O, öz xalqına nifrət edir...

O, öz xalqına nifrət edir, Azərbaycan dilini isə söyüş söymək üçün vasitə hesab edir. Bu şəxs daim antimilli davranışları ilə diqqət çəkən Leyla Yunusdur. O, özü də etiraf edib ki, Azərbaycan dilində yalnız söyməyi bacarır. Bunlar azmış kimi adını "hüquq müdafiəçisi" qoyan Leyla Yunus dələduzluq və cinayət əməlləri törətməkdən də çəkinməyib. Bunu "hüquq müdafiəçisi" Leyla Yunusun və onun həyat yoldaşı Arif Yunusun məhkəməsi də sübuta yetirdi.

Bakı Ağır Cinayətlər Məhkəməsində hakim Əfqan Hacıyevin sədrliyi ilə keçirilən prosesdə təqsirləndirilən şəxslərə hökm elan olunub. Məhkəmənin hökmü ilə Leyla Yunus Cinayət Məcəlləsinin (Dələduzluq, külli miqdarda ziyan vurmaqla törədildikdə), (Qanunsuz sahibkarlıq külli miqdarda gəlir əldə etməklə törədildikdə), (Vergi ödəməkdən yayınma, külli miqdarda törədildikdə), 320.1-ci (Hüquq verən və ya vəzifədən azad edən vəsiqəni və ya digər rəsmi sənədi istifadə etmək məqsədi ilə saxtalaşdırma və ya qanunsuz hazırlama, yaxud bu cür sənədi satma, habelə eyni məqsədlə Azərbaycan Respublikasının saxta dövlət təltifini, ştampı, möhürü, blankı hazırlama və ya satma) və (bu Məcəllənin 320.1-ci maddəsində göstərilmiş bilə-bilə saxta sənədlərdən istifadə etmə) maddələri ilə təqsirli bilinərək 8 il 6 ay, Arif Yunus isə CM-in (Dələduzluq) maddəsi ilə təqsirləndirilərək 7 il müddətinə azadlıqdan məhrum edilib.
Azərbaycan məhkəməsinin Leyla və Arif Yunus barəsindəki qərarı ədalətli, bir daha hər kəsin qanun qarşısında məsuliyyət daşımasının təsdiqidir. Leyla və Arif Yunus antimilli və cinayətkar fəaliyyətlərinin acı nəticələrini yaşayırlar və tam qanunauyğun şəkildə cəzalandırılıblar. Amma içimizdəki antiazərbaycançı şəbəkənin bəzi üzdəniraq əlaltıları Leyla Yunusun müdafiəsinə qalxıb, erməni lobbisinə dəstək verirlər. Ancaq bu dəstək heç də onların Leyla Yunusa olan rəğbətlərindən irəli gəlmir. Məqsəd aydındır: Leyla Yunusun adından istifadə edib beynəlxalq təşkilatlarla əlaqələrini genişləndirməyə, onların maraqlarına xidmət etməyə, Azərbaycanın əleyhinə olan qurumlardan maliyyə və müəyyən dəstək qazanmağa çalışırlar. Bunlar danılmaz və sübuta yetirilməsinə ciddi ehtiyac olmayan faktlardır. Hər zaman Leyla və Arif Yunusları öz şəxsi, çılız, dar və  korporativ mənfəətləri düşündürüb. Onlar bu hərisliklərinə görə  Azərbaycanın milli maraqlarını qurban veriblər.
Fəaliyyətinin bütün dövrlərində antimilli, antiazərbaycan mövqeyi ilə tanınan L.Yunusu müdafiə edənlərə sual olunur: siz kimi müdafiə edirsiniz? Müdafiə Nazirliyinin cəbhəyə göndəriləcək qida məhsullarını bazara çıxararaq satan və bundan əldə etdiyi vəsaiti Almaniyadakı bank hesabına köçürən Leyla Yunusumu? Yoxsa, onun erməni dostu Yunus Davidin vasitəsilə 2004-cü ildə Ermənistanın tədqiqatçı Jurnalistlər Təşkilatından 50.000 (əlli min) avro məbləğində iki dəfə aldığı qrantda sizin də payınız olub? Hələ "xidmətləri"nin müqabilində aldığı külli miqdarda vəsait hesabına Türkiyədə, Çexiyada mülklər, obyektlər aldığını, yüksək qrantları mənimsədiyini demirik. Vaxtilə Rəhim Qazıyevin dostu kimi "toxunulmazlıq immuniteti" qazanan bu qadın Müdafiə Nazirliyinin mətbuat xidmətinin rəhbəri işlədiyi müddətdə ordumuzun əməliyyat planlarını, cəbhə bölgəsində lentə alınmış foto və video materialları erməni tərəfinə ötürməsi və bunun müqabilində külli miqdarda pul əldə etməsi də heç kəsə sirr deyil.
Bir neçə il əvvəl  Böyük Britaniyanın Azərbaycandakı və Ermənistandakı səfirliklərinin dəstəyi ilə Ermənistanın "Region" Araşdırma Mərkəzi və Azərbaycandakı Sülh və Demokratiya İnstitutu ( rəhbəri Leyla Yunus) tərəfindən yeni layihə həyata keçirilməyə başlanmışdı. Layihə çərçivəsində publicdialogues.info (ictimai dialoqlar) adlı sayt yaradılmış və fəaliyyət göstərmişdir. Sayt fəaliyyətə başlayan kimi Leyla Yunusun himayədarlıq etdiyi azərbaycanlı və erməni jurnalistlər "İrs" partiyasının sədri Raffi Ovannisyandan müsahibə almışdılar. O, müsahibədə Azərbaycanın işğal altındakı ərazilərini "Dağlıq Qarabağ Respublikası", "müstəqil dövlət" kimi təqdim etmişdir.
Buradan aydın olur ki, Leyla Yunus heç vaxt Azərbaycan xalqına bağlı olmayıb. O hər zaman antimilli, ermənipərəst dairələrin yanında yer alıb. Bunlar azmış kimi, həyat yoldaşı Arif Yunusla əlbir olaraq külli miqdarda vəsaiti mənimsəməklə dövlətə vergi verməkdən də yayınıblar. Təbii ki, bir gün bunun haqq-hesabı sorulmalı və bu əməllərinə görə Yunuslar cavab verməli idilər.
Nəhayət, onlar məhkəmənin qanuni hökmü ilə layiqli cəzalarını və cavablarını aldılar. Hüquq müdafiəçisi adı ilə maskalanmış Leyla və Arif  Yunusların antimilli, antiazərbaycan təbliğatları, erməni lobbisinin sifarişlərini yerinə yetirməklə respublikamızda təxribat törətmək, qarşıdurma yaratmaq cəhdləri, dələduzluqları və Vətənə xəyanət əməlləri uzun müddət davam edə bilməzdi.
İstintaq və  məhkəmə prosesində tez-tez özündən gedən, yaxud da hüquq-mühafizə orqanı əməkdaşlarına qarşı etikadan kənar hərəkətlər edən Leyla və Arif Yunuslar daim yerli və xarici həkimlərin nəzarətində olublar və onlarda heç bir ciddi xəstəlik aşkarlanmayıb. Görünür, əslində xəstəlik onların bədən üzvlərində yox, bütün varlıqlarında, ruhlarındadır.
Odur ki, indi kimlərinsə bu məsələ ətrafında şou düzəltməsinə heç bir əsas yoxdur.
 "Azərbaycan" qəzeti