“Təcili ərə gedərəm”

Nizami Kino Mərkəzi  Yeni ili beş filmin premyerası ilə  başlayır.

Nizami Kino Mərkəzi  dekabrın  31 –dən beş yeni filmin Rusiyanın “Süd yolu”, “Təcili ərə gedərəm”, ABŞ-ın  “Stiv Cobs”, “Krampus” və Türkiyənin “Düyün Dərnək 2: Sünnət”  nümayişinə başlayıb.

Komediya janrında çəkilmiş “Düyün Dərnək 2: sünnət” filminin  rejissoru Selçuk Aydəmirdir. Yaş həddi: 12+

Birinci filmdə oğluna toy edən İsmayıl indi də nəvəsinə sünnət toyu etmək istəyir. İsmayılın bir araya gələn dostları ortalıgı yenə bir birinə qatırlar. Amma nəyin bahasına  olursa olsun bu düyün olacaq... Baxıb gülün)

         Filmdə rolları   Ahmet Kural, Murat Cemcir, Rasim Öztekin,  İnan Ulaş Torun, Devrim Yakut, Barış Yıldız,  Şinasi Yurtsever və digər aktyorlar   canlandırıblar.       

         Rejissor  Denni Boylun  bioqrafik dram janrında çəkdiyi “Stiv Cobs”  filminin  ssenari müəllifi  Aron Sorkindir.  Kinolentin yaş məhdudiyyəti 16+. 

         Film,  Apple şirkətinin təsisçisi, planetin ən ağıllı beyin sahiblərindən  biri olan Stiv Cobsun həyatından bəhs edir.

         Filmdə rolları Maykl Fassbender, Set Roqen, Ceff Deniels, Keyt Uinslet, Maykl Stulbarq, Ketrin Uoterston,  Perla Aney – Jardine, Ripli Sobo, Makenzi Moss, Sara Snuk  və başqa aktyorlar ifa edib.

         Todd  Keysinin ssenarisi əsasında rejissor  Maykl Doqertinin  ekranlaşdırdığı  “Krampus” filmi  dəhşət, fentezi və komediya janrındadır. Sloqanı: “Bu il Santa Klaus gəlməyəcək” Yaş məhdudiyyəti:16+

         Film,  Milad bayramında  sözə qulaq asmayan uşaqları tənbeh etmək üçün peyda olan şeytandan bəhs edir.

         Rollarda  Adam Skott, Toni Kollett, Devid Kokner, Ellison Tolman, Konçata Ferrell, Emcey Entoni, Stefaniya Oyen, Krista Ştadler, Mark Atkin, Trevor Bau və digər aktyorlar çəkilib.

         “Süd yolu” komediyasının rejissoru və ssenari müəllifi Anna Matisondu. Filmin yaş həddi: 12+

         Andrey və Nadyanın münasibətlərində soyuğluq əmələ gəlib.  Ayrı yaşamağa qərar verən cütlük Yeni ili son dəfə  ailə və uşaqlarla keçirmək üçün bir araya gəlir. “Boşanma” sözü qətiyyətlə səslənən ailədə bir sıra  gülməli, kədərli hətta qəribə və izahedilməz zəncirvari hadisələr baş verməyə başlayır. Bu hadisələr elə bil  ki, ailəni səhv addımlardan çəkindirir. Olxon adasında möcüzələr gecəsində biri birlərini itirib və yenidən tapanlar başa düşürlər ki, həyatda  xırda inciklərdən savayı daha önəmli şeylər var...

         Baş rollarda Sergey Bezrukov, Marina Aleksandrova, Vladimir Menşov, Anastasiya Bezrukova, Petr Tereşenko, Vladimir Voytyuk, Valentin Qaft və  Denis Matsuyev çəkiliblər.

         Rejissor Sergey Çekalovun komediya və melodram  janrında çəkdiyi “Təcili ərə gedərəm!”  filminin ssenari müəllifləri  Andrey Qalanov və İvan Fillipovdur. Filmin yaş həddi:  16+

         Ambisiyalı, işgüzar Jenya baş redaktor təyin edilə bilər. Amma bunun üçün o, təcili ərə getməlidir. Nəşrin aksionerlərinin şərti budur - Ailəli auditoriyanın –ailəli rəhbəri olmalıdır!  Ərə getmək üçün  bir həftə vaxtı qalan   Jenyaya,  kartotekasında seçim üçün   yetərincə subay namizəd olan dəbli fotoqraf Stas kömək etmək istəyir.

         Tez vaxt ərzində Jenya hesablı yolla ərə getmək istəmədiyini  Stas isə aşiq olduğunu başa düşür... 

         Baş rollarda Yuliya Kovalçuk, Aleksey Çumakov, Ekaterina Malikova, Sergey Burunov, Olqa Prokofyeva, Vyaçeslav Qrişeçkin, Nonna Qrişayeva, Anatoliy Belıy, Alika Smexova və Evklid Kürdzidis çəkiliblər.      

         Əziz kinosevərlər  filmlər və kinomərkəzdə keçiriləcək tədbirlər haqqında daha ətraflı məlumatı Nizami Kino Mərkəzinin facebook səhifəsindən də öyrənə bilərsiz. (https://www.facebook.com/NizamiCinema?rf=hl)

Strategiya.az