TARİX İNSTİTUNUN ƏMƏKDAŞLARI ƏRZURUMDA KEÇİRİLƏN BEYNƏLXALQ KONFRANSDA İŞTİRAK EDİBLƏR

Strategiya.az-a verilən məlumata görə, 2014-cü il sentyabrın 25-27-də Türkiyə Respublikasının Ərzurum şəhərində “Türkiyə Cumhuriyyəti Başbakanlık Atatürk Mədəniyyət, Dil ve Tarix Yüksək Qurumu Atatürk Araştırma Mərkəzi”, Erzurum Atatürk Universiteti və Erzurum Valiliyinin birgə təşkilatçılığı ilə Birinci Dünya müharibəsinə həsr edilmiş “100. Yılı Münasebetiyle I Dünya Savaşında Kafkas (Doğu) Cephesi” adlı Beynəlxalq simpozium

keçirilmişdir.

Atatürk Araştırma Mərkəzinin dəvəti ilə bu konfransda AMEA A.A.Bakıxanov adına Tarix İnstitutunun direktoru, AMEA-nın müxbir üzvü, əməkdar elm xadimi Yaqub Mahmudov başda olmaqla digər əməkdaşlar geniş heyətdə təmsil olunmuşdur. Simpoziumun “Fəxri Heyət”inə (“Onur

Kurulu”) seçilən Tarix İnstitutun direktoru AMEA-nın müxbir üzvü Yaqub Mahmudov geniş və əhatəli çixiş etmişdir. Birinci Dünya müharibəsi ilə bağlı beynəlxalq konfransın məhz Şərqi Anadoluda – Ərzurumda keçirilməsinin xüsusi əhəmiyyətə malik olduğunu qeyd edən professor Yaqub Mahmudov plenar iclasda Birinci Dunya müharibəsinin Azərbaycanın və Şərqi Anadolunun tarixində oynadığı gerçək rolunu açıb göstərmişdi. Simpoziumun keçirildiyi Ərzurum Atatürk Universitetinin geniş tələbə,

müəllim və alim heyəti qarşısında uğurla çıxış edən Yaqub Mahmudov Birinci Dünya müharibəsinin ən acı zərbəsinin  –  məhz Azərbaycan və Şərqi Anadoluya vurulduğunu, ermənilərin türk-müsəlman əhaliyə qarşı həyata keçirdiyi soyqırım cinayətlərinin məhz Azərbaycanda cərəyan

etdiyini xüsusi vurğulayaraq İrəvanın güzəştə gedilməsi ilə torpaqlarımızda Ermənistana dövlət yaradıldığını, bu dövrün tarixinin birgə araşdırılmasının vacibliyini də qeyd etmişdir.

 Tarix İnstitutunun əməkdaşları müxtəlif bölmələrdə, bir-birindən maraqlı məruzələrlə çıxış etdilər. İnstitutun elmi işlər üzrə direktor müavini, t.ü.f.d. Cəbi Bəhramov “Birinci Dünya müharibəsində Böyük Güc dövlətlərinin hərbi və siyasi planlarında neftin rolu”, t.ü.f.d. Güntəkin Nəcəfli “Erməni dövləti qurmaq siyasətinin acı nəticələri: Şərqi Anadolu, Naxçıvan və İrəvan bölgələrində ermənilərin

türk-müsəlman əhaliyə qarşı törətdikləri soyqırımlar”, t.ü.f.d. İradə Məmmədova “XIX əsrin birinci yarısında Rusiya və İranın Qafqaz siyasəti”, t.ü.f.d. Nərminə Əmirbəyova “XIX əsrin əvvəllərində

Rusiyanın Cənubi Qafqazda hərbi əməliyyatları”, Aynur Əmənova “Urmiyada ermənilərin türk-müsəlman əhaliyə qarşı törətdiklərib soyqırımlar (1918)”, İradə Əliyeva “Rusiya imperiyasının Cənubi

Qafqazı işğalı zamanı ingiloylar”, Nigar Camalova (Abuşova) “Birinci Dünya müharibəsinin sonuna doğru Qafqazda Ermənistan Respublikasının yaradılması” mövzularında maraqlı məruzələrlə konfransa qatılmışlar. Simpoziumda uğurlu çıxışlar edən Azərbaycanın tarixçi alimləri öz

məruzələrində Birinci Dünya müharibəsi illərində ermənilərin türk –

azərbaycan xalqına qarşı törətdikləri soyqırımları xüsusi qeyd etmişdilər.

8 bölmədə fəaliyyət göstərən “100. Yılı Münasebetiyle I Dünya Savaşında Kafkas (Doğu) Cephesi” adlı Beynəlxalq simpozium sentyabrın 25-də Ərzurum Atatürk Universititetinin Konqres Mərkəzində öz işinə

başladı və sentyabrın 27-də öz işini başa çatdırdı. A.A.Bakıxanov adına Tarix İnstitutunun əməkdaşları konfransın müxtəlif bölmələrində maraqlı məruzələrlə uğurla çıxış etməklə yanaşı, həmçinin bölmələrə

sədrlik etmiş və müzakirələr zamanı öz fəallıqları ilə seçilmişlər.

Tarix İnstitutunda bu gün keçirilən Elmi Şurasının növbəti iclasında direktor Yaqub Mahmudov institut əməkdaşlarına simpoziumda uğurlu çıxışlarına görə təşəkkür etdi.