Kinomuzun ən yaraşıqlı aktyoru kimdir? - Ağlagəlməz cavablar

1937.az  tanınmış  xanımlara  “Sizcə,  Azərbaycan kinosunun ən yaraşıqlı aktyoru kimdir?” sualı ilə müraciət edib.  Sorğunun nəticəsini təqdim edirik.

Rejissor Mehriban Ələkbərzadə: Həsənağa Turabov

Aktrisa Firəngiz Mütəllimova: Rasim Balayev

Aktrisa Afaq Bəşirqızı: Rasim Balayev

Aktrisa Həmidə Ömərova: Rasim Balayev

Aktrisa Amaliya Pənahova: Nodar Şaşıqoğlu, Rasim Balayev

Aktrisa Ayan Mirqasımova: Ələddin Abbasov əsl cəngavər, qəhrəman obrazı, mərdlik nümunəsi idi. Kino onu sevirdi, o da kinonu.  Onun daxili çox gözəl idi. Bu, onun zahiri görünüşündə də özünü göstərirdi.  Ələddin bəy  “Özgə vaxt”  filmində mənim tərəf müqabilim olmuşdu. Filmdə qrimlənməsi çətin olsa da, çox estetik görünürdü. O, hər epizoda yaraşırdı.

Həmçinin, Rasim Balayev, Fuad Paladov, Fəxrəddin Manafov, Bəxtiyar Xanızadə, Qurban İsmayılov, Məmmədsəfa Qasımov, Elşən Rüstəmovun adını çəkə bilərəm. Onlar əsl kişi obrazlarıdır. 

Aktrisa Yaqut Paşazadə: Mənim üçün yaraşıq istedaddan doğduğu üçün Məmmədsəfa Qasımovun adını çəkərdim.

Aktrisa Kəmalə Müzəffər: Təbii ki, Rasim Balayev. Amma bir aktyor var ki, arzum onunla eşq dolu filmə çəkilməkdir. Təəssüf ki, onun adını açıqlaya bilmirəm. 

Aktrisa Səidə Quliyeva: Rasim Balayev

Yazıçı Mehriban Vəzir: Fuad Poladov 

Kinoşünas Sevda Sultanova: Tofiq Mirzəyev, Ələsgər İbrahimov, gənclərdən isə Zaur Şəfiyevi yaraşıqlı aktyor hesab edirəm.

Adətən, yaraşıqlı aktyor deyəndə Rasim Balayev və Fəxrəddin Manafovun adını çəkirlər, ancaq açığı, bu mənada onlar məndə heç vaxt maraq oyatmayıblar. 

Yazar Cavidan: Rasim Balayev

Mədəniyyət yazarı Ülviyyə Heydərova: Füzuli Hüseynov

Mədəniyyət yazarı Cəvahir Səlimqızı: Fəxrəddin Manafov xarizmatik aktyordur. Rasim Ocaqovun silsilə filmlərinin qəhrəmanıdır . Elə o filmlərin sevilməsində Fəxrəddin Manafovun böyük rolu olub.  Rejissor özü də sağlığında bunu etiraf edirdi.

Fəxrəddin Manafov obrazın daxili aləmini çox gözəl aça bilir. Ancaq çox təəssüf ki, ondan lazımınca istifadə olunmadı. O, kinoda yox, kinodan kənarda, həyatda qocaldı. Çünki bu gün rejissorlarımız film çəkib, öz yaxınlarına rol verirlər.

Mədəniyyət yazarı Nərmin Muradova: Rasim Balayev. Fuad Poladovu da demək olardı, amma Rasim Balayevin  “Nəsimi”sindən keçmək olmur.

Mədəniyyət yazarı Samirə Mirəşrəf: Şahmar Ələkbərov çox yaraşıqlı və cəlbedici aktyor olub.  Bir də Füzuli Hüseynovu həmişə yaraşıqlı kişi aktyoru hesab etmişəm. Bu fikrim uzun illərdir dəyişmir.

Mədəniyyət yazarı Ümidə Həsənli: Rasim Balayev.

Mədəniyyət yazarı Aytən Həsənova: Fəxrəddin Manafov.

Mədəniyyət yazarı Xəyalə Məmmədova: Uşaq vaxtı Xalq artisti Rasim Balayevin çəkildiyi filmlərə həsədlə baxırdım. Rasim Balayev həm çox yaraşıqlı, həm də gözəl aktyorlarımızdandır.

Gənc aktyorlarımızdan isə “Bir ailəm var” serialında Kənan Yusifovu yaraşıqlı aktyor hesab edirəm. O, əvvəllər “Qayınana” serialında Potu obrazı ilə komik obraz yaratsa da, bu dəfə başqa bir ampluada, sevgidən iztirab çəkən Orxan obrazı ilə efirdə yer alıb.

PS: Xalq artisti Rasim Balayev 1937.az-a müsahibəsində özünü qətiyyən seks-simvol hesab etmədiyini desə də, sorğumuzun nəticəsinə görə, Azərbaycan kinosunun ən yaraşıqlı aktyoru Rasim müəllim oldu.

O, bizə müsahibəsində  ancaq “Nəsimi” filmindəki rolundan sonra özünə qarşı maraq hiss etdiyini bildirmişdi: “Heç gənc olanda da özümü yaraşıqlı hesab etmirdim. “Nəsimi”yə çəkiləndən sonra o marağı hiss etmişəm.  Yüzlərlə sevgi məktubu almışam.  Bu diqqət xoşuma gəlib, ancaq heç vaxt o məktublara cavab yazmamışam. Həm vaxtım az idi, həm də məşhurlaşanda mən artıq ailəli idim”.

- See more at: http://kult.az/yeni/view/3600#sthash.udfbejgg.dpuf