Nəsimi irsi GÜRCÜSTANDA təbliğ olunur-FOTOLAR

Nəsiminin zəngin fəlsəfi irsi qonşu Gürcüstanda təbliğ edilir.

Strategiya.az xəbər verir ki,Jurnalist Qadınlar Assosiyası Azərbaycan Respublikasının Prezidenti yanında QHT-lərə Dövlət Dəstəyi Şurasının maliyyə yardımı ilə Gürcüstan respublikasında “Nəsimi günləri”adlı layihəyəsi davam edir.

Layihə çərçivəsində Azərbaycan və Gürcüstan ziyalılarının iştirakı ilə Tiblisidə fəaliyyət göstərən M.F.Axundzadə adına muzeydə  “Nəsimi günləri”nə həsr olunmuş tədbir keçirilib.Toplantını giriş sözü ilə açan Jurnalist Qadınlar Assosiyasının prezidenti Sevil Yusifova da Nəsiminin ədəbi yaradıcılığına nəzər salıb.O,iştirakçıların diqqətinə çatdırıb ki,bu cür tədbirlərin keçirilməsi ölkələrimiz arasındakı dostluq münasibətlərini daha da yaxınlaşdıra bilər.Elə Nəsiminin qəzəllərini gürcü dilinə tərcümə olunması və çap edilməsi bu istiqamətdə atılan önəmli addımlardan biridir.Amma,təəssüf ki,bu əsərlər gürücü dilinə az tərcümə olunub.Bu tərcümələrin müəllifi isə Oqtay Kazımovdur.Xalqımızın dahi mütəfəkkirlərinin əsərlərini gürcü dilinə tərcümə edərək,çox böyük işlər görən hörmətli Oqtay müəllimə öz dərin təşəkkürümü bildirirəm.

Sevil Yusifova onu da vurğulayıb ki,xalqımızın çoxəsrlik ənənələrə malik bədii və fəlsəfi fikrində dərin iz qoymuş dahi söz ustadı İmadəddin Nəsiminin yaradıcılığının insanların mənəvi-əxlaqi kamilləşməsində mühüm rolu Şərq dünyasına məlum olsa da,bu gün qonşu ölkələrdə klassik ədəbiyyatımız haqqında heç də ətraflı bilgilər yoxdur.Elə layihənin əsas məqsədlərindən biri də ədəbi-bədii və mədəni nümunlərimizi Gürcüstanda təbliğ etməkdir.

Tədbiri moderatoru pedaqoji elmər doktoru Zəhra Muradova bildirib ki,Nəsimi yaradıcılığı,Nəsimi irsi bu gün məhz bu tədbir vasitəsi ilə Gürücüstan-Azərbaycan dostluğuna öz töfhələrini verir.Azərbaycan Respublikasının Prezidenti İlham Əliyevin “Nəsimi ili” ilə bağlı imzaladığı sərəncamı xatırladan alim qeyd edib ki,İmaddədin Nəsimi o şairlərdəndir ki,onun ədəbi yaradıcılğı,onun şeirləri öz dərin fəlsəfi mahiyyəti ilə dünya ədəbiyyatının incilərindən sayılır.Bəşəri ideyaların,bəşəri düşüncələrin yer aldığı əsərləri dünyanın qeyri-mənəvi,mədəni dəyərləri sayılır.

Sonra söz Filologiya elmlər doktoru Mahmud Kamaloğluna verilib.O,tədbir iştirakçılarına Nəsimi yaradıcılığından,onun zəngin mənəvi irsindən danışaraq,müfəssəl məlumat verib.Hazırda İmadəddin Nəsimi yaradıcılığının daha dərindən öyrənilməsi üçün elmi araşdırmaların getdiyini bildirib.Alimin sözlərinə görə,xalqımızın çoxəsrlik ənənələrə malik bədii və fəlsəfi fikrində dərin iz qoymuş dahi söz ustadı İmadəddin Nəsiminin yaradıcılığının insanların mənəvi-əxlaqi kamilləşməsində mühüm rolu Şərq dünyasına məlum olsa da,bu gün qonşu ölkələrdə klassik ədəbiyyatımız haqqında heç də ətraflı bilgilər yoxdur.Elə cür layihələr vasitəsi ilə ədəbi-bədii və mədəni nümunlərimizi Gürcüstanda təbliğ edə bilərik.

Tədbirdə Axundzadə adına Azərbaycan məktəbinin yuxarı sinif şagirdləri,o cümlədən tələblər də fəal iştirak ediblər.Şagirdlərin ifasında Nəsiminin qəzlləri Azərbaycan dilində,tələbələrin ifasında isə gürcü dilində səsləndirilib.Onların söylədikləri şeirlər isə hər kəsi duyğulandırıb.

Ardınca tədbirin moderatoru Zəhra Muradova sözü Diasporla İş üzrə Dövlət Komitəsinin nümayəndəsi Nəriman Əliyevə verib.Natiq də öz növbəsində Nəsimi yaradıcılığındaki sufi-panteist görüşlərdən,dərin fəlsəfi məqamalardan danışıb.Eyni zamanda bu qəbildən olan tədbirlərin keçirlməsinin önəmini vurğulayaraq,layihə rəhbərinə öz təşəkkürünü bildirib.

Daha sonra çıxış edən Gürcüstan Azərbaycanlıları Ağsaqqallar Şurasının sədri İsaq Novruzov qeyd edib ki,vaxtı ilə buradakı Azərbaycan məktəblərində Nəsimi və digər klasskilərimizin yaradıcılığı tədris olunub.Orta nəsil bundan məlumatlıdır.Ancaq gənc nəsil demək olar ki,məlumatsızdır.Çünki hazırda Gürcüstandakı məktəblərdə Nəsimi irsi tədris olunmur.İsaq Novruzov onu deyib ki,bu cür tədbirlər soydaşlarımızın yaşadıqları rayon və kəndlərdə keçirilməsi mütləqdir.

Pedaqoji elmər doktoru Zəhra Muradovanın isə Nəsimidən söylədiyi şeir tədbir iştirakçıları tərəfindən böyük maraqla qarşılanıb.

Qeyd edək ki,layihənin məqsədi Nəsimi irsini Gürcüstanda yaşayan və gürcü dilində yazan ədiblərə tanıtmaq və dahi şairin yaradıcılığı ilə tanış etməkdir.

Xatırladaq ki,Nəsimi irsinin müasir humanitar düşüncənin tələbləri kontekstində aktual olduğu,milli mədəni-mənəvi dəyərlərin təbliği baxımından xüsusi əhəmiyyət daşıdğı üçün Azərbaycan Respublikasının Prezidenti Cənab İlham Əliyev imzaladığı sərəncamla 2019-cu il “Nəsimi ili” elan edib.