Kəpəz TV bildirir ki, şəhər sakini, Nizami prospekti 10/2 ünvanında qeydiyyatda olan 31 yaşlı Zaməddin Fərəcov hələlik istintaqa məlum olmayan şəxs tərəfindən “Vinçester” markalı odlu silahla güllələnib.
Ayaq nahiyəsindən ağır xəsarət alan zərərçəkən ətrafdakı insanların köməkliyi ilə Gəncə Şəhər TTYX-nın Travmatologiya şöbəsinə yerləşdirilib. Zaməddin Fərəcova tibbi yardım göstərilsə də, vəziyyəti ağır qiymətləndirilir.
Qeyd edək ki, insidentin baş verdiyi qəbiristanlıq Göygöl rayonu ərazisində yerləşdiyindən hadisəni Göygöl Rayon Polis Şöbəsi araşdırır.
Faktla bağlı cinayət işi açılıb və hadisəni törədən şəxsin tapılması istiqamətində işlər aparılır.
