İnsan orqanizmi və onun bizə verdiyi siqnallar

Həkimlər orqanizmdə baş verən hadisələrin birdən-birə meydana çıxmadığını söyləyirlər. Onlar bizdə olan hər bir əlamətin sağlamlıqla əlaqəsi olan hansısa bir problemdən xəbər verdiyini qeyd edirlər. Az sayda adamlar vardır ki, davamlı olaraq tibbi müayinədən keçir. Amma bəzi siqnallar vardır ki, orqanizm onları bizə ötürərək hansı patologiyanın baş verə bilməsindən xəbər verir.
Dodaqların çatlaması
Strategiya.az immunitet.az-a istinadən bildirir ki, dodaqların çatlaması və ağız boşluğunun kənarlarında əzələ tonusunun aşağı düşməsi, diqqət dağınıqlığı ilə problemlərin meydana çıxması, saçların tökülməsi orqanizmdə B2 (riboflovin) vitamininin çatışmazlığını göstərir. Tarazlığın saxlanılması pozulmaları meydana çıxan zaman süd məhsullarından istifadə etmək, araxis, ərik, soya, armud, tomat və rəngli kələmlə qidalanmaq lazımdır. Dildə ağ ərpin olması bu uzun müddət ac qalmanın və ya soyuqlamanın əlamətidir. Dildə olan ağ ərpin kənarları qırmızı xəttlə hüdüdlanıbsa, bu qastrit xəstəliyinin əlamətidir.
Dildə ağ-boz ləkənin olması
Bu mədə-bağırsaq pozulmalarının əlaməti kimi qeyd edilir. Bu əlamətlərlə yanaşı dildə və dodaqlarda şişkinlik də meydana çıxarsa deməli orqanizmdə dəmir çatışmazlığı var. Bu zaman təcili olaraq tədbir görmək lazımdır. Kofe və tünd çay, cəfəri, qaraciyər, göbələk, balıq məhsulları, alma və sitrus meyvələrindən istifadə etmək lazımdır.
Ağızda quruluq
Normada stress zamanı ağızda quruluq hissi meydana çıxa bilir. Uzun müddət ağızda quruluq hissinin olması və dilin qıcıqlanması B3(nikotin turşusu) vitamininin çatışmazlığını bildirir. Bu vitamin ən çox quş ətində, qozda, mal ətində və buğda məhsullarında olur. Ağızda quruluğun olması tüpürcək vəzinin iltihabi xəstəlikləri zamanı da meydana gələ bilir. Uzun müddət ağızda quruluğun olması şəkərli diabet xəstəliyinin əlaməti kimi qeyd edilir.
Ağızın iylənməsi
Əgər ağızın iylənməsi axşam yeməyini gec və çox yeməklə və ya dişlərin yuyulmaması ilə əlaqədardırsa, səbəbi aradan qaldrımaqla qoxunu yox etmək mümkündür. Şəkərli diabet zamanı isə ağızdan ammonyak iyi gəlir. Bu qanda şəkərin miqdarının artması ilə əlaqədardır. Xroniki bronxit zamanı da xəstələrin ağzından xüsusi çirk qoxusu gələ bilir.
Dəridə quruluq
Dəridə quruluğun olması B2 və A vitamini çatışmazlığının əlamətidir. Bu vitaminlərlə zəngin olan qidalarla qidalanmaq dəri quruluğunun aradan qalxmasına səbəb olur. Dəridə quruluq hissi ilə yanaşı güclü qaşınma da olarsa həkimə müraciət etmək lazımdır. Bu ciddi dəri xəstəliyinin(göbələk) əlaməti ola bilər. Dəridə göy ləkələrin olması dəriyə toxunan zaman əmələ gələrsə, bu qanın laxtalanma qabiliyyətində və ya qaraciyərdə problemlərin olmasının göstəricisidir. Bu zaman mütləq qan analizləri vermək və həkimə müraciət etmək lazımdır.
Kiprik diblərinin iltihablaşması, dərinin solması və soyuq olması böyrək xəstəliklərinin əlamətidir.
Sidiyin tünd olması
Bu yüksək temperaturun, təhlükəli böyrək və qaraciyər xəstəliklərinin əlaməti kimi qeyd edilir.
Burundan tez-tez qanaxma
Davamlı olaraq burun qanaması arterial təzyiqin olmasının göstəricisidir. Bu təsdiq edilərsə, o zaman mütləq müalicə almaq lazımdır. Əgər təzyiq normaldırsa, o zaman burundaxili patologiyalar və ya K vitamini çatışmazlığı var. K vitamini çatışmazlığı öz təsdiqini taparsa, o zaman çoxlu miqdarda ispanaq və gicirtkən şorbası içmək lazımdır.
Çoxlu tərləmə
Bu qalxanabənzər vəzi xəstəliklərinin əlaməti kimi meydana çıxır. Çoxlu tərləmək ağciyər xəstəlikləri və sinir sistemi xəstəlikləri zamanı da meydana çıxa bilir.
Yaraların gec sağalması
Bu sizdə sinkin miqdarının az olmasının göstəricisidir. Çoxlu miqdarda dəniz məhsulları və dənli bitkilər yemək lazımdır.
Dırnaqlarda ləkənin olması
Bu dırnağın böyümə zamanı müəyyən hissəsinin zədələnməsidir. Bir-neçə ləkənin olması isə xroniki stressin və avitaminozun əlaməti kimi qeyd edilir. Dırnaqlarda uzunsov çöçəkliklərin olduğu zamanı isə mədəaltı vəzini mütləq yoxlatdırmaq lazımdır.
Gözün sklerasının rəngi
Gözdə və göz ətrafında tünd rəngli dərinin olması
Gözün sklerasının qırmızı olması arterial təzyiqin artmasının göstəricisidir. Skleranın sarı olması qaraciyər xəstəliklərinin(sarılığın), qanda bilirubinin artmasının göstəricisidir. Gözətrafı nahiyənin rənginin göy olması isə yorğunluq və yuxusuzluqdan meydana çıxa bilir. Bu əlamətlərin meydana çıxdığı zamanlarda həkimlər xəstələrin mütləq müayinə olunmasını tələb edirlər. Gözətrafı nahiyənin göyərməsi ürəkdə patologiyanın olmasının da əlaməti kimi meydana çıxa bilir. Buna görə də ürək həkminə də müraciət etmək lazımdır. Gözaltı torbaların tünd rəngdə olduğu zamanlarda heç bir patologiya meydana çıxmadıqda isə bu torbalarda xilas olmaq mümkündür. Bunun üçün isə kosmetoloqa müraciət etmək lazımdır. Bəzi kosmetoloqlar babasil mazlarından istifadə etməklə gözaltı torbalardan xilas olmanın yolunu tapıb. Belə ki, babasil mazları damarların güclü yığılmasına səbəb olur. Bu da gözaltı torbaların qısa zamanda çəkilməsinə gətirib çıxarır. Bunun üçün gözün ətrafına bu mazdan az miqdarda çəkmək lazımdır. Başqa bir üsulla da gözaltı torbalardan xilas olmaq mümkündür. Bu isə massajdır. Hər səhər 5 dəqiqə dəri altına zəif təzyiq etməklə dairəvi massaj bu torbalardaın çəkilməsinə səbəb ola bilir. Gözaltı tünd rəngli torbalar limfa vəzilərində durğunluğun olmasının da göstəricisi ola bilir. Bunun səbəbini araşdırmaq üçün isə mütləq həkimlə məsləhətləşmək lazımdır.