Ötən gecə İsmayıllının Kürdmaşı kəndində inkubator sexi yanıb.
ARB Şəki xəbər verir ki, kənd sakini Vüqar Dadaşova məxsus, ümumi sahəsi 225 m2 olan inkubator sexinin yanar konstruksiyaları 75 m2 sahədə yanıb.
Əraziyə İsmayıllı Dövlət Yanğından Mühafizə Hissəsinin 2 yanğınsöndürən maşını və canlı qüvvəsi cəlb olunub. İnkubator sexinin içərisindəki 3200 ev quşundan 200-ü yanaraq və ya tüstüdən boğularaq tələf olub. Sexin qalan hissəsi yanğından mühafizə edilib.
Yanğın saat 05:50-də söndürülüb.
Faktla bağlı araşdırma aparılır.
_137185.jpg&w=250&h=200&sc=1&q=100)
