Bakı sakini müəmmalı şəkildə ağır xəsarət alıb.
Hadisə Sabunçu rayonu Yeni Ramana qəsəbəsi ev 22-də qeydə alınıb.
Belə ki, 1984-cü il təvəllüdlü Cabbarov Vüsal Müseyb oğlu ağır vəziyyətdə xəstəxanaya yerləşdirilib.
V.Cabbarov Sabunçu Rayon Polis İdarəsinin (RPİ) əməkdaşlarına bildirib ki, idman edərkən yıxılıb, nəticədə onun bədənin bir neçə nahiyəsinə şifer parçası girib.
Onun vəziyyəti ağır qiymətləndirilir.
RPİ-nin əməkdaşları yaralının dediklərini fakt kimi qiymətləndirmir. Hadisənin dəqiq səbəbləri araşdırmalardan sonra məlum olacaq. (“Report”)
