Lənkəranda 7 yaşlı məktəbli dünyasını dəyişib.
Bu gün günorta saatlarında Lənkəran Şəhər 7 saylı tam orta məktəbin 1-ci sinif şagirdi Ağayeva Xədicə Ramin qızının dərs zamanı halı pisləşib.
Məktəbli qız əyləşdiyi partanın arxasında huşsuz vəziyyətdə düşüb. Məktəbə çağırılan "təcili yardım" həkimləri ilkin müdaxilədən sonra məktəblini Lənkəran Rayon Mərkəzi Xəstəxanasına çatdırıblar. Uşaq qan qusduğundan dərhal Reanimasiya şöbəsinə yerləşdirilib. Həkimlərin səyinə baxmayaraq X.Ağayeva dünyasını dəyişib. (“Report”)
