DİNOZAVRLARSIZ İNSANLAR

Marius adlı zürafənin Kopenhagen zooparkında öldürülməsi dünyanın informasiya vasitələrində əsil şok doğurdu.Qəmginlik, təəccüb və nifrətlə müşaiyyət olunan bu hadisə 21-ci əsr Avropasının mənəvi varlığı üzərində Linç məhkəməsi qurmağa imkan verən hadisədir.Doğrudanmı,cəmi yaş yarımlıq canlının məhvi qaçılmaz idi və həyata keçirilmiş vandalizmi əsaslandırmaq üçün quru qanunların,qaydaların hərfi mənasına söykənib mütləq əsil qəddarlıq nümayiş etdirilməliydi?

Əvvəlcə məsələnin faktoloji tərəfi haqda.Marius ölüm ayına çatana qədər heyvanxananın Administrasiyası bütün Danimarkaya sorğu göndərir ki,ona tərəf müqabili tapmaqda yardımçı olsunlar və nəzərə alsınlar ki,vaxtilə yalız ana təbiətin övladı olan belə məxluqların törənməsi indi yalnız alimlərin hesabına mümkün olur.Yəni,onun gen quruluşuna uyğun populyasiya tapılmasa heyvan yalnızlığa məhkumdur.Axtarışlar uğurla nəticələnmir,çünki bəlli olur ki,əksər növlər onun qan qrupuna yaxındır və əgər Marius öz həyat cütünü tapsa,onda meydana gələn yeni balalar onları törədənlərin müxtəlif xəstəliklərini orqanizmllərində daşımalı olacaqlar.Buna isə qəti yol vermək olmaz.

Bəs quruluşuna,məğrurluğuna görə əsil canlı mənzərə olan bu heyrətamiz varlığı açıb buraxmaq,ona azadlıq vermək mümkün deyildimi? Kopenhagenli qəlb zooloqları buna da razı olmayıblar.Gətirilən dəlillər sevginin mümkünsüzlüyü və ölümün qaçılmazlığı barədəki həyat hökmlərini xatırladır.Sən demə,heyvanın qətli onun müstəsna genə sahib olduğu üçün ən ideal çıxış yolu,hətta xeyrinə çıxarılan verdikt imiş.
Qanlı əməliyyatın yerinə yetildiyi səhnələr Dostoyevskinin həyat uğrunda amansız çarpışma verən qəhrəmanların dramasını xatırladır.Mariusu xüsusi inşaat pistoleti ilə qətlə yetirliblər ki,onun orqanları növbəti tədqiqatlar üçün yararlı olsun.Üstəlik,başqa canlılar məzlum körpə heyvanın ətini delikates kimi qəbul edə bilsinlər.

Avropa az qala insan haqlarına bərabər tutduğu dilsiz-ağızsız məxluqların üzərində aparılan vəhşilikləri pisləyərkən özünü mənəvi ucalıqda tutmağa çalışır,bütün canlıların,hətta yaşıl aləmin hamisi kimi çıxış edirdi.Laborator təcrübi vasitəyə çevrilmiş hər bir individin insanlığın xilası üçün qurbanlıq edilməsi erası başa çatmadımı?

Soyqırıma məruz qalan və məşəqqətli ov iştahasının hədəfi olan belə canlıların qanı əslində yerdə qalmır.Onların xəz dərilərinə bürünən dünya dərin bir böhran içərisində inildəyir.

Hitlerin faşizmi belə əxlaq və ideologiya üzərində kök salmamışdımı?Yeni bir irq yaradacağı iddiiası ilə bəşəriyyət üzərində oynanılan qanlı səhnələr yaddaşlardan nəinki silinməyib,belə görünür ki,Koopenhagen qəssablarının sayəsində uğurla davam edir.Tarix təkrarlanır və hamını ağuşuna alan ölüm çarxının bıçağından heç kəs xilas ola bilmir.Osvensemdə hər gün peçə qalanan adamları və əsirlərin tonqalında qızınan esesçiləri unutmamısız ki?Monqol tatarlar hökmdarların buyruqlarından yan keçib bəzən gözə mil soxmaq,müxtəlif bədən orqanlarını kəsib götürmək kimi cəzalardan vaz keçir,gizli rəhm nümayiş edirirdilər.21-ci əsrin ekzotik canlılarına qıyarkən isə Avropanın qabaqcıl bir ölkəsi əsil inkivizist ərkan ortaya qoyur.Gen faşizmi buna deyərlər.Hamını tamaşaya çağıran dünyəvi cəlladlar zürafənin orqanlarını ayrı-ayrılıqda seyrçilərə göstərməkdən həzz alırlar.Suriyada din qardaşının ürəyini başı üzərinə qaldıran hannibalların döyüş səhnələri Mariusun qətlindən çoxmu fərqlənir?Belə anatomiya teatrının izləyiciləri arasında azyaşlı uşaqlar yıxlılıb kəsilən o varlıqların yerindədilər.Hələ ki,tamaşa kimi baxdıqları bu mənzərə sabah onların cəsədində təkrarlanacaq.

Nəinki Suriya,eləcə də İrak,Əfqanıstan,Liviya özü boyda zürafədir və hərəkət edən hər bir canlının Avropada qiyməti var.Demokratiya naminə üç ildir ki,meydanlarda qanı tökülən adamların hər birisi potensial donordur.Belə ucuz qan və ürəyi heç Bulqakovun qəhrəmanına da tapmazdılar.Hərdən adama elə gəlir ki,bütün müharibələr insan ətini yemək üçündür.Nə fərqi var,kiminsə cəsədini mədənə atasan,ya da böyrək yerinə bədəninə tikəsən.

Conatan Svift Qulliveri gəmi ilə qəzaya uğradıb atdığı ölkədə onu liliputların mühakiməsinə vermişdi.İndi dünya özü boyda Danimarka qəfəsliyinə çevrilib.Hər gün evlərimizə girən ucuz ölümlər bütün mənəvi dəyərlərini itirmiş hegemoniyanın və bəşəri ağalığın hikkəsi ilə bağlıdır.Ən dəhşətlisi hər şeyin hüquqa və qanunlara istinad edilərək baş verməsidir. İndiyə qədər nə vaxt görmüsüz ki,BMT qərarı ya işğaldan əvvəl,ya da sonra verilməsin?Lakin mariusların nakam taleyində bununla nə dəyişir? Onda Nürnberq məhkəməsini niyə qurmuşdular?Axı orada da bütün qərarlar yuxarıdan gəlmişdi və müqəddəs Roma hüququ ilə milyonların başını üzülmüşdü.Məgər Reyxin sadiq əskərləri yazılmış təlimatlarla hərəkət etmirdilər?

Dünyanın belə səhnələrini müşahidə edərkən tamam sinizmə yuvarlanmış toplumların donuq qəlbini tərpətmək üçün səsi dərin quyu dibindən gələn Herakl yəqin ki,deyərdi-insan özündən güclü nə vardısa,hamısını məhv etdi.Dinozavrlar yoxdur və adamlar boyları onlardan yuxarı olan canlıların sonuna çıxdılar.Qalibin mükafatı isə Mariusdur.Onu aslanların naharın verdilər,bəs özləri kimin yemidir?

Yer üzünün bütün Tək adamları üçün daha bir Tənha rəngli varlığı-müstəsna,fərqli,orijinal məxluqu edam etdilər.Qara boyanın miqyası bir az da artdı.Baxın,hər gün qətl edilən on minlərlə məxluq insan şəklində Marius deyilmi?

Milli Məclisin deputatı,
Zahid Oruc