15 iyun – Milli Qurtuluş Günü də Azərbaycan xalqının və dövlətinin taleyində həlledici dönüş məqamıdır 

Azərbaycançılıq ideologiyası və milli dövlətçiliyi sevən gənclər üçün ulu öndər Heydər Əliyev yolu hər zaman nümunə olub. Ümummilli lider gənclərin problemləri ilə daim maraqlanıb, onların sağlam və hərtərəfli inkişafı üçün dövlət səviyyəsində tədbirlərin görülməsi ilə bağlı bir çox fərman və sərəncamlar imzaladı. Hazırda ölkəmizdə dövlət gənclər siyasəti Prezident İlham Əliyev tərəfindən uğurla davam etdirilir. Dövlət müstəqilliyimizin layiqincə qorunub saxlanılmasında mühüm xidmətləri olan gənclərin sosial problemləri həll olunur.

15 iyun – Milli Qurtuluş Günü də Azərbaycan xalqının və dövlətinin taleyində həlledici dönüş məqamıdır. Azərbaycançılıq ideologiyası və milli dövlətçiliyi sevən gənclər üçün Ümummilli lider Heydər Əliyev yolu hər zaman nümunə olub. Belə gənclər eyni zamanda ictimai-siyasi aktivlik də göstərirlər. Hər bir xalqın və dövlətin tarixində həlledici, taleyüklü anlar, əsaslı dönüş məqamları var. Belə məqamlarda xalqını irəliyə aparan, dövlətin sükanı arxasında dayanan güclü, müdrik liderlərin olması həyati önəm daşıyır. Yalnız bu halda ən çıxılmaz görünən böhranlardan qurtulmaq, çətin sınaqlardan uğurla çıxmaq mümkündür. Dövləti və dövlətçiliyi qorumağa çalışan qüdrətli, uzaqgörən liderlər belə ağır dönəmlərdə öz xalqına, millətin dəstəyinə arxalanırlar. Təbii ki, xalq da qurtuluş və nicatını xilaskar liderinin göstərdiyi yolda, apardığı siyasətdə gördüyü üçün onu birmənalı şəkildə dəstəkləyir.

Milli Qurtuluş Gününün Azərbaycanın müasir tarixinin ən əhəmiyyətli günlərindən biridir. Azərbaycanın müasir tarixi ulu öndər Heydər Əliyevin 1993-cü ilin iyun ayında hakimiyyətə gəlməsi ilə bilavasitə əlaqədardır. Həmin dövrdə Azərbaycan böyük təhlükələrlə üzləşmişdi, o zamankı hakimiyyət Azərbaycan üçün təhlükə mənbəyi idi. Azərbaycan parçalanmaq təhlükəsi ilə üz-üzə qalmışdı. Bütün bunlar Azərbaycan cəmiyyətini çox ciddi narahat edirdi. Müstəqilliyin əvvəllərində Azərbaycan anarxiya, parçalanmaq və məhv olmaq təhlükəsi, iqtisadi tənəzzül, beynəlxalq təcrid ilə üzləşdi. Ümummilli lider Heydər Əliyevin xalqın təkidli tələbi ilə hakimiyyətə qayıdışından sonra ölkəmiz bu bəlalardan xilas olaraq inkişaf yoluna qədəm qoydu. Respublikamızda mühüm siyasi və iqtisadi islahatlar həyata keçirildi. Neft strategiyası reallaşdırıldı. Cəbhədə atəşkəsin əldə olundu. Nizami ordu quruculuğu prosesinə başlandı. Cəmiyyətin inkişafı üçün fundamental əsaslar yaradıldı. Bu gün fəxrlə demək olar ki, Ulu Öndərimizin ordu quruculuğu ilə bağlı ideya və tövsiyələri uğurla həyata keçirilir. Ordu-xalq, ordu-dövlət, ordu-vətəndaş cəmiyyəti kimi mühüm istiqamətlərdə ciddi irəliləyişlər əldə edilib. Ümummilli lider Heydər Əliyevin əsasını qoyduğu ordu quruculuğu 15 ildən artıqdır Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin yenilməz əzmi və iradəsi, davamlı diqqət və qayğısı nəticəsində durmadan həyata keçirilir, Ulu Öndərin əsasını qoyduğu siyasət bu gün Azərbaycan Prezidenti İlham Əliyev tərəfindən uğurla davam etdirilir. Bu gün Azərbaycan dünyanın böyük rəğbət bəslədiyi bir dövlətdir. Buna görə də biz hamımız Azərbaycan dövlətinin vətəndaşı olaraq ailəmizdə, evimizdə uşaqlarımızı Vətənə, xalqa, millətə və ölkəmizə sədaqət və hörmət ruhunda tərbiyə etməli, milli irsimizi ləyaqətlə qoruyub saxlamalı, müstəqilliyimizi qoruyub saxlamalı və Prezidentimizə dəstək olmalıyıq.

Nicat Müslümov