Ağılsız köpəklər uluduza hürər

Ermənistanım baş naziri Nikol Paşinyanın  hakimiyyətə  meydandan gəlməsi hər kəsə bəllidir. Onun “idarəetmə sistemi” də meydan təfəkküründən kənara çıxmır. Paşinyanın verdiyi vədlərə xilaf çıxması artıq onun yalançı obrazını tam reallaşdırir. Hətta beynəlxalq tədbirlərdə də dediklərini bir saatdan sonra danması və ya pafoslu danışıqlarını sonradan təkzib etməsi onu beynəlxalq aləmdə də qeyri-ciddi  dövlət başçısı kimi tanıdıb. Xüsusilə, Dağlıq  Qarabağ münaqişəsinin nizamlanmasında bu vaxta qədər  heç nəyə nail ola bilməməsi, əksinə  münaqişəni daha da alovlandırmaq cəhdi, tez-tez işğal altındakı Azərbaycan ərazilərinə səfər etməsi prolemi daha da mürəkkəbləşdirir.

Müdriklərimiz deyib ki, “Atı atın yanına bağlayanda həmrəng olmasa da, həmxasiyyət olar”. Bu, el məsələi sanki Nikol Paşinyanın ailəsinin boyuna biçilib. Çünki Paşinyanın arvadı Anna Akopyanın da ərinin yolunu davam etdrirərək, yersiz və gülünc doğuran hərəkətləri  vəziyyəti daha da ağırlaşdırır. Gənc əsgərlərin ölümünə zərrə qədər də təəssüflənməyən və onların ölümündən sanki həzz alan Akopyan, görünür, analıq hissinin nə olduğunu hələ də dərk etmir. Belə olmasaydı, müharibə həvəsində olduğunu heç olmasa, ört – basdır edərdi.

Yəqin ki, Anna Akopyanın bir qədər əvvəl Rusiya yeməkxanalarından bir qarın çörək və spirtli içki hesabına topladığı 4-5 qadınla Dağlıq Qarabağa səfər etməsi hər birimizin yaddaşındadır. Həmin qadınları Rusiyanın “siyasi elitası” adlandıran Anna Akopyanın yalan danışdığı sonradan məlum oldu. Səm demə, bu qadınların heç biri siyasi elitaya mənsub deyilmiş. Annanın “ siyasi elita” sının nümayəndələri  kafe və primitiv yeməkxanaların daimi müştəriləri imiş. Bunu Rusiyanın tanınmış ictimiai-siyasi xadimləri tərəfindən verilən açıqlama da təsdiqlədi. Bax, belə yerdə deyiblər ki, dostunu göstər, kim olduğunu deyim. Və ya taylı tayını tapar.

Anna Akopayan bu yolla gündəmə gələ bilmədiyini görüb bu dəfə  bütün cəhətlərinə görə özündən qat-qat artıq, hətta müqayisə olunmaq səviyyəsində belə olmadığı Azərbaycanın birinci xanımı Mehriban Əliyevanın adını dilinə gətirməklə diqqəti cəlb etmək və bu yolla özünü “siyasətçi” kimi sırımaq istəyib. Ancaq bu dəfə də istəyinə nail ola bilmədi. Çünki səviyyə o səviyyə deyil axı.

İrəvanda “Sülhməramlılıqda qadınların rolu: İmkanlar və problemlər” konfransında çıxış edən Anna Akopyan özünü gülünc vəziyyətə qoyub. Onsuz da ər-arvad özlərini və Ermənistanı hər addımbaşı gülünc vəziyyətinə qoyurlar. Ancaq Anna öz sərsəm fikirləri ilə, hətta erməniləri də gülüş hədəfinə çevirib. Görünür, Mehriban xanımın Qarabağda muğam dinləmək arzusunda olması xəbəri ( inşallah bu günü də görəcəyik) Anna Akopyanı ciddi təşvişə salıb və özünü necə itiribsə,  Mehriban  Əliyevanı  doğma torpağa – Azərbaycanın ayrılmaz tərkib hissəsi olan Dağlıq Qarabağa  qonaq dəvət edib, üstəlik  özünün də  Bakıya gəlməyə hazır olduğunu bildirib.

Bu sərsəm fikir Anna Akopyanın hansı  təffəkürə malik olmasından, siyasi baxışlarının tamammilə olmamasından xəbər verir. Ardınca isə ərinin niyyətini açıqlayaraq işğalçı xislətində olduğunu gizlətməyib. Əslində, Anna bu sayıqlamaları ilə içindəki qorxunu büruzə verib. Çünki 2106- cı ilin Aprel döyüşlərinin qorxusu hələ də canlarından çıxmayıb. Həmin döyüşlərdə Azərbaycan Ordusunun Ermənistana verdiyi qulaqburmasının ağrı-acısı hələ də canlarından çıxmayıb. Bir də ki, küçük onun qulağını kəsəndən qorxar. Yaxşı bilirlər ki, Azərbaycan Ordusunun qarşısında dayanmağa Ermənistanda heç bir silah-sursat, hərbçi və ya qüvvə yoxdur. Ermənistanın baş naziri və onun arvadı Anna Akopayan da bunu çox yaxşı bilirlər.

Anna Akopyanın dediklərinə özündən başqa inanan yoxdur. Ancaq neyləsin, Mehriban Əliyeva kimi dünya şöhrətli bir  xanımın adını çəkməklə gündəmə gəlmək istəyir. Görünür, bu dəfə ağılsız köpəklərin ulduza hürməsindən yararlanmaq istəyir.