Salam Azərbaycan! Salam Bakı!

Salam doğma yurdum, doğma Vətənim!!

Çox böyük Vətən həsrəti ilə keçmişi xatırlayanda görürəm ki, müstəqil Azərbaycan çox mürəkkəb və keşməkeşli həyat yolu keçmişdir. Bu günə baxanda aydın olur ki, doğma yurdum hal hazırda dünyanın ən qabağçıl ölkələrinə çevrilmişdir.

Bünövrəsi ümummilli lider Heydər Əliyev tərəfindən qoyulmuş bu inkişaf mərhələləri dövlət başçısı İlham Əliyev tərəfindən böyük diplomatik və lazımi islahatlar nəticəsində öz parlaq əksini tapmışdır.

Hər bir dövlətin güzgüsü onun incəsənəti sayıır. Heç təssadüfi deyil ki bu islahatlar Azərbaycan incəsənətini də daha yeni yüksəklərə qaldırmışdır. Əsası Üzəyir Hacibəyov, Rəşid Behbudov, Müslüm Maqomayev tərəfindən qoyulmuş müasir Azərbaycan incəsənəti orta və yeni nəsil tərəfindən daha da inkişaf etdirilimiş və bu onların bu günkü yaradıcılığında özünü qabarıq göstərir.

Mən bu gün milli incəsənətimizin bir qolu olan Azərbaycan televiziyası haqqında bəhs etək istəyirəm. Axı mənim 40 illik fəaliyətim məhz bu incəsənətin bu sahəsi ilə bağlıdır. Son vaxtlar efirdə yayımlanan "Həftə", "Əsas Məsələ", "Hədəf", kimi müasir nəfəsli verlişlər də bunu sübut edir ki, televiziyanın yaradıcı heyəti axtarış yolundadır və bu onun hər bir son yeni işində özünü göstərir. Çox qısa müddət ərzində Azərbaycan Televiziyasında olan yeni quruluş və müasir nəfəs yeni təyin olunmuş sədrlə bağlıdır. Siyasi elmlər doktoru Rövşən Məmmədov sədr olmaqla bərabər televziyada çox güclü bir aparıcı kimi seçilir və onun uğurla apardığı "Həftə" verlişi böyük tamaşıcı auditoriyası toplayıb.

Sədr həm də aparıcı...belə tandemə telekanallarda çox az rast gəlmək olur. Gəlin ona bu yeni işində müvəffəqiyətlər arzulayaq.

Azərbaycan Televiziyası və radiosunun bu inkişaf mərhələsində mənim köhnə həmkarlarım – Sahəddin Hüseynovun, Ramiz Mirzəyevin, Qorxmaz Şıxəliyevin, Nazim Rzanının, Nəriman Şıxəliyevin də əməyləri böyükdür. Burada mənim köhnə dostum və qardaşım Azərbaycanın xalq artisiti, rejissor Vasif Babayevin önəmli rolunu da qeyd etmək istərdim.

Mənim ən böyük arzum – bütün dünya Azərbaycanlıların arzusudur – işğal olunmuş doğma torpağlarımız azad olunsun!!! Gün o gün olsun ki azadlıq bayramını qədim Azərbaycan torpağı olan Şuşada qeyd edək!!!

Şuşanı düşünəndə yadıma keçən əsrin 70-ci illəri yadıma düşür. Mən bu müqəddəs torpağa ilk dəfə böyük Azərbaycan şairi Süleyman Rüstəmin həyat və yaradıcılığından bəhs edən "Qızıl Qələm" telefilmin çəkilməsi üçün qəlmişdim.

Tanrı elə gətiridi ki biz ustad şairlə birgə dahi Azərbaycan şairi və müttəfəkkiri Molla Pənah Vaqifin məğbərəsinin açılma mərasimində iştirak etdik və bu hadisəni lentə aldıq.

Heç yadımdan çıxmaz...Qar yağmasına baxmayaraq, burada adam əlindən yer yox idi. Dünyanın müxtəlif yerlərindən olan tanınmış şairlər, elm və incəsənət xadimləri də bu mərasimə dəvət olunmuşdur.

Burada ulu öndər Heydər Əliyevin alovlu çıxışı böyük təsir bağışladı. O Molla Pənah Vaqifin dövrünün ən güclü bir şairi, dövlət xadimi və mütəfəkkiri olduğunu bir daha qonaqlara çatdırdı.

Əfsuslar olsun ki, erməni daşnakları bu və başqa Azərbaycan məqbərələrini, tarixi abidələri Qarabağda vəhşiliklə və barbarlıqla dağıtmaqla butün dünya içtimayyətinə sübüt etmişlər ki, onlar təcavüzkar və işğalçı dövlətdir.

Burada bir nəticə çıxır ki, belə getsə onların havadarları nə etsələr də, onlar Qafqazdan qovulacaq və dünya xəritəsində özlərinə yeni Vətən axtarmalı olaccaqlar!!!

Azərbaycan xalqı çox qonaqpərvər, mərd ,həm də səbrli xalqdır. Mən inanıram ki bu yaxınlarda bu qara duman Azərbaycanımızın üzərində keçib gedəcək və onu işığlı gələcək əvəz edəcək!!!

Sizi bir daha yeni 2020 il və Dünya Azərbaycanlıların həmrəylik bayramı münasibəti ilə ürəkdən təbrik edirəm!!!

Salam Azərbaycan! Salam Bakı!

Salam doğma yurdum, doğma Vətənim!!

Yaşa yaşa Azərbaycan!!!

Hörmətlə, İsrail Dövlətində yaşayan

Aztelefilmin rejisor və ssenarist veteranı

Əhməd Abdullayev