Bu gün Azərbaycanın yollarında insan ölümləri və yaralanmaları ilə nəticələnən daha iki qəza baş verib. Belə ki, Ucar-Zərdab yolunda iki avtomobil toqquşub. Hadisə Ucar rayonunun Qazyan kəndində baş verib. 90 XM 720 dövlət nömrə nişanlı, “Mercedes” markalı avtomobillə 03 BB 478 dövlət nömrə nişanlı, “VAZ 21011” markalı avtomobil toqquşub.Nəticədə “VAZ 21011”də olanlardan biri ölüb, iki nəfər xəsarət alıb.Xəsarət alanlar Ucar Mərkəzi Rayon Xəstəxanasına yerləşdiriliblər.
Bakı-Qazax yolunda isə 7 nəfərin xəsarət alması ilə nəticələnən yol-nəqliyyat hadisəsi baş verib.
Hadisə yolun Ucar rayonunun Müsüslü kəndindən keçən hissəsində qeydə alınıb.“Mercedes Vita” markalı mikroavtobus idarəetmədən çıxaraq yol kənarına aşıb.Nəticədə 7 nəfər, 2 qadın, 5 kişi xəsarət alıb. Onlar Ucar Mərkəzi Rayon Xəstəxanasına a yerləşdirilib. (APA)
