Ermənistanın özünüküləşdirdiyi torpaqlarımız-FOTOLAR

Erməni qəsbkarlığını və yalnlarını ifşa edən www.realmap.az onlayn xəritə pоrtalı ictimaiyyətə tədim olundu.

Gənclər və İdman Nazirliyinin dəstəyi ilə “İctimaiyyətlə Əlaqələrin İnkişafına Kömək” İctimai Birliyi tərəfindən hazırlanmış www.realmap.az onlayn xəritə pоrtalının təqdimat mərasimi keçirilib.Təqdimat mərasimində Millət vəkilləri,ziyalılar,ictimai-siyasi xadimlər,media nümayəndələri,bölgələrdən gələn qonaqlar və tələbələr iştirak ediblər.

Kanal32.az xəbər verir ki,Bakı Slavyan Universitetinin professoru, əməkdar jurnalist Şəlalə Həsənovanın rəhbərliyi ilə təqdim edilən portalın özəlliyi Ermənistanın ərazisində Azərbaycan toponimlərini bərpa etməklə onlara yeni nəfəs verməsindədir.Bununla mövcud Ermənistan respublikasının əzəli oğuz torpaqlarında yerləşdirilməsi əsaslı tarixi,coğrafi və demoqrafik dəlillərlə sübut olunub.
Təqdimat mərasimini giriş sözü ilə açan layihə rəhbəri professor,əməkdar jurnalist Şəlalə Həsənova bildirib ki,portalın əsasını təşkil edən interaktiv xəritədə orta əsrlərdən Qərbi Azərbaycanda mövcud olmuş 400 Azərbaycan kəndi tam dəqiq coğrafi koordinatları üzrə yerləşdirilib.Qan damlalarını xatırladan qırmızı nişanları kliklədikdə hər kəndin türk mənşəli toponimi, onun erməniləşdirildiyi tarix və müxtəlif illərdə orada yaşayan azərbaycanlıların sayı göstərilib.

Professor,əməkdar jurnalist Şəlalə Həsənova qeyd edib ki,ərsəyə bu tarixi-elmi mənbənin əks olunduğu portal aparılan uzun araşdırmaların nəticəsində ərsəyə gəlib.1918-1920-ci illərdə daşnakların hakimiyyəti dövründə azərbaycanlıların sayının dəfələrlə azalması xəritədə öz əksini tapmış və  Ermənistanda soydaşlarımıza qarşı törədilmiş  soyqırımın  təzahürü kimi önə çəkilib. Xəritə ilə yanaşı portalda “Ermənistanda Azərbaycan toponimləri”, “Əhali”, “Arxiv sənədlər” kimi yardımçı bölmələr yer alıb. Burada mövzu üzrə cədvəllər, ətraflı məlumatlar, nadir  sənədlər yerləşdirilib, kəndlərin adları əlifba üzrə sıralanıb və hər kənddə Azərbaycan əhalisinin soyqırımını və deprtasiyasını təsdiq edən statistik məlumat verilib.

O da vurğulanıb ki,www.realmap.az onlayn xəritə platformasında göstərilən toponimik panorama və demoqrafik faktlar ölkə başçısının dünya miqyasında səsləndirdiyi tezisini möhkəmləndirən unikal elektron bazadır.

Daha sonra Gənclər və İdman Nazirinin müavini İntiqam Babayev,Xalq yazıçısı Anar,Bakı Slavyan Universitetinin rektoru,professor Nurlana Əliyeva və başqaları çıxış edərək,təqdim olunan layihənin olduqca mühüm əhəmiyyətindən danışıblar.

Gənclər və İdman nazirinin müavini İntiqam Babayev deyib ki,onlayn rejimdə olacaq bu platforma gənclərimizin, vətəndaşlarımızın məlumatlandırılması, eyni zamanda beynəlxalq miqyasda təbliği baxımından çox önəmlidir.Düşünürəm ki, XXI əsrdə informasiya müharibəsində hər zaman hücuma hazır olmaq lazımdır. Ona görə də dünya ictimaiyyətini məlumatlandırmalıyıq.

Xalq yazıçısı Anar “Azərbaycan Ermənistanı” layihəsinin təqdimatında deyib:”İllər boyu etdiyim bir təklif var. Mütləq “Şəhidlər Müzeyi” açılmalıdır. Həmin müzeydə bizim bütün faciələrimiz əks olunmalıdır.Müxtəlif vaxtlarda millətimizin başına gətirilən hadisələr orada yer almalıdır. Ölkəmizə gələn turistlərin proqramına da “Şəhidlər Müzey”inə ziyarət mütləq salınmalıdır”.O həmçinin,Layihənin koordinatoru Bakı Slavyan Universitetinin professoru, əməkdar jurnalist Şəlalə Həsənovanın təqdim olnan portalının ərsəyə gəlməsindəki tarixi xidmətlərindən bəhs edib.