Araşdırma zamanı məlum olmuşdur ki, müəssisə məhsulun markalanmasında nöqsanlara yol verir. Belə ki, etiketin üzərində məhsulun istehsalına əsas verən standartın işarəsi yoxdur, əksinə məhsulun uyğunluq sertifikatı olmadığı halda etiketdə milli uyğunluq nişanından istifadə olunur. Habelə istehsal xüsusi repetura və texnoloji təlimat olmadan həyata keçirilir, Müəssisə təhlükəsizlik və keyfiyyət göstəricisi olan uyğunluq və gigyenik sertifikatla təmin olunmayıb. İstehsalda istifadə olunan şüşə qabların yuyulması kustar üsulla, xüsusi yuma aparatları olmadan həyata keçirilir. İstismar olunan ölçmə vasitələri də müqayisəli dövlət yoxlamasından keçməyib.
Aşkar olunmuş nöqsanlara bağlı məhdudlaşdırıcı tədbirlərin tətbiqi barədə qərar qəbul olunmuş, müəssisənin fəaliyyəti dayandırılıb.
***
Azərbaycan Respublikasının Standartlaşdırma, Metrologiya və Patent üzrə Dövlət Komitəsi tərəfindən Qax rayonu Qorağan kəndində yerləşən “Günəş-MS” MMC-yə məxsus limonad sexində dövlət nəzarəti tədbirləri həyata keçirilib.
Araşdırma zamanı məlum olmuşdur ki, müəssisə məhsulun markalanmasında nöqsanlara yol verir, belə ki, təbii qazlı və qazsız mineral süfrə suyunun etiketlərinin üzərində saxlama müddəti, saxlama temperaturu və standartın işarəsi göstərilməmiş və heç bir əsası olmadan “müalicəvi əhəmiyyətli” sözləri yazılmışdır. İstehsalda istifadə olunan şüşə qabların yuyulması kustar üsulla, xüsusi yuma aparatları olmadan həyata keçirilir, məhsulların saxlama anbarında havanın temperaturuna və nisbi rütubətə nəzarət etmək üçün termometr və psixrometr yoxdur, işçi personal xüsusi geyimlə, tibb kitabçaları ilə təmin olunmamışdır. İstismar olunan ölçmə vasitələri də müqayisəli dövlət yoxlamasından keçməmişdir. Həmçinin müəssisədə istehsal olunan “Düşes”, “Tərxun” nişanlı limonad içkisi, təbii qazlı və qazsız mineral süfrə suyunun uyğunluq sertifikatlarının qüvvədə olma müddəti bitmişdir, istifadə olunan xammalın da uyğunluq sertifikatı mövcud deyil. Müəssisənin istehsal olunmuş məhsulların sınağını aparmaq üçün laboratoriyası yoxdur və hər hansı bir akkreditasiya olunmuş laboratoriya ilə müqavilə bağlamamışdır.
Aşkar olunmuş nöqsanlarla bağlı məhdudlaşdırıcı tədbirlərin tətbiqi barədə qərar qəbul olunmuş və müəssisənin fəaliyyəti dayandırılmışdır.
***
Azərbaycan Respublikasının Standartlaşdırma, Metrologiya və Patent üzrə Dövlət Komitəsi tərəfindən Qax şəhəri, M.Maqamayev küçəsində yerləşən, fiziki şəxs Abdullayev Zəfərə məxsus limonad sexində dövlət nəzarəti tədbirləri həyata keçirilib.
Araşdırma zamanı məlum olmuşdur ki, müəssisədə sanitar vəziyyət qeyri-qənaətbəxşdir. Belə ki, istehsalda təkrar istifadə üçün yığılmış şüşə butulkalardan istifadə olunur və butulkaların təkrar istifadə üçün yuyulması texnoloji prosesi gigiyenik təhlükəsizliyi təmin edilmədən həyata keçirilir. Məhsulların saxlaması zamanı havanın temperaturuna və nisbi rütubətə nəzarət olunmur. İstismar olunan 3 ədəd ölçmə vasitəsi də müqayisəli dövlət yoxlamasından keçməmişdir. İstehsalda istifadə olunan nə xammalın nə də hazır məhsulların keyfiyyət və təhlükəsizlik göstəricisi olan uyğunluq və gigiyenik sertifikatları yoxdur, müəssisənin işçi personalı tibbi kitabçalarla təmin olunmayıb. Sınaqların aparılması üçün müəssisənin nə laboratoriyası var nə də hər hansı akkreditasiya olunmuş laboratoriya ilə müqaviləsi mövcud deyil.
Aşkar olunmuş nöqsanlarla bağlı məhdudlaşdırıcı tədbirlərin tətbiqi barədə qərar qəbul olunmuş və müəssisənin fəaliyyəti dayandırılmışdır.
