ERMƏNİSTANIN VAXTAŞIRI SƏSLƏNDİRDİYİ GÜLÜNC BƏYANATLAR MÜNAQİŞƏNİN HƏLLİNƏ DEYİL, UZANMASINA HƏDƏFLƏNMİŞDİR

 29 avqust 2019-u il tarixdə Beynəlxalq Mətbuat Mərkəzində Azərbaycan Respublikasının Pezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə Tətbiqi Tədqiqatlar Fondunun “Ermənistanın Azərbaycana qarşı işğalçılıq siyasətinin fəsadlarının işıqlandırılması və onların qarşısının alınması yolunda Azərbaycanın mövqeyinin təbliği” layihəsi çərçivəsində Beynəlxalq Mətbuat Mərkəzində. KİV-lərinin nümayəndələri, QHT təmsilçiləri, digər ziyalıların iştirakı ilə "Ermənistan-Azərbaycan Dağlıq Qarabağ münaqişəsinin hazırkı vəziyyəti və onun perspektivləri" mövzusunda seminar keçirilmişdir Tədbirdə müasir dövrdə Cənubi Qafqaz regionunda ən ağır problemlərdən biri olan Qarabağ münaqişəsində bu günə olan mövcud vəziyyət və onun mümkün perspektivləri müzakirə edilmişdir. Layihə rəhbəri İ.Əliyev öz çıxışında məsələnin mahiyyətindən danışarkən qeyd etmişdir ki, Qarabağ problemi çoxsaylı obyektiv və subtektiv səbəblər üzündən uzanaraq təhlükə mənbəyi kimi qalmaqdadır. Onun həlli təkcə münaqişə iştirakçılarının istəyindən, imkanından və maraqlarından asılı deyildir. Kənar qüvvələrin buradakı maraqları, onların qeyri-konstruktiv mövqedə dayanması onun həllini müşkülə çeviri. Bu mənada dünyanın güc mənbələri, beynəlxalq təşkilatlar nümayiş etdirdikləri mövqeləri münaqişənin həllinə nəinki kömək etmir, əksinə onun sonsuz şəkildə uzanmasına, səbəb olur. Ermənistan münaqişənin hər hansı formada həllini istəmir. Mövcud status-kvo onlara əlverişlidir. Buna görə də məntiqə uyğun olmayan bəyanatları ilə hadisələri uzadılmasına xidmət edirlər. Onlar əslində müstəqil tərəf kimi heç bir gücə malik olmadıqlarından onların vaxtaşırı verdikləri gülünc bəyanatlar da məsələnin həllinə deyil, uzanmasına hədəflənmişdir. Ermənistanın bir münaqişə tərəfi kimi gücü onun kənardan dəstəklənməsində, törətdiyi cinayətlərə göz yumulmasındadır. Buna görə də bu həqiqqətlərin dünya ictimaiyyətinə çatdırılması strateji əhəmiyyət daşıyır. Bu münaqişənin səbəbləri, gedişi, məqsədləri maraqlı tərəflərin səyi ilə yarandığı gündən dolaşığa salınmış, dünya ictimaiyyətinə onlar barədə yanlış informasiya verilmiş, Azərbaycanın maraqları, onun haqqı tapdalanmış, böyük dünya güclərinin bu münaqişədə oynadığı rol, güddüyü məqsədlər pərdələnmiş, onların cinayətləri ört-basdır edilmişdir. Seminarda məruzə ilə çıxış edən Beynəlxalq Avrasiya Mətbuat Fondunun prezidenti. Tanınmış jurnalist Umud Rəhimoğlu münaqişənin başlandığı gündən Azərbaycan informasiya blokadasına salınmış, müxtəlif böhtanların, fitnələrin qurbanına çevrilmişdir. Bu həm də ona görə baş verirdi ki, bu münaqişəni planlaşdıran və həyata keçirən qüvvələr uzun müddət buna hazırlaşmış, onu incə detallarına qədər işləyib hazırlamışdılar. Buna görə də ilk vaxtlar bu təcavüzə, iftiralara cavab vermək, özünün haqlı olduğunu sübüt etmək çoxmüasir mürəkkəb şəraitdə Azərbaycan mətbuatının qarşısında duran başlıca vəzifələr, onun problemləri və uğurları barədə danışmış, gələcək fəaliyyət istiqamətlərini qeyd etmişlər. Məruzəçi G.Qafarova erməni işğalçılaarının işğal olunmuş ərazilərdə törətdikləri dağıdıcılıq fəaliyyəti üzərində dayanmış, xüsusən Azərbaycanın mədəniyyət abidələrinə, təbiətinə qarşı yonəlmiş vandalizm hərəkətlərinə diqqət yönəltmişdir. Məruzələrin ardınca qoyulan məsələlər ətrafında geniş müzakirə aparılmış. Qeyd olunmuşdur ki, Azərbaycanın mövqeyinin fasiləsiz olaraq dünya ictimaiyyətinə çatdırılması bu müharibədə Azərbaycanın can atdığı uğurun vacib şərtlərindən biridir. Bu fəaliyyətin dərinləşdirilməsinə, daha intensiv şəkildə aparılmasına eehtiyac vardır. Mətbuatın burada vəzifələri aktualdır və daim təkmilləşdirilməlidir. Hazırkı tədbirdə bu məsələlərin müzakirəsi, bu sahədə yeni imkanların araşdırılması Azərbaycanın informasiya sahəsində ehtiyaclarının təmin edilməsinə öz töhfəsini verir.