“Böyük şəhərdə seks” - Fotolar

Bakı – 28 fevral 2014-cü il. “British Airways” aviaşirkəti “Airbus A380” təyyarəsi ilə yeni Sinqapur istiqamətində uçuşların başlanmasını elan edən kimi “Böyük şəhərdə seks” serialının ulduzu Kristin Devis aviaşirkətə əlavə olaraq şöhrət və gözəllik əlavə edib.

 “British Airways” bu aviareys üzrə uçuşlara cari ilin oktyabrın 28-dən etibarən başlayacaq. Uçuşlar həftədə 3 dəfə yerinə yetiriləcək. Rezervasiya üçün yerlərin sayı isə ayda 4 minədək artırılacaq.

 “Mən zövq almaq üçün xeyli səyahət edirəm və mən “British Airways”ın dünya üzrə şöhrət qazandığı xidmət və üslubun standartlarını yüksək qiymətləndirirəm”, - deyə hazırda Londonun “Royal Haymarket” teatrında “Qaçılmaz meyl” tamaşasında Bet Qallaher rolunu məşq edən Kristin Devis bildirib.

Hazırda “British Airways”ın dörd A380 təyyarəsi mövcuddur ki, bu avialaynerin sonuncusu cari ilin yanvarın 14-də şirkətin aviaparkına daxil olub. Bu ilin sonunadək aviaşirkətin parkına daha dörd analoji təyyarə daxil olacaq.

“Dünya üzrə daha çox sərnişinə xidmət göstərmək üçün bizim yeni A380 təyyarələrimiz rahat uçuşları yerinə yetirməyə imkan yaradır. Aviaşirkətin avadanlıq və xidmət sahəsinə yatırdığı milyonluq investisiyalar sayəsində bizim sərnişinlərimiz Sinqapura və Sinqapurdan səyahət edərkən yeni təyyarələrimizin üstünlüklərini hiss edə biləcək və bu, bizi fərəhləndirir”, - deyə “British Airways” aviaşirkətinin Böyük Britaniya və İrlandiya üzrə satış bölməsinin rəhbəri Riçard Tams bildirib.

İkigöyərtəli təyyarə uçuş zamanı sərnişinlərə ən səssiz və dinc kabin, şəxsi əşyaların saxlanılması üçün əlavə yer, təmiz hava, yaxşı işıqlandırma, təkmilləşdirilmiş əyləncələr və elektron avadalıqlar üçün nəzərdə tutulmuş rozetkalar təklif edir.

A380 təyyarəsi ilə Londondan Sinqapura uçuşlar hər həftənin II, IV və V günləri, əks istiqamətə isə uçuşlar həftənin III, V və VII günləri həyata keçiriləcək.

Hazırda “British Airways” aviaşirkəti A380 təyyarələri ilə Los-Anceles (ABŞ), Honkonq (Çin) və Yohannesbur (CAR) kimi şəhərlərə uçuşlar yerinə yetirir, cari ilin sentyabrın 1-dən etibarən isə sözügedən avialaynerlərlə Londan Vaşinqtona (ABŞ) uçuşlara başlanacaq.

Bundan başqa, 2014-cü ildə “British Airways”ın aviaparkına dörd “Boeing-787” təyyarəsi əlavə olunacaq ki, bu avialaynerlər sayəsində martın 30-dan etibarən Heydərabad (Hindistan), mayın 5-dən – Çendu (Çin), iyunun 5-dən – Filadelfiya (ABŞ), iyulun 5-dən isə Kalqari (Kanada) şəhərlərinə aviareyslər açılacaq.

Yeni A380 təyyarəsi ilə London-Sinqapur aviareysinə biletləri aviaşirkətin ba.com rəsmi internet səhifəsində rezervasiya etmək mümkündür.

Son

British Airways haqqında:

• Yay mövsümində  British Airways həftədə 10 aviareys, qış mövsümündə isə Bakıdan Londonun Hitrou hava limanına gündəlik aviareyslər həyata keçirir.
• British Airways – marşrut şəbəkəsi 75 ölkə, 170 istiqaməti  əhatə edən irimiqyaslı beynəlxalq aviaşirkətdir.
• British Airways hər il bütün dünya üzrə 36 milyona yaxın sərnişin daşıyır.
• Aviaşirkət, əksəriyyəti uzun məsafəli uçuşlar üçün tam münasib  4 salon seçməyi təklif edir. Azərbaycanda müştərilərə iki cür salon təklif edilir – Biznes və Ekonom.
• British Airways yeni təyyarələr, salonlar, texnologiyalar və marşrutlara daim maliyyə vəsaitləri ayırır.

Əlavə məlumat üçün “British Airways” aviaşirkətinin Azərbaycandakı mətbuat nümayəndəliyinə müraciət edə bilərsiniz.

Тel: (012) 436 85 09

E-mail: [email protected]