BEŞİNCİ KOLONNA

Ukraynada hakimiyyət uğrunda mübarizənin həlledici zərbəsini kim vuracaq?Bu suala cavab vermək o qədər də çətin deyil.Dövlət orqanlarının administrativ binalarının üsyançılar tərəfindən ələ keçirilməsi,yaxud Maydanda qətlə yetirilən 5 nəfərin Yanukoviç iqtidarına qarşı ümumxalq qəzəbinin simvoluna çevrilməsi avtomatik güc nisbətini inqilabçı kütlənin xeyrinə dəyişmir.İndi Kiyev səmasını bürümüş qara tüstü bütün siyasi qüvvələrə odla oynamağın necə təhlükəli olduğunu göstərir.Lakin qoy olmasın 100,yaxud min nəfər.Onların qanını batırmağa nə var ki.Uzağı diktatura rejimi deyib hazırki hakimiyyəti sonradan xalqın mühakiməsinə vermək və öldürülənlərin ailəsinə müəyyən dövlət yardımları təyin etmək də olar.Ukraynaya sahiblənməyin müqabilində bunlar çox kiçik xərclərdir.İndiki mübarizənin qiyməti çox bahadır.

Baxmayaraq ki,ölkə məcmu halda 135 milyard dollar borcun altında inildəyir və hətta Kliçko meydan raundunu qələbə ilə başa vurub millətin çiyinlərinə çıxsa belə,qeyri-adi nəsə baş verməyəcək.O əlcəkləri ilə adamları yedizdirə bilməz.46 milyonluq xalqı saxlamaq üçün peşəkar komanda və ağıllı siyasət lazımdır.

Yaxşı,Yanukoviç son qanunlarla ola bilsin ki,ikinci Putinə çevrilərək etirazçılarla sərt dildə danışmağa qərar vermişdi,axı mitinqçi kütlənin liderləri də konsensus tonunda danışmırdılar.İndi birinci gülləni kimin atması o qədər də önəmli deyil.Ukraynanı Suriyanın aqibəti gözləyə bilər.Vətəndaş müharibəsinin simptomları ortadadır. Rusiyadan səslər eşidilir ki,verilmiş 3 milyard dollardan sonrakı partiya kəsilə bilər.Çünki onların qayıdacağına və hazırki qüvvənin duruş gətiricəyinə ümidlər xeyli öləziyib.Əgər xarici yardımlar kəsilsə,ac kütllə qılınca çapacaq.Avrointeqrasiya tələbi ilə küçəyə çıxıb indi “istefa” qışqıranlar sonradan bolşeviklər kimi sərvət və mülk sahiblərinə qarşı diversiyalara,sabotaja əl atacaqlar.Yaşamaq uğrunda keçmişdəki Qolodomor faciəsi 21-ci əsrin Ukraynasının da qapsını kəsdirib.Onda sovet rejimini qınayırdılar,indi məsuliyyəti kimin üstünə atacaqlar?

Digər tərəfdən Amerika da fəal müdaxiləsini işə salıb.Mitinqi səfərbər edən agentura mərkəzləri və təsir qrupları içərisində peşəkar casus kadrları var.Ukrayna parlamentarisi onların konkret adlarını mediaya çıxarıb.Oyun kifayət qədər açıq gedir.Soçi Olimpiadasının təhükəsizliyi adı ilə Qara dənizə Birləşmiş Ştatların iki hərbi gəmisi gətirlir.Onsuz da orada Qərbin nüfuz dairəsi kifayət qədər yüksək idi,indi üstünə yeniləri əlavə olunur.Belə görünür ki,silahlı qarşıdurma perspektivi istisna edilmir.

Lakin hazırki anda fəal xarici müdaxilə baş verməyibsə, vasitəçilik missiyasında bulunacaq obyektiv beynəlxalq arbitr yoxdursa,bu fonda mövqe savaşları hələ bir müddət davam edəcək.

Biznes-liderlərin və şərqi Ukraynanın sükut mövqeyi isə deyəsən pozulmaq ərəfəsindədir.Avropada bir sıra məmurlara tətbiq olunan sanksiya rejimi işə düşən kimi Rusiya 5-ci kolonu hərəkətə keçirib.”Əgər rəsmi orqanlar ölkədə sabitlik yarada bilmirsə,xalq özü irəliyə çıxıb kütləvi iğtişaşların qarşısını almalıdır.Biz artıq könüllü özünümüdafiə batalyonları formalaşdırmağa başlamışıq” deyən “Rus bloku” partiyasının başçısı Gennadi Basov antimaydan əleyhinə ən təsirli tədbir kimi fövqəladə vəziyyətin elan olunmasını və komendant saatına keçilməsini tələb edir.Müxalifətə düşmən münasibəti bəsləyən və “bander əclafları”nı cəzalnadırmağı tələb edən siyasi qruplar müdafiəsi hər cür vasitələrlə təşkil olunmuşKiyev meydanlarının üzərinə Berkutla birgə getməyə hazırlığını ifadə edir.

Şübhə yoxdur ki,artıq qərbi Ukrayna bölgələrində inqilabçıların tərəfinə keçən xalqı görən Yanukoviç son silahına əl atacaq.Coğrafi toqquşma və parçalanma hamının qorxulu röyası kimi reallığa çevriləcəkdir.
Xatırladaq ki,”5-ci kolonna” termini ilk dəfə tarixdə general Frankonun zamanında işlənməyə başlayıb.Vətəndaş müharibəsi dövründə provokatorlardan,casuslardan,şayiə yayanlardan və diversantlardan ibarət təşkil olunmuş ordunu öz sərəncamında hiss edən frankoçu hərbçi döyüşən dörd silahlı birləşmə ilə yanaşı,ehtiyatında daha bir qüvvənin olduğunu xalqa bəyan etmişdi.O vaxtdan dünyada arxa cəbhənin təxribatçıları bu adla cağrılır.İndi Ukrayna ikinci cahan savaşından öncəki İspaniyanın durumunda.

Yanvar ukraynalıların da həyatında qanlı rol oynayaraq tarixə düşdü.İndi qaynar qar altında “kiçik Rusiya” uğrunda döyüşlər gedir.Putin Stalinin rəşadətini təkrar edə biləcəkmi?

Milli Məclisin deputatı,
Zahid Oruc