Qəzaya uğrayan sərnişinlərin telefonları zəng çalırdı... - Dəhşətli mənzərə

Rusiya özünün aviasiya tarixində ən ölümcül təyyarə qəzasının 224 qurbanının matəmini saxlayır.

Bu arada ekspertlər isə təyyarənin Misirin kurort sahilindən havaya qalxdıqdan az sonra Sinay yarımadası üzərində qəzaya uğramasının səbəblərini araşdırılar.

“İslam Dövləti” (İŞİD) adlanan təşkilatın yerli qollarından biri təyyarəni vurub saldığını elan edib. Bununla belə qruplaşma hadisənin təfərrüatlarını açıqlamayıb. Rusiya isə bu xəbəri dərhal təkzib edib.

Misirin təhlükəsizlik orqanları da bildiriblər ki, “Airbus A321” təyyarəsinin vurulub salındığını göstərən heç bir məlumata malik deyil.

Rusiyanın “Koqalımavia” şirkətinə məxsus təyyarə oktyabrın 31-də səhərin erkən saatlarında Sankt-Peterburqa üçmaq üçün Misirin Şarm əş-Şeyx hava limanından qalxmışdı. Havaya qalxdıqdan az sonra təyyarə Sinay yarımadasındakı kimsəsiz bir yerdə - sahil şəhərləri Ariş və Hasna arasındakı əraziyə düşüb.

Misir hakimiyyət orqanları bu qəzadan heç kimin sağ çıxmadığını bildirib. Xisalasedicilər hadisə yerində dəhşətli və kədərli mənzərinin şahidi olublar. Bəzi sərnişinlərin cəsədləri hələ də təhlükəsizlik kəmərləri ilə kreslolara bağlanmışdı, mobil telefonlar isə zəng çalmaqda davam edirdi.

Rəsmilər bildiriblər ki, 7 nəfərlik ekipajın idarə etdiyi təyyarədə 24 uşaq da daxil, 217 sərnişin olub.

Qurbanların demək olar, hamısı ruslardır. Onlar Qırmızı dəniz kurortunda istirahətdən sonra Sankt-Peterburqa qayıdırdılar.

Misir hökuməti həmçinin indiyədək 168 cəsədin tapıldığını, axtarış ərazisinin 15 kvadrat kilometrədək genişləndirildiyini bəyan edib.

Postsovet məkanında ən ölümcül qəza

Rusiya prezidenti Vladimir Putin noyabrın 1-də matəm elan edib. Həlak olanların Pulkovo hava limanında gözləyən qohumlarına psixoloji və tibbi yardım göstərilib.

Qəzaya uğramış təyyarəni gözləyənlər sarsıdıcı xəbər alıb

Rusiya hakimiyyət orqanları həmçinin cəsədlərin identifikasiyası məqsədilə qurbanların qohumlarından DNT yaxmaları götürüb.

Rusiyanın “RİA Novosti” agentliyi bildirib ki, bu qəza postsovet məkanının tarixində ən ölümcül fəlakət olub. Bundan əvvəl sovet dövründə - 1985-ci ildə Özbəkistanda baş vermis qəzada 200 nəfər həlak olmuşdu.

Misir rəsmiləri bidliriblər ki, təyyarənin “qara qutuları” tapılıb və təhqiqat üçün ekspertlərə göndərilib. Onlar 9268 reysi ilə uçan təyyarənin yaxşı hava şəraitində göyə qalxdıqdan 23 dəqiqə sonra qəzaya uğramasının səbəblərini aşkar etməlidirlər.

İslamçıların iddiası rədd edilib

İŞİD-in yerli qolu olan “Vilayət Sinay” Twitter və Telegram da daxil sosial mediada təyyarənin qruplaşma tərəfindən vurulduğunu iddia edib.

Bu qəza Rusiyanın Suriyada hava zərbələri kampaniyasına başlamasının bir ayı tamam olarkən baş verib.

Rusiyanın nəqliyyat naziri Maksim Sokolov isə qruplaşmanın bu iddiasının doğru olmadığını bildirib.

Qərb agentlikləri də bildirirlər ki, bu ərazidəki qruplaşmaların hər hansı təyyarəni 10 min metr yüksəklikdə vurmaq üçün silahları yoxdur.

Pilot təyyarənin nasazlığından gileylənirmiş...

Buna baxmayaraq “Lufthansa”, “Emirates” və “Air France-KLM” aviaşirkətləri bu qəzanın baş verdiyi hava məkanında uçuşları dayandırdıqlarını bəyan ediblər.

Rusiyanın NTV telekanalının bir proqramında qəzaya uğramış təyyarənin pilotunun xanımı Tryukaçova deyib ki, əri təyyarənin nasazlığından şikayətlənirmiş.

Rusiyanın federal təhlükəszilik xidmətləri “Koqalımavia” şirkətinin Moskvadakı ofisinə reyd keçiriblər.

Qeyd edək ki, hər il 3 milyonadək rusiyalı turist istirahət üçün Misirin Qırmızı dəniz sahillərinə yollanır./ATV/