Cəsur istəklərdən çəkinməyin

Milli.Az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir

Qoç - sevdiyiniz insanı sevindirməyə çalışın. Yaxınlarınızın qayğısına qalın, çətin vəziyyətə düşmüş dostunuza yardım edin. Bu gün maraqlarınızın bir qismini başqasına qurban verin. Lakin başqalarının problemləri ilə ifrat dərəcədə məşğul olaraq öz mənafeyinizi unutmayın.

Buğa - evdə sıradan çıxmış nə isə olarsa, əvvəlcə öz bacarığınızı sınayın - dərhal usta çağırmağa tələsməyin. Ailə üzvlərinizlə gərəksiz mübahisə etməyin. Başqalarının fikirlərinə hörmətlə yanaşın. Günorta saatlarında sizi maraqlandıra biləcək təklif ala bilərsiniz. Axşam saatlarında isə istirahət edin.

Əkizlər - bu gün istedad, bacarıq və biliklərinizi tətbiq edə biləcəksiniz. Ambisioz planlarınızı reallaşdıra biləcək, cəsur istəklərinizin həyata keçməsinə yardım edəcək insanlar sizi görəcəklər. Maraqlı tanışlıqlar istisna deyil.

Xərçəng - romantik münasibətinizdə normal inkişaf müşahidə olunacaq. Sevdiyiniz insanla səmimi olun. Axşam saatlarını özünüzə həsr edin.
Qonaq getməkdən çəkinin.

Şir - bu gün şəxsi həyatınızda mühüm və xoşagələn dəyişikliklərlə bağlıdır. Baş verənlərin hamısı istədiyiniz məcrada olmasa da, yaşananlarda heç olmasa kiçik uğurları aşkarlamağı bacarın. Qonaq qəbul etmək, dostlarla görüşmək üçün əlverişli gündür. Mühüm məsələləri evdə həll etmək daha münasibdir.

Qız - bilik, bacarıq və təcrübəniz bu gün sizin dadınıza çata bilər.  Evdə və ya işdə - problemlər hər yerdə var. İdeal həyat, fasiləsiz rəvan günlər olmur və bunu artıq anlamanız gərəkdir. İstənilən problemin həll yolları mövcuddur. Sadəcə, onları aramaq və tapmaq gərəkdir.

Tərəzi - ailə üzvləri ilə bağlı yeni, mühüm xəbərlər ala bilərsiniz. Çoxdan bəri gerçəkləşdirməyə çalışdığınız planları ailə üzvlərinizin vasitəsilə reallaşdıra bilərsiniz. Amma əfsuslar olsun ki, mübahisələr və anlaşılmazlıqlar günün "bəzəyi" olacaq.  Münaqişələri tez həll etməyə çalışın. Bütün mühüm qərarları özünüz qəbul edin. Ətrafınızdakı insanların məsləhət və təklifləri çox yarıtmaz olacaq. Kimsəni dinləməyin.

Əqrəb - tanımadığınız insanlarla ünsiyyətdə ehtiyatlı olun. Bu adamlar enerjinizdən və imkanlarınızdan öz maraqları üçün istifadə etməyə çalışacaqlar. Dünyagörüşünüzü artırın, biliklərinizi çoxaldın. Əyləncələri təxirə salın.

Oxatan - bu gün şəxsi həyatınız üzücü, rutin və darıxdırıcı olmayacaq. Bununla belə, görməli olduğunuz işləri də unutmayın, vədlərinizə laqeyd yanaşmayın. Ailə üzvləri və dostlarınızdan biri sizi unutqanlıqda suçlaya bilər. Milçəkdən fil düzəltməyin və münaqişə yaranmamış anlaşılmazlığı aradan qaldırın.

Oğlaq -  günün ilk yarısı sakit keçəcək. Gözlənilməz hadisələrdən çəkinməyərək əvvəlcədən hazırlanmış planlara uyğun olaraq hərəkət edə bilərsiniz. Günün ortalarında sizə dəstəyini təklif edəcək nüfuzlu insanla görüş baş tuta bilər. Razılaşmazdan əvvəl hər şeyi götür-qoy edin. Çox yəqin ki, potensial himayədarın sizə təklif etdiyi şərtlər ilk baxışdan göründüyü qədər yaxşı deyil.

Dolça - bu gün enerjili, amma müdrik olun. Yaranmış şəraitin incəliklərini nəzərə almasanız, cəsarətinizin heç bir mənası olmayacaq. Situasiyanın dəyişən şərtlərini görməyə və onlara uyğunlaşmağa çalışın. Səfərdəsinizsə, vaxtınızı yerli məkanın tədqiqatına sərf etməyin.
 
Balıqlar - bu gün imkan yaranan kimi lider xüsusiyyətlərinizi nümayiş etdirməyə tələsməyin, diqqət mərkəzində olmağa can atmayın. Ətrafınızdakı insanların heç də hamısı sizin arzularınızın çin olmasını istəmir. Onlar üstün cəhətlərinizi dəyərləndirmir və bunu istəmirlər.

Strategiya.az