Astara Pedaqoji Kollecində nə baş verir? - Eksklüziv

“Astara Pedaqoji kolleci Azərbaycanda yeganə təmiz , saf əqidə ilə işləyən kollecdir”

Strategiya.az-a maraqlı məlumat daxil olub. Məlumatda Astara Pedaqoji Kollecində rüşvət alınması iddia olunur. Məlumatda bildirilir ki, “Kəntdən gələn və yaxud da pay-puş sumka ilə gətirən adamlar direktor Əlihəsən və şöbə müdirlərinin qapılarında sumka ilə dayanırlar. İçəri keçərkən artıq şərtlər müəyyənləşir:

1 həftəyə icazə 30 manat

1 aya icazə 200 manat

Axırıncı dərsdən evə getmək 20 manat

Fond pulu 30 manat

Yataqxanada qalmaq 30 manat və s.”

Qarşı tərəfin də fikrini işıqlandırmaq üçün Astara Pedaqoji Kollecinin direktoru Əlihəsən müəllimlə əlaqə saxladıq. Məlumatı diqqətinə çatdırdıqda Əlihəsən müəllim çox sərt reaksiya verdi. Hətta bizi şantajda ittiham etdi. Biz məqsədimizi izah etdikdən və obyektiv sayt olaraq məlumatı dəqiqləşdirmək istədiyimizi bildirdikdən sonra Əlihəsən müəllim məsələyə münasibətini belə bildirdi. “...  qələt eliyir .... Astara Pedaqoji kolleci Azərbaycanda yeganə təmiz , saf əqidə ilə işləyən kollecdir. Məlumatı düz verməyiblər. Siz bu millətdən əl çəkəcəksiz? Belə davam edəcəksiniz milləti şantaj eləməyə ? Nəyə lazımdır ki, bu şantaj? Əlihəsən müəllimlə tanışlığın var dur gəl Astaraya çay içək.  Məktəblə tanış ol”. Bu məqamda biz Əlihəsən müəllimə bildirdik ki, məlumatın birtərəfli olmaması və qarşı tərəfin də fikrini öyrənmək üçün onunla əlaqə saxlamışıq. Əlihəsən fikirinə belə davam etdi:

“Mənim sizinlə işim yoxdu,  sizə o məlumatları verən şərəfsizlər ki, var, siz ziyalı kimi özünüz bunu araşdırmalısız. Siz onu bilin ki, bular hamsı yalan məlumatdı. İşləri gücləri yoxdu, kiməsə söz yaxmaq, kiməsə şantaj yaxmaq... Sizin ki təcrübəniz var. Olar hamsı qələt eliyir,  Siz mənə inanın, bizim kollecdə tam saflıq var. Bilin ki, mən sizə düz deyirəm”.

Strategiya.az daxil olan məlumatı olduğu kimi diqqətinizə çatdırır:

               “Astara Pedaqoji Kolleci təzə yaranmasına baxmayaraq rüşvətin alınmasından ötrü digər kollecləri qabaqlamışdır.Astara pedaqoji kollecinin direktorunun qəbul otağına “elə-belə” girmək mümkün deyil.Kollecin girəcəyində qurulmuş mühafizə postundan “əlin boşdursa içəri keçə bilməzsən” formasında adamları içəri buraxırlar. Kəntdən gələn və yaxud da pay-puş sumka ilə gətirən adamlar direktor Əlihəsən və şöbə müdirlərinin qapılarında sumka ilə dayanırlar.İçəri keçərkən artıq şərtlər müəyyənləşir:

1 həftəyə icazə 30 manat

1 aya icazə 200 manat

Axırıncı dərsdən evə getmək 20 manat

Fond pulu 30 manat

Yataqxanada qalmaq 30 manat

         Kollecdə 1400ə qədər tələbə oxuyur, dərslərdə isə hal hazırda 500-550 tələbə iştirak edir.Tələbələr pedaqoji təcrübəyə getmirlər.Təcrübənin qiyməti 100 manatdır.

         Qiyabi şöbənin müdiri hər ay qiyabiçiləri kollecə çağıraraq yoxlama yazı işini 20 manat, kurs işinə isə 50 manatdan pul yığır. Dövlət imtahan pulları müəyyənləşib. Adi diplom 300 manat, frəqlənmə diplomu 500 manat.

           Təhsil müəssisəsinin direktoru isə uzun müddətdir vəzifədə olan fəlsəfə elmləri doktoru Əlihəsən Əli oğlu Həmzəyevdir. Neçə illərdir direktor işləyən şəxsə bu zaman kəsiyində bircə dəfə də olsun "gözün üstə qaşın var" deyən olmayıb. Təhsil müəssisəsində problemlər göz çıxarsa da, direktor bundan narahatlıq hissi keçirmir. Bizə çatan məlumatlara görə, kollecdə təhsil alan tələbələr qış və yay semestrləri öncəsi şöbə müdiri və direktoru mütləq "görməlidirlər": "Bura təzə daxil olan tələbələr ilk öncə vəziyyətdən xəbərdar olmurlar.

Əlihəsən Həmzəyevin Astaradakı istirahət pansionatından hamının xəbəri var. Dəniz kənarında yerləşən bu istirahət pansionatının uzunluğu 1000 metrdir. Bakıda müxtəlif yerlərdə 5 otaqlı mənzillər alan Əlihəsən Həmzəyev var-dövlətini hara aparır?
             Vaxt keçdikcə onlar kollecdəki sistemə uyğunlaşırlar. Müəllimlər tələbələrə dilləri ilə deyir ki, əziyyət çəkib dərs oxumayın, onsuz da direktor sizi imtahandan keçirməyəcək. Həqiqətən də, belədir. Direktor ixtisas rəhbərlərinə və müəllimlərə dəfələrlə tapşırıb ki, heç bir tələbəyə "şirinlik" olmadan qiymət yazmasınlar. Neçə dəfə olub ki, direktora "hörmət" etməyən tələbələr imtahanlardan kəsiliblər. Bu, ənənə halına çevrilib. Burda pedaqoji kadr hazırlığı aşağı səviyyədədir. Tədris olunan ixtisaslarda savadlı müəllimlər azlıq təşkil edir. İbtidai sinif səviyyəsində savadı olmayan insanlar kollecdə müəllim işləyir.
             Onları direktor nəyinsə müqabilində işə qəbul edib. Tələbə kontingenti arasında təhsil ocağının rəhbər heyətinə qarşı inamsızlıq var. Uşaqlar oxuyub savad almaq istəsələr də, buna imkan vermirlər. Fənn-tədris kabinetləri istənilən səviyyədə deyil. Kitabxana və kompyuter mərkəzində də vəziyyət eynidir". Əldə etdiyimiz bilgilərə görə, sözügedən kollec normal səviyyədə ibtidai sinif müəllimləri yetişdirə bilmədiyi halda, ayrıca xarici dil ixtisasları açıb. İki il müddətinə ingilis dili müəllimləri hazırlayan təhsil ocağı birmənalı olaraq Azərbaycan təhsil sisteminin qəsdinə dayanıb. Qeyd edək ki, Astara Pedaqoji Kollecində ətraf rayonlardan olan tələbələr də təhsil alır. Bunların içərisində Astara, Masallı və Biləsuvar rayonundan olan tələbələr daha çox üstünlük təşkil edir. Həmin tələbələr üçünsə Astarada oxumaq ikiqat xərc tələb edir.Çünki onlar həm burda kirayə ev pulu ödəyirlər, həm də imtahanları "yola verirlər””.