Paytaxt sakini qəribə vəziyyətlə üzləşib. O, kartına maaşından əlavə yüklənən vəsaitin bank tərəfindən növbəti ayların ödənişləri üçün çıxarıldığını deyir.
Bu məsələ bank və müştəri arasındakı münasibətləri yenidən gündəmə gətirir. Hüquqşünas Asif Abdullayev deyir ki, bankın belə davranışı qaydalara ziddir.
Hüquqşünasın sözlərinə görə, banklar ödənişlə bağlı əməliyyatlar həyata keçirərkən mütləq müştəriyə məlumat verməlidirlər, tutulan məbləğ barədə ya kağız, ya da onlayn formada müştəri sənəd ilə təmin edilməlidir.
Müştərilər kredit müqaviləsi bağlayarkən şərtləri diqqətlə oxumalıdırlar ki, sonradan belə anlaşılmazlıqla üz-üzə qalmasınlar.
_137185.jpg&w=250&h=200&sc=1&q=100)
