Bakı-2017: TƏQVİM

Bakı-2017 IV İslam Hərməyliyi Oyunları davam edir.

 Oyunların 6-cı günündə 46-49, 56, 64 və 81 kq çəki dərəcələrində mübarizə aparan kişi boksçuların yarışına start veriləcək.

Azərbaycanı 49 kq çəki dərəcəsində Rüfət Hüseynov, 56 kq-da Tayfur Əliyev, 64 kq-da Elvin İsayev, 81 kq-da isə Rauf Rəhimov təmsil edəcəklər.

Bu gün idman gimnastikası yarışında təsnifat mərhələləri də keçiriləcək.

Azərbaycanı kişi gimnastların yarışında Murad Ağarzayev, Bense Talas və Timur Bayramov, qadınların yarışında isə Marina Nekrasova, Yuliya İnşina və Yekaterina Tişkova təmsil edəcəklər.

Oyunların 6-cı günündə bədii gimnastların mübarizəsi davam edəcək.

Azərbaycanı yarışlarda Marina Durunda, Jalə Piriyeva və Zöhrə Ağamirova təmsil edir.

Qadınların həndbol yarışında isə millimiz yarımfinalda Özbəkistanla qarşılaşacaq.

Bu gün, həmçinin cüdo yarışlarına start veriləcək.

Kişi cüdoçuların fərdi yarışlarında idmançılarımızdan Orxan Səfərov (60 kq), Nicat Şıxəlizadə, (66 kq), Rüstəm Orucov, Hidayət Heydərov (hər ikisi 73 kq), Məmmədəli Mehdiyev (90 kq), Elmar Qasımov, Elxan Məmmədov (hər ikisi 100 kq) mübarizə aparacaq. Komanda yarışlarında isə Rüfət İsmayılov (81 kq) və Uşanqi Kokauri (+100 kq) digər cüdoçularımızla birgə yarışacaq. Qadınlardan Aişə Qurbanlı, Erdenebat Bazarraqça (hər ikisi 48 kq), Nəzakət Əzizova (52 kq), Kifayət Qasımova, Munxtsedev İçinxorlu (hər ikisi 57 kq), Xanım Hüseynova (63 kq) və İrina Kindzerska (+78 kq) tatami üzərinə çıxacaq. Daha iki cüdoçu - Purevsuren Buyanxişiq (52 kq) və Gülsədəf Kərimova (70 kq) Azərbaycanı qadınların komanda yarışlarında təmsil edəcək.

Oyunların 6-cı günündə karateçilər də mübarizəyə qoşulacaq. IV İslam Həmrəyliyi Oyunlarında Azərbaycanı 12 karateçi - qadınların kumite yarışında Nuranə Əliyeva (-50 kq), İlahə Qasımova (-55 kq), Fəridə Abiyeva (-61 kq), İrina Zaretska (-68 kq), Fəridə Əliyeva (+68 kq), kişilərin yarışında Firdovsi Fərzəliyev (-60 kq), Niyazi Əliyev (-67 kq), Rafael Ağayev (-75 kq), Ayxan Mamayev (-84 kq), Asiman Qurbanlı (+84 kq), katada qadınlardan Neda Rezai, kişi idmançılardan isə Roman Heydərov təmsil edəcək.

Atıcılıq yarışında isə kişilər və qadınlar 10 m pnevmatik tüfənglə, tapança ilə atəş, eləcə də səngər stendi üzrə təsnifat və final mərhələsi keçiriləcək.

Kişi üzgüçülər 400 m sərbəst, 100 m batterflay, 50 m brass, 200 m arxa üstə və 4X100 m sərbəst estafet, qadınlar isə 800 m sərbəst, 200 m fərdi kompleks, 50 m brass, 100 m arxa üstə və 200 m fərdi kompleks üsulunda güclərini sınayacaqlar.

Bundan başqa, tennis yarışında seçmə mərhələyə başlanılacaq:

Voleybol turnirinin 3-cü günündə qadınlardan ibarət millimiz Tacikistan, kişi idmançılardan ibarət komandamız isə Türkiyə ilə qarşılaşacaq.

Su polosu yarışında Azərbaycan İranla üz-üzə gələcək.

Ağır atletikada qadınlar (48 və 53 kq) və kişilərin mübarizəsinə start veriləcək (56 kq). Azərbaycan yığma komandası yarışa tam heyətlə – 16 nəfərlə (8 qadın və 8 kişi) qatılıb.

Vaxt cədvəlinə əsasən 13-17 tarixlərində yarışlara hər gün saat 12:00-da start veriləcək. Mayın 14-də iki, digər günlərdə isə üç qrupda (çəkidə) qaliblər müəyyən ediləcək.

İslam Oyunlarında ağır atletika yarışlarına çəkisi 56 kq-a qədər olan kişilər start verəcək. Bu çəkidə Azərbaycan yığma komandasının bir üzvü – Elmar Alıyev medal mübarizəsinə qoşulacaq.

Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.