Belə ki, hər iki istiqamətə gedən mink avtomobilləri Üçtəpə-Ocaqlı kənd yollarından keçməklə hərəkətlərini davam etdirə bilirlər, lakin bütün növ yük avtomobillərinin qeyd olunan istiqamətlər üzrə hərəkəti müvəqqəti olaraq dayandırılıb.
Virtualaz.org-un Şirvan bürosu bildirir ki, su basma ilə bağlı Alar kəndinə təbii qazın verilişi də dayandırılıb.
Kənd sakinlərinin verdiyi məlumata görə, təhlükəli vəziyyət hələ də qalmaqdadır. Belə ki, bəndi dağılmış Cəfərxanlı gölündən gələn suyun həcmi o qədər böyükdür ki, yönəldildiyi İncəçay çayı onu axıda bilmir.
* * *18:37
Cəlilabad rayonunda su bəndi dağılıb.
"Report" xəbər verir ki, son günlər aramsız yağan yağışlar rayon ərazisindəki bəzi göllərin səviyyəsini qaldırıb.
Yerli sakinlərin sözlərinə görə, rayonun Cəfərxanlı kəndi ərazisindəki belə göllərdən birinin səviyyəsi maksimum həddə çatdığından bənd yarılıb.
Gölün suyu İncəçay vasitəsi ilə axıdıldığından rayonun Alar kəndi üçün də təhlükə yaranıb. Əraziyə texnika və canlı qüvvə cəlb edilib. Yerli sakinlərin verdiyi məlumata görə, suyu ötürməkdən ötrü Ələt-Astara magistral yolu bağlanılıb. Nəqliyyat vasitələri alternativ yoldan istifadə edir.
Cəlilabad Rayon İcra Hakimiyyətinin başçısı Əziz Əzizov hadisə yerindədir.
