Azərbaycan Respublikasının Birinci Vitse-Prezidenti Mehriban xanım Əliyevaya müraciət

Azərbaycan Respublikasının Birinci Vitse-Prezidenti xanım Mehriban Əliyevaya Bakı şəhərində fəaliyyət göstərən “Mur-Ay”  MMC,  “Şərur” MTK və  Bakı şəhəri İcra   Hakimiyyəti  tərəfindən aldadılaraq maddi və  mənəvi  zərərçəkmişlər tərəfindən                         

                                                                Müraciət

     Çox hörmətli Birinci Xanımımız və Birinci Vitse-Prezidentimiz!   Biz müxtəlif tarixlərdə rəsmi müqavilələrlə “Mur-Ay” MMC-dən mənzillər və qeyriyaşayış sahələri aldıq. 2011-ci ildə “Mur-Ay” MMC-nin vəzifəli şəxsləri dələduzluq edərək 317 mənzil və qeyri-yaşayış sahələrini 1000-dən çox vətəndaşa sataraq onlara küllü miqdarda ziyan vurduqları üçün cinayət işi başlanmış və onlar həbs edilmişlər.  “Mur-Ay” MMC-nin vətəndaşlara yaratdığı ciddi problem və bu problemdən doğan gərginlik hörmətli Prezidentimiz İlham Əliyev cənablarının diqqətini cəlb etmiş və problemin həll edilməsi üçün aidiyyatı dövlət qurumlarına, o cümlədən Bakı şəhər İcra Hakimiyyətinə müvafiq göstəriş vermişdir. Bu göstəriş əsasında Bakı şəhər İcra Hakimiyyəti başda olmaqla 17 dövlət qurum və təşkilatları bu problemin həllinə cəlb olunaraq birgə müqavilə (razılaşma) imzalamışlar (bağlanmış müqavilə, ona aid sənəd-sərəncam və öhtəliklər qoşma olaraq göndərilir). Problemin həlli Bakı şəhər İcra Hakimiyyətinin sərəncamı ilə “Şərur” MTK-ya həvalə edilmiş və uyğun olaraq “Mur-Ay” MMC-nin bütün əmlakları “Şərur” MTK-nın balansına keçirilmiş, əlavə olaraq “Şərur” MTK-ya 4 hektardan artıq torpaq sahəsı və böyük miqdar maliyə yardımı ayırmışdır. Aidiyyatı dövlət orqanları da müqaviləyə uyğun olaraq Şərur” MTK-ya üzərlərinə düşən bütün digər yardımları etmişlər. Lakin “Şərur” MTK həmin müqavilə üzrə üzərinə götürdüyü öhdəliyinin bir qismini icra etsə də biz 15 nəfər zərər çəkənə müxtəlif  bəhanələrlə mənzil verməkdən imtina etmişdir. Neçə illərdi müraciət etdiyimiz ilgili dövlət təşkilatı və qurumları dərdimizə dərman olmur ki, olmur. 2017-ci il boyu davam edən məhkəmənin də sonunda  hakim Ayaz Məmmədov (Yasamal rayon məhkəməsi)  bütün imkanlarını “Şərur” MTK-nın sahibi İsfəndiyar Axundovun müdafiəsi üçün sərf etmiş və qanunlarla daban-dabana zidd tamamilə edalətsiz qətnamə qəbul etmişdir. Hazırda işimizə Bakı Apelliyasiya Məhkəməsində (hakim Sənan Hacıyev) baxılmaqdadır.

             Mərhəmətli Mehriban xanım!                                                                           

  SİZƏ - tək respublikamızda deyil, respublikamızın hüdudlarından kənarda da ədalətin sımvoluna çevrilmiş çox sevimli Birinci Vitse-Prezidentimizə müraciət etməkdə məqsədimiz  hansi qanunsuzluqlarla üzləşərək 6 ildən çox müddətdir dözülməz vəziyyətə salındığımızı bildirməkdir. Sizdən çox xahiş edirik, təvəqqə edirik ki, mərhəmətinizi bizim üzərimizdən əskik etməyərək, hazırda Bakı Apellyasiya Məhkəməsinin hakimi Sənan Hacıyevin icraatında olan mülki ərizəmizi  ŞƏXSİ nəzarətinizə götürərək haqqımızın müdafiə olunmasına yardım edəsiniz. Biz  yalnız  SİZə güvənirik və İnanırıq ki, öz ədalətinizlə qanunları ayaqları altına  alaraq vətəndaşlara zülm edən bəzi “iş adamlarına”  və onların mənafelərinə xidmət edən məhkəmə hakimlərinə hədlərini bildirəcək və eləcə də  SİZin mərhəmətiniz və ədalətiniz sayəsində  Cənab Prezidentimizin verdiyi göstəriş tam həllini tapmış olacaqdır.  Qadir Allahdan Prezidentimizə, Sizə və dəyərli ailə üzvlərinizə möhkəm can sağlığı, qüdrət və xoşbəxtlik arzulayırıq. Allahdan mərhum ulu öndərimiz Heydər Əliyevə  Rəhmətlər diləyirik.                    

Hörmətlə,

1. Əsədov Əli Musa oğlu.

2. Əhmədov Sübhan Süleyman oğlu.

3. Cəfərov Mafisəd İltizam oğlu.

4. Abbasov İlqar Vəlican oğlu.

5. Əliyev Zəfər Əlisahib oğlu.

6. Məmmədli Müzəffər Əli oğlu.

7. Şirinbəyova Maral Muxtarpaşa qızı.

8. Abasova Seyranə Şərəfxan qızı.

9. İsgəndərov Vidadi Təhlət oğlu.

10. Aslanova Nailə Vasif qızı.

11. Abasov Mahir Ruşan oğlu.

12. Talıbova Zibeydə Dadaş qızı.

13. Əliyev Qulamhüseyn Əlihüseyn oğlu.

14. Abıyev Anar İsrəfil oğlu.

15. Səfərov Alim Ərəstun oğlu.