Azərbaycanlı müğənni: “Birinci dəfə ərə gedəndə toyum olmuşdu, ikinci dəfə isə...”MÜSAHİBƏ

Onu qalmaqallı müğənnilər sırasına aid etmək olmaz. Amma haqqında yetərincə dedi-qodu, söz-söhbətlər olub.  Ulduz olmasa da, yetərincə tanınır. Şühbəsiz ki, nə dərəcədə sevildiyini tamaşaçılar bilir.

 Beləliklə, Publika.az müğənni Sevinc Ağaşirinovanın müsahibəsini təqdim edir.

-Sevinc, yaradıcılığında hansı yeniliklər var?

-Yeni mahnılar yazdırmışam. Yaxın zamanlarda Eldar Dalqatovun “Ol mənim Sevgilim” mahnısına klip çəkdirəcəyik. Bir müddət öncə isə “Sən d get” adlı mahnıya klip çəkdirdim. Fikrimcə çox yaxşı klip alınıb. Hətta deyərdim ki, Azərbaycanda belə bir klip çəkilməyib.

-“Ol mənim sevgilim” mahnısını Dalqatov sənin üçün yazılıb?

-Yox, özü ifa edib. Sonra mənim də ifa etməyimi istədi. Ancaq mən fərqli aranjımanda təqdim edəcəyəm. Onunla Nabranda, Bakıda konsertlərimiz olmuşdu.

-Yeri gəlmişkən, həmin konsertləri kim təşkil etmişdi?

-Birini Ramiz Hüseynzadə, digərini isə  Samir Xəttab

-İndiyə kimi solo konsertin olub?

-Xeyr, olmayıb.

-Düşünürsən ki, solo konsert etsən gələn olmaz?

-Gələn il solo konsertim olacaq.

-Amma məncə özünə əmin deyilsən.

-Söhbət ondan getmir. İstəyirəm yaxşı konsert olsun da. Yolaverdi konsert istəmirəm.

-Neçə ildir oxuyursan?

-Peşəkar səhnədə 5 ildir varam.

-Yaşına baxanda sənətə nisbətən gec gəlmisən...

- İlk dəfə səhnəyə aparıcılıqla gəlmişəm. Sonradan üzərimdə işlədim, toylara getdim və peşəkar səhnəyə çıxdım.

-Deyəsən yoldasan. Hara gedirsən?

-(gülür) Şəmkirə toya gedirəm, indi Ağdaşdayam.

-Bəs uşağa kim baxır?

-Uşağı anama əmanət eləmişəm. Evdə olanda da özüm baxıram.

-Bir müddət öncə efirdə səninlə böyük bir anlaşılmazlıq yaşadıq. Hətta qalmaqal deyərdim buna. Bildiyimə görə ondan sonra yaxınların da sənə qarşı çıxmışdılar. Nə baş vermişdi?

-Bu barədə danışmaq istəmirəm.

-Hər halda aydınlıq gətirməyini istərdim.

-İstəmirəm. Səni günahlandırmaq istəmirəm axı.

-Hazırda həyatında olan şəxslə rəsmi nikahdasan, yoxsa vətəndaş nikahıdır?

-Şəxsi həyatımı gizli saxlamışam. İlk dəfə ailə həyatı quranda da gizli saxlamışdım. Bircə kəlmə demişəm ki, ailəliyəm.

-Birinci dəfə ailə quranda toyun olmuşdu?

-İlk dəfə toy olmuşdu. Amma ikinci dəfə ailələrin iştirakı ilə özəl bir məclis oldu.

-İndikini vətəndaş nikahı saymaq olar?

-Yox, rəsmi nikah sayılır. Sadəcə təmtəraqlı toy eləmədim. Bir də görürsən kimsə bu il bir dəfə toy edir, ayrılır, gələn il yenə evlənir və səni çağırır(gülür). Mən belə istəmirəm.

-Kimdir o dediyin?

-Yəni belələri olur da.

-Yoldaşın sənət adamıdır yoxsa?

-Yox, sənət adamı deyil.

-5-6 ildir səhnədəsən. Amma hələ də “partlayış” edəcək işin olmayıb.

-Çünki həmişə övlad həsrətində olurdum, fikrim qarışırdı.

-Uşaqdan sonra da elə bir işin yoxdur

-Niyə? Hələ 3 aydır başlamışam da.

-Çoxları hesab edir ki, o qədər də uğurlu sənətçi deyilsən

-Onu zaman göstərəcək. İndidən mən nə deyim?

-Düşünürsən ki, peşəkar müğənnisən?

-Əlbəttə. Əgər məclislərdə təbdirlərdə canlı oxuya bilirəmsə, mənə etibar edirlərsə, deməli, peşəkar müğənniyəm. Efirlər məni çağırır.

-Efirə çağırılmaq sənət meyarı sayıla bilər?

-Baxır kimi efirə çağırırlar da. Mən də hər zaman işimi göstərən müğənniyəm. Çalışıram ki, daha da püxtələşim. Heç vaxt demərəm ki, mənim qabağıma heç kim çıxa bilməz.

-Son vaxtlar ciddi şəkildə idmanla məşğulsan deyəsən.

-İdman mənim həyatımn bir hissəsi olub artıq. 5-6 aydır daha çox meyl etmişəm və getdikcə də sevməyə başlamışam. İndi idmansız qala bilmirəm. Məncə qadın sənətçilər arasında əsl idmanla məşğul olan mənəm.

-Amma şou-biznesdə var idmanla məşğul olanlar. Məsələn, prodüser Təranə Səmədova.

-Ola bilər. Müğənnilərin vaxtı yoxdur deyə məşğul ola  bilmirlər.

-Guya prodüserin vaxtı olur ki?

-Vaxtım olan kimi idmana qaçıram. İstəyirəm özümə fikir verim, artıq çəkim olmasın.

-Həm də yaş keçir...

-Bəli, o da var.

-1-2 il əvvəl mətbuatda açıq-saçıq fotosessiyaların yayımlanırdı. Bu, yenidən ola bilərmi?

-Bu haqda düşünmürəm. Açıq-saçıq fotolardan uzağam.

-Özün istəmirsən, yoxsa qadağa var?

-(gülür) Həm özüm istəmirəm, həm də qadağa var. Hələ ki, qadağaları aşmaq istəmirəm

-Ola bilər qadağanı keçəsən?

-Ola bilər. Ümumiyyətlə heç vaxt “bu işi görməyəcəm” demək istəmirəm. Elə bir layihə ola bilər ki, açıq-saçıq fotolarım da olsun.

-Niyə cəmiyyətdə şou-biznes haqda çox mənfi fikirlər var? İnsanlar düşünürlər ki, onların işi ancaq evlənib- boşanmaqdan, dava-dalaşdan ibarətdir. Razısan?

-Əslində bütün sahələrdə belə şeylər baş verir. Bizdə nə baş verirsə, bayıra sızır, gündəmə gəlir.

-Əksəriyyəti isə belə məsələləri PR üçün sızdırırlar.

-Razıyam, elələri də var.

-Sən özün qurulmuş qalmaqalda iştirak etmisən?

-Yox, olmayıb. İndiyə kimi qalmaqalda görmüsən məni?

-Yalnız mənimlə olan anlaşılmazlığımız yadımdadır.

-Sosial şəbəkələrdə də çox fəalsan.

-Bəli. Orda bəzən adama elə şeylər yazırlar ki, əsəbləşirəm.

-Məsələn?

-Salam yazırlar, cavab verməyəndə küsürlər. Mən də hamısına cavab verə bilmirəm axı. Nazlı pərəstişkarlarım var(gülür).

-Düşünürsən ki, sənin də bu ölkədə pərəstişkarların var?

-Nə bilim.

-Yaxın qohumları demirəm ha...

-Onların səmimiyyətinə tam inanmaq olmur. Adam öz istədiyinə inana bilmir, o ki qaldı yad insanlara.

-Səncə neçə nəfər pərəstişkarn var ölkədə?

-Onu bilmirəm. Bəlkə beş nəfərdi, bəlkə min nəfər. Bəlkə lap çoxdur, yaxud heç yoxdur. Durum deyim ki, hamı məndən ötrü ölür?

-Toy qiymətin neçədir?

-Lazım olanda bütün toyu idarə edirəm. Bəzən də yarım saat öz repertuarımla iştirakım olur.

-Neçəyə?

- Baxır adamına.

-İndi Şəmkirə yarım saatlıq gedirsən?

-Yox, bütöv toya. Qiyməti prodüserim danışıb. Görüm axırda mən nə qədər verəcək? (gülür) Bakıda yarım saatı 500-1000 arası gedirəm.

İntiqam Valehoğlu