euro-95" benzinin bahalaşması gözlənilir - Azərbaycana necə təsir edəcək?
Azərbaycan nefti ucuzlaşıb
Böyük Britaniyanın yeni baş nazirinin adı sentyabrın əvvəlində açıqlanacaq
Tovuz döyüşlərindən iki il ötür
Bakının mərkəzində partlayış baş verib
Cüdoçularımız Xorvatiyada Qran-Pri turnirində iştirak edəcəklər
Ərdoğan yaxın zamanda Venesuelaya səfər edəcək - Maduro
Türkiyə və Ukrayna prezidentləri arasında telefon danışığı olub
Xaçmazdakı meşə yanğınının söndürülməsinə iki helikopter və amfibiya tipli təyyarə cəlb olunub
Ərdoğan və Paşinyan arasında telefon danışığı olub
Saatlı stansiyası yaxınlığında qəzaya uğrayan qatar Gürcüstana məxsusdur - ADY
FHN Xaçmazdakı meşə yanğınları ilə bağlı məlumat yayıb
Vahid əlaqələndirmə mərkəzlərində 41 min şəxsə xidmətlər göstərilib
Kino Agentliyi Mədəniyyət Nazirliyinin tabeliyində olan qurumların siyahısına əlavə edilib
Gələn ilin sonunda Şuşa ilk sakinlərini qəbul edəcək - Aydın Kərimov
Azərbaycan Ordusunun hərbçisi həlak olub
DİN: Ötən gün ölkə ərazisində qeydə alınan cinayətlərdən 52-nin açılması təmin olunub
Xocavənd rayonu ərazisində yeni hərbi hissənin açılışı olub
Birinci vitse-prezident Mehriban Əliyeva Qurban bayramı münasibətilə xalqımızı təbrik edib
Abeyə atəş açan şəxs əməlinin səbəbini açıqlayıb
Zakir Həsənov Qurban bayramı münasibətilə Azərbaycan Ordusunun şəxsi heyətini təbrik edib
XİN Azərbaycanın diplomatik xidmət orqanlarının əməkdaşlarını peşə bayramı münasibətilə təbrik edib
Bu gün Azərbaycanda Qurban bayramı qeyd edilir
Bərdədə avtomobil yolunun tikintisi ilə bağlı 3,1 milyon manat ayrıldı - SƏRƏNCAM
