Rəqsanənin abırsız şəkillərinin yayılmasının cəzası nədir?

12:18 / 20.11.2014

Rəqsanə internetdə lüt şəkilləri yayılacağı təqdirdə polisə müraciət edəcəyini bildirib: “Ailəmizdə toy olacaq. Amma kimin xeyir işinin olacağını sürpriz etmək istəyirəm. Şəxsi telefonumdan şəkillərimi oğurlayıblar və artıq satışa çıxardıblar. Bu haqda dövlət qurumlarına müraciətimiz var. Mənim fotolarım harda yayımlansa, həmin adam qanun qarşısında cavab verəcək. O fotolar iki il əvvəl çəkilib. Şəkillərimi oğurlayan adama demək istəyirəm ki, ağıllı olsun. Bunun izinə düşmüşəm, ağılsız qadın deyiləm. Orada çəkinəcəyim şəkil yoxdur. Jurnalistlərə zəng edib deyirlər ki, 3-5 min verin şəkilləri sizə sataq. Həmin adamı tapacam”.

Rəqsanənin dediyi kimi, əgər onun lüt şəkilləri mətbuata verilərsə, bunun məsuliyyət kimin üzərində olmalıdır? Lüt pozalar verib şəkil çəkdirən şəxs, yoxsa o şəkilləri yayan adam burada məsuliyyət daşıyır? Onun şəkillərini yayan şəxslərə qarşı həbs hədəsi Rəqsanənin növbəti pr-dır, yoxsa həqiqətən, belə məsuliyyət var? Ümumiyyətlə, şəxsi və ailə həyatının sirləri deyəndə, hansı məlumatlar nəzərdə tutulur?

Vəkil Elnur Quliyev bu sualları Analitik.az-a şərh edərkən bildirdi ki, şəxsi və ailə həyatının sirri olan məlumatlar dedikdə, insanın xidməti və ya ictimai fəaliyyəti ilə əlaqədar olmayan, şəxsi həyatın və ya ailə həyatının sirrini təşkil edən elə məlumatlar başa düşülür ki, şəxs, şərəf və ləyaqəti alçaldan və ya ləkələyən olub-olmamasından asılı olmayaraq, onların kənar şəxslərə məlum olmasını istəmir. "Qanunun mənasına görə, bu məlumatlara şəxsin sağlamlıq vəziyyəti, ailəsinin tərkibi, dostluq, intim və digər münasibətləri və s. haqqında olan məlumatlar aiddir. Həmin məlumatlar zərərçəkmiş şəxsin gündəliyində, onun özünə və ya ailə üzvlərinə ünvanlanmış məktublarda və s.-də əksini tapa bilər.

Sənədlərin yayılması, habelə satılması və ya başqasına verilməsi, qanunsuz toplanılması Azərbaycan Respublikası Cinayət Məcəlləsinin 156-cı maddəsinə əsasən cinayət məsuliyyəti yaradır: “Belə ki, qeyd olunan əməli törətmiş şəxslər yüz manatdan beş yüz manatadək miqdarda cərimə və ya iki yüz qırx saatadək ictimai işlər və ya bir ilədək müddətə islah işləri ilə cəzalandırılır. Bundan başqa onu da qeyd etməyi zəruri hesab edirəm ki, bu cinayətin obyekti Azərbaycan Respublikasının Konstitusiyasının 32-ci maddəsində təsbit olunmuş şəxsi toxunulmazlıq hüququdur. Belə ki, hər kəsin şəxsi toxunulmazlıq hüququ vardır. Hər kəsin şəxsi və ailə həyatının sirrini saxlamaq hüququ vardır. Qanunla nəzərdə tutulan hallardan başqa şəxsi həyata müdaxilə etmək qadağandır. Öz razılığı olmadan kimsənin şəxsi həyatı haqqında məlumatların toplanılmasına, saxlanılmasına, istifadəsinə və yayılmasına yol verilmir.”

Bəs çılpaq şəkillər çəkdirən Rəqsanənin burada məsuliyyəti nədən ibarətdir? Vəkil bununla bağlı bildirdi ki, bu, yalnız mənəvi tərəfdən müzakirə oluna bilər. Əgər şəxs ictimai qınağa səbəb ola biləcək şəkilləri yalnız özü üçün çəkdirirsə, onu yaymırsa, ictimailəşdirmirsə və bu cür yayılmasını istəmirsə, bu, onun şəxsi həyatına dair məlmatlardır. Bu mənada həmin şəxsin hüquqi məsuliyyəti yoxdur.

Rəqsanənin abırsız şəkillərinin yayılmasının cəzası nədir?

Oxşar xəbərlər

Xəbərlər

Ədəbiyyat

© 2012 | Bütün hüquqları qorunur.

Əlaqə