Motivasiya işinin gücləndirilməsi prioritet məsələ kimi

AHİK-in IV qurultayının qərarlarının yerinə yetirilməsi çərçivəsində “Azərbaycanda həmkarlar ittifaqları hərəkatının bugünkü  inkişafı və problemləri” mövzusunda tədbirlərin keçirilməsi haqqında AHİK-in İcraiyyə Komitəsinin 08 iyul 2014-cü il tarixli qərarı ilə əlaqədar olaraq bu gün respublikamızın əksər həmkarlar ittifaqlarında silsilə tədbirlər həya­ta keçirilir. Belə tədbirlərdən biri də Azərbaycan Əmək və Sosial Münasibətlər Akademiyasında (AƏSMA) keçirilmişdir. “Azərbaycanda həmkarlar ittifaqları hərəkatının  bugünkü inkişafı  və problemləri, motivasiya işinin gücləndirilməsi” mövzusunda təşkil olunmuş konfransa sahə həmkarlar it­ti­faq­ları Respublika Komitəsinin nümayəndələri, o çümlədən , “ Kənd-Qida-İş” HİF, Mədəniyyət İş.Neft və Qaz sən.iş., Dövlət İdarələri, Elektroenergetika və Elektrotexnika sən. iş., “İnşaat-İş.” HİF, Səhiyyə iş., “ Xidmət-İş ” HİF , Toxucu və Yüngül sən. iş.,  Yerli Sən. və Kommunal Məişət Müəssis. Iş., gənc həmkarlar ittifaqları liderləri, qabaqcıl müəllimlər, tələbələr dəvət olunmuşdu. Akademiyanın müəllimləri tərəfindən həmkarlar ittifaqlarının  fəaliyyətini əks etdirən müxtəlif mövzularda nəşr olunmuş kitab sərgisi ilə tanış olduqdan sonra konfrans öz işinə başladı.

       Konfransı giriş sözü ilə açan Akademiyanın rektoru professor Hüseyn Qaraşov bildirdi ki, bu gün həmkarlar ittifaqların vətəndaş cəmiyyətinin strukturlarının formalaşmasında həlledici rola malikdir. Həmkarlar ittifaqları nə qədər güclü olarsa, demokratik prinsiplərin,qanunların ali­li­yi­nin qorunmasına mühüm töhfələr verə bilər. Müasir dövrdə əməkçilərin hüquqlarının qorunmasına, sosial ədalət prinsipinə əməl olunmasına, cəmiyyətdə sosial dialoqun təşəkkül tapmasına böyük etiyac vardır. Müxtəlif problemlərin həllində həmkarlar ittifaqları qətiyyətli mövqe tutmalı, işçilərin sosial-əmək hüquqlarının qorunması yolunda oz gücünü ortaya qoymalıdır. Əsas məqsədimizə çatmaq üçün -  həmkarlar ittifaqının güclənməsi, yeni-yeni qüvvələrin cəlb olunması, motivasiya işinin düzgün qurulması üçün bilik və bacarığınızı səfərbər  etməliyik. Sonra rektor konfransın proqramı ilə iştirakçıları  tanış etdi, reqlament müəy­yən­ləş­dirildi.  Proqrama uyğun olaraq “Müasir dövrdə Azərbaycanda həmkarlar ittifaqı hərəkatının aktual məsələləri” mövzusunda məruzə ilə professor H.Qaraşov çıxış etdi. Rektor  Azərbaycanda həmkarlar hərəkatının tarixinə qısaca ekskurs etdikdən sonra bu gün həmkarlar ittifaqlarının qarşısında duran vəzifələr və prioritet istiqamətlər barədə fikirlərini çatdırdı. O qeyd etdi ki , bu gün Azərbaycan həmkarlar ittifaqı respublikanın ictimai-siyasi həyatında fəal iştirak edir, bir sıra dövlət proqramlarının hazırlanmasında, qanun və məcəllələrə əlavə və dəyişikliklərin edilməsində təkliflərlə çıxış edir,sosial-əmək münasibətlərinin tənzimlənməsində sosial tərəfdaşlığın prin­sip­­­­lərinə riayət olunmasına səy göstərir. AHİK-in beynəlxalq nüfuza malik olmasını da xüsusulə vurgulayan natiq AHİK-in sədri professor Səttar Mehbalıyevin 161 ölkədən 178 milyon üzvü birləşdirən  Beynəlxalq Həmkarlar İttifaqları Konfe­dera­si­yasnın vitse-prezidenti seçilməsini AHİK-in fəaliyyətinə verilən qiymətin nəticəsi adlandırdı. Çıxış edən hüquqların müdafiəsi,təhsil, təşkilati işlərdə,informasiya təminatı məsələ­lərindəki bəzi problemlərin aradan qaldırılması barədə fi­kirlərini bölüşdü.

“Motivasiyasının nəzəri aspektləri:tələbatlar, maraqlar və motivlər anlayışı, motivasiya prosesi” barəsində cıxış edən  AƏSMA “Sosial tərəfdaşlıq, həmkarlar ittifaqı hərəkatı və humanitar fənlər” kafedrasının müdiri dosent Zeynəddin Şabanov  motivasiya prosesi,onun mahiyyyəti, motivasiyada ünsiyyət və tələbatlar, motivlər və onların növləri, elmi əsasları və praktik göstəricilər, informasiya və “masa” mədəniyyəti  barədə  konfrans iştirakcılarını məlumatlandırdı. 

 “Gənc həmkarlar ittifaqı liderinin hazırlanması həmkarlar ittifaqı fəaliyyətinin əsas istiqamətidir” mövzusunda çıxış edən AƏSMA “Həmkarlar ittifaqı kadr və fəallarının yenidən yenidən hazırlanma  və ixtisasartırma” şöbəsinin metodisti Elmir Zeynalov öz çıxışında həmkarlar ittifaqları fəallarının təhsilinin bütün səviyyədə həmkarlar ittifaqları işçilərinin və onun strukturlarının səmərəliliyinin kadr və fəalların hazırlığının səviyyəsindən və keyfiyyətindən xeyli dərəcədə asılı olduğunu qeyd etdi. Təcrübə göstərir ki, seminarların və dialoqun keçirilməsi prosesində gənc üzvlər həmkarlar ittifaqları və onların təyinatı, funksiyaları, həmkarlar ittifaqları təşkilatlarının statusu və vəzifələri, ilk həmkarlar ittifaqı təşkilatının əməkçilərin hüquqlarının qorunması problemləri ətrafında gedən diskussiyalarda azad demokratik həmkarlar ittifaqları haqqında maraqlı və obyektiv biliklər əldə edirlər.

Akademiyanın IV kurs tələbəsi Mahmud Məmmədzadə “Gənclər və həmkarlar ittifaqı:cəlbetmə problemləri, təşəbbbüs və fəallığın artırılması” adlı məruzəsində diqqəti gənclərin problemlərinin həllinə yönəltdi və  bu istiqamətdə görülən işlərdən və gənclərin həmkarlar ittifaqlarına cəlb olunmasının zəruriliyindən danışdı.  

Akademiyanın  nəşr etdirdiyi “Əmək və sosial münasibətlər” elmi-praktiki jurnalının 1-ci sayının təqdimatından sonra ayrı-ayrı həmkarlar ittifaqları RK-nin nümayəndələri  öz fikir və təkliflərini bildirdilər. Onlar bildirdilər ki, işçilərin maddi həyat şəraitinin yaxşılaşdırılması, əmək haqqının səviyyəsinin artırılması, istirahət vaxtının təşkili ilə müntəzəm olaraq qaygılanmalı, onların maraq və tələbatlarının ödə­nilməsinə diqqət yetirilməlidir. AHİK-in təşkilat –işləri və məlumat şöbəsinin  müdir müavini Əli Cəfərov mövzu ətrafında görülən işlərdən, motivasiya işinin düzgün qurulmasından danışdı. O,belə  tədbirlərin keçirilməsinin həmkarlar ittifaqı üzvlərinin sıralarının artırılmasına və həmkarlar ittifaqlarının işinin yüksəldilməsi və fəaliyyətinin daha səmərəli olmasına xidmət etdiyini bildirdi.