"Edam günü" beynəlxalq auditoriyaya çıxır - FOTOLAR

17:12 / 22.08.2017

İstehsalı ötən il yekunlaşan, tamaşaçıların hələ də səbirsizliklə gözlədiyi "Edam günü" tammetrajlı psixoloji trilleri bu yaxınlarda fərqli yayım formatında nəinki yerli, o cümlədən beynəlxalq auditoriyaya təqdim ediləcək.

Missiya.Az xəbər verir ki, bu barədə "AzərNyuMedia"ya filmin ssenari müəllifi və baş prodüseri Cəlaləddin Qasımovməlumat verib. Ssenari müəllifinin sözlərinə görə filmə yaxın vaxtlarda geniş tamaşaçı kütləsinin baxmaq imkanı olacaq. "Biz filmin tam fərqli yayım siyasətini qurmağa çalışdıq. Belə ki Türkiyənin məşhur onlayn kinoteatrlarından olan www.sinematurktv.com ünvanında yerli və beynəlxalq tamaşaçılar bu filmi izləyə biləcəklər. Yeniliklərdən biri də budur ki, hazırda filmin ingilis subtitrlərinin hazırlanması prosesi gedir. Bu proses "AzərNyuMedia" komandasına həvalə edilib" - ssenari müəllifi və baş prodüser açıqlamasında bunları deyib. Cəlaləddin Qasımov hazırda yeni film layihəsi üzərində işlədiyini və çəkilişlərin 70%-nin artıq başa çatdığını da bildirib: "Bu barədə mətbuata yaxın vaxtlarda geniş məlumat verəcəyik".

Qeyd edək ki, "Edam günü" psixoloji trillerində hadisələr sovet dövrünün son illərində, həbsxanada cərəyan edir. Müəllif həbsxana mövzusuna iki əks qütbün ziddiyyəti konteksindən yanaşaraq, orijinal yanaşma təqdim etmiş olur.

Filmdə baş rollarda Rövşən Kərimduxt, Sabir Əliyev, Məmməd Əliyev, Nazil Ağalarov, Ramin Şıxəliyev, Soltan Qasımov, Hikmət Məmmədov, Vüqar Qurbanov və digərləri çəkiliblər. Filmin quruluşu operatoru Mehdi Yaqubovdur. Ötən ilin sonların "SPP Production"da istehsal edilən ekran əsərinin müddəti 97 dəqiqədir. "AzərNyuMedia"dan həmçinin onu da bildiriblər ki, film yaxın vaxtlarda Şərq ölkələrində keçiriləcək ümumdünya film bazarları, həmçinin müvafiq beynəlxalq festivallarda da təqdim edilməsi nəzərdə tutulub. Bunun üçün zəruri işlər görülməkdədir və beynəlxalq film festivalları, həmçinin beynəlxalq film marketlərə təqdimatla bağlı 2018-ci ilin yaz aylarına qədər davam edəcək.

Qeyd edək ki, Cəlaləddin Qasımov 1967-ci ildə Tovuz şəhərində anadan olub. 1984-cü ildə orta məktəbi bitirib, elə həmin il Moskva İdarəetmə institutuna qəbul olub. 1985-87-ci illərdə Almaniyada hərbi xidmət keçib. Təhsilini Bakı Dövlət Universitetində davam etdirib. 1997-ci ildən polis orqanlarında çalışır. Bədii yaradıcılıqla da məşğul olan C. Qasımov tarixi romanlar müəllifi kimi tanınır. O, AYB-nin üzvü, Beynəlxalq Qaşqari Fondunun vitse-prezidenti, DGTYB-nin idarə heyyətinin üzvüdür. Bir neçə roman, povest və çoxsaylı məqalənin müəllifidir. Yazıları qəzet və jurnallarda, internet portallarında müntəzəm olaraq dərc edilir. Cəlaləddin Qasımov həm də Dünya Narkotiklə Mübarizə Federasiyasının Azərbaycan üzrə nümayəndəsidir.

"Edam günü" beynəlxalq auditoriyaya çıxır - FOTOLAR

Oxşar xəbərlər

Xəbərlər

Ədəbiyyat

© 2012 | Bütün hüquqları qorunur.

Əlaqə