ERMƏNİSTAN TƏCAVÜZKAR SİYASƏTİ DAVAM ETDİRƏRSƏ, BU ONLARI DAHA AĞIR DURUMA GƏTİRƏCƏK

Azərbaycan Respublikasının Pezidenti yanənda Qeyri-hökumət təşkilatlarına Dövlət Dəstəyi Şurassının maliyyə yardımı ilə Tətbiqi Tədqiqatlar Fondunun “”Ermənistanın Azərbaycana qarşı işğalçılıq siyasəti və onun nəticələri” mövzusunda  müzakirələrin təşkili” layihəsi çərçivəsində ATMU ilə birgə seminar keçirilmişdir. Seminarı çıxış sözü ilə açan ATMU nun prorektoru Anar Eminov məsələnin aktuallığından danışaraq, bu problemin regionun həyatında böyük əhəmiyyətini qeyd etdi.

“Hazırkı dövrdə Ermənistanda siyasi hakimiyyətində baş verən dəyişikliklər və onun Qarabağ münaqişəsinə təsiri” mövzusunda  seminarda əsas məruzə ilə Layihənin rəhbəri İbrahim Əliyev çıxış etmişdir. 

Çıxışda qeyd olunmuşdur ki, Ermənistanda gedən prroseslər və yaranmış böhran bu ölkənin rəhbərliyinin uzuin illərdən bəri apardığı avantürist daxili və xarici siyasətin nəticəsidir.

Serj Sərqsyanın istefası ilə Ermənistanda yeni bir siyasi mərhələnun əsası qoyuldu. Bu dəyişiklik regionda marağı olan və burada təsir imkanlarına malik olan bütün qüvvələri hərəkətə kətirdi. Hətta uzun müddət qış yuxusuna getmiş Minsk Qrupu həmsədrləri də yaxında olduqlarını və nə isə etmək istədiklərini bildirməyəə başladılar. Sarqsyan rejiminin daxili və xarici siyasətindən cana doymuş Ermənistan cəmiyyəti nəyə nail oldu. Onlar nəyi dəyişməyə və necə dəyişməyə ümid edirlər.

Daha sonra məruzəçi vurğuladı ki, Ermənilərin Qarabağ məsələsində radikal mövqedən çıxış etməsi, onlar üçün mövcud status kvonun əlverişli olması onların konstruktiv mövqeyə gələcəyinə ümid etməyə əıas vermir. Düşmənçilik zəhəri ilə zəhərlənmiş, özlərinin haqqında yüksək fikirdə olmaları erməni cəmiyyətini reallığı olduğu kimi dərk etməsinə imkan vermir. Hakim rejim üzərində əldə edilmiş  dırnaqarası “qələbə”  məqsədə nail olunması özündən müştəbehliyi bir az da gücləndirə bilər. Mövcud hakimiyyət üzərində qələbə eyforiyası onları reallıqdan uzaqlaşdıra, yeni avantüralara çəkə bilər.

“Digər tərəfdən Ermənistan özünün deyil, özgə maraqlarına xidmət edən bir siyasətin girovudur. Özünün kifayət qədər hərbi gücü, iqtisadi pötensialı olmayan Ermənistanın indiki eyforiya ilə bütün problemlərini həll etməyə ümid etməsi illüziyadan başqa bir şey deyildir.

Gedən proseslərdə müsbət amil odur ki, rejimin buxovlarından xilas olmağa can atan Ermənistan ölkənin sosial-iqtisadi problemlərini həll etmək, ətraf təcriddən xilas olmaq, dünyaya normal inteqrasiya etmək üçün Qarabağ problemini həlli üçün çıxış yollarının axtarılması zəruridir. Onun isə yolu bu problemin ədalətli həllindən, qonşularla münasibətini normal hala gətirməkdən, işğalçılıq siyasətindən imtina etməkdən, işğal etdiyi ərazilərdən çıxıb getməkdən keçir. Yeni Ermənistan hakimiyyəti əvvəlki təcavüzkar siyasəti davam etdirərsə, bu onları daha ağır duruma gətirər, münaqişənin dinc yolla həllini qeyri-mümkün edər.”- İ.Əliyev bildirmişdir.  

Ermənistanın Rusiya ilə Qərb ölkələri arasında ikili oyun oynaması da onun şanslarını xeyli azaldır. Bu kənar qüvvələr Ermənistan cəmiyyətinə öz maraqlarına uyğun addımlar atacağına imkan verəcəkmi. Lakin butun bunlara baxmayaraq ermənistan cəmiyyətinin problemlərini həll etməyə can atması üçün reallıqları götür-qoy etməsi müsbət bir reallıqdır.

Məruzə ətrafında çıxışlarda Günel Teymurova, məhərrəm Zülfüqarlı məsələnin tarixi aspektlərinə diqqət yönəltmiş, mövcud vəziyyətdə müxtəlif maraqlı qüvvələrin qərəzli siyasətinin təzahürlərindən danışmışlar.

Yekun olaraq, seminarda qoyulan mövzu ətrafında aparılan müzakirələrin vacibliyi, əhali arasında geniş maarifləndirmə işlərinin aparılmasının zəruriliyi qeyd olunmuşdur.