TƏHSİLİN VACİBLİYİ…

  Hər bir insanın həyatda ilham aldığı məqamlar olur və ona əsaslanaraq yaratdığı gözəl bir işi ərzəyə gəlir. Məndə Anadolu Universitetinin tələbəsi olaraq, Anadolu Universitetinin “Yaşamboyu Eğitim” sloqanına əsaslanaraq sizə  “Təhsilinin Vacibliyi” haqqında məqaləmi təqdim etmək istərdim.

  Dövlətin, cəmiyyətin və fərd olan hər bir insanın xoşbəxtliyi üçün təhsil  ən yaxşı vasitədir. İnsan var olduğu gündən bəri, təhsil insanları məşğul edən ən vacib məsələlərdən  biri olmuşdur, insan var olduğu müddətcə də, olmağa davam edəcəkdir.  Xalqın firavan yaşaması  və xoşbəxt olması üçün təhsil ön plana keçməlidir.

Valideynlər övladlarına  sərvət, pul vermək əvəzinə mədəni və təhsilli insanlar olaraq  yetişdirsələr  daha yaxşı nəticə əldə edərlər. Atalarımız hər zaman haqlı olublar: “Ağılsız vəzir uşaqları, rəzil oldu, ağıllı kasıb uşaqları, vəzir oldu” deyiblər.

Ailədə başlayan təhsil, məktəblərdə davam edir və insan həyatının hər dövrünü əhatə edir. Hər şeydən əvvəl,  analar və atalar uşaqlarına, təhsil almağın vacibliyini aşılamalıdırlar.  Valideynlər övladlarına uşaqlıqdan yaxşı nümunələr verməklə, gələcəkdə ailə,  vətən,  cəmiyyət üçün faydalı vətəndaş  yetişdirmiş olarlar.  Hər uşaq ana bətnindən etibarən tərbiyə və təhsil alır. Buna nümunə  olacaq bir dialoq nəzərinizə çatdırmaq istərdim.

Məşhur bir professora konferans zamanı bir xanım sual verir:

-         Uşağımın təhsil və tərbiyəsinə  nə zaman başlaya bilərəm?

Professor, ciddi bir səs tonu ilə,

-         Uşağınız  nə vaxt doğulacaq?

Qadın təəccüblü bir ifadəylə,

-         Doğulacaqmı? Uşağımın indi beş yaşı var.

Professor, olduqca həyəcanlı və qayğılı bir səs tonu ilə,

-         Xanım, burda mənimlə danışaraq boşuna vaxt itirməyin. Bu dəqiqə evinizə gedin uşağınızın təhsil və tərbiyəsinə  başlayın. Uşağınızın təhsilində ən yaxşı beş ili itirmisiniz!

Çox gözəl bir dialoqdur. Amma  professor, cavabı tam verməmişdir mənə görə. Çünki uşağın təhsilini və öyrənməsini təmin edən orqan olan beyin, ana bətnindən inkişaf etməyə başlayır. Bu səbəblə uşaqlarımızın təhsilini ana bətnində  verməyə başlamalıyıq.

Valideynlər, onlara  yaxşı nümunələr göstərməklə, yaxşını, doğrunu və gözəl olanı öyrətməklə hər şeydən əvvəl və xüsusi ilə də, uşağın ruhunu tərbiyə etməlidirlər. Bu da ,yaxşı və düzgün seçilmiş mahnı, nağıl, hekayə, kino kimi vasitələrlə həyata keçirilməlidir.  İnsanın ruh və zehin sağlamlığı çox vacibdir.

Mevlana: “Sən ət və sümükdən ibarətsən. Əsas  olan ruhdur.”

İnsana hərəkət əmrini verən  və istiqamətləndirən ruhdur. Ruh sağlamlığı yerində olmayan insan  cəmiyyət üçün faydalı ola bilməz. Hər bir insan uşaqlıqdan bəri, oxuduğu  əsərlər, dinlədiyi  mahnılar, izlədiyi  filmlər qarşılığında düzgün, cəsarətli, mərd və keyfiyyətli  insan  olmağın vacibliyini anlamalıdır.

Təhsil, bir insanın qabiliyyət və davranışlarını inkişaf etdirmək deməkdir. Bir ölkənin inkişafı təhsil sahəsindəki  uğuruna bağlıdır. Təhsil bir milləti azad,müstəqil, şanlı,yüksək bir cəmiyyət halında yaşadır (Atatürk).

Ulu öndər, dahi şəxsiyyət Heydər Əliyev bildirmişdir ki, “ Təhsil millətin gələcəyidir”. Yaxşı bir vətəndaş, yalnız yaxşı təhsil almaqla yetişdirilə bilər. Təhsildən geri qalan toplumlar inkişaf edə bilməz.  Dünyada, savadsızlığa görə bir çox ailələr və dövlətlər daxili münaqişələrə görə  yox olumuşdular. Təhsilin əhəmiyyəti hər kəs üçün eynidir, bu fərqi yoxdur qızdır ya oğlan.  Ama mən düşünürəm ki, olduğumuz cəmiyyət üçün qızların təhsil alması daha vacibdir. Hacı Zeynalabdin Tağıyev də əbəs yerə söyləməyib ki,  “Bir oğlana təhsil verməklə təhsilli bir insan,  bir qıza təhsil verməklə təhsilli bir ailə qazanırsız”.

Azərbaycan xalqının ümummilli lideri, görkəmli dövlət xadimi Heydər Əliyevin zəngin nəzəri  irsində və  fəaliyyətində təhsil sahəsi  xüsusi yer tuturdu. Ulu öndərimiz ölkənin və xalqın taleyində, hərtərəfli tərəqqisində, uğurlar qazanmasında təhsilin xüsusi rolunu, əhəmiyyətini həmişə nəzərə almış, yüksək dəyərləndirmişdir. Dahi rəhbərimiz deyirdi:

“Hər bir dövlət əgər istəyirsə ki, öz ölkəsinin inkişafını təmin etsin, öz millətinin elmini, mədəniyyətini dünya standartlarına çatdırsın, o mütləq, hər şeydən çox, təhsilə fikir verməlidir, təhsilin inkişafına səy göstərməlidir, təhsil üçün bütün imkanları yaratmalıdır”.

“Təhsil sahəsi xalqımızın bu günü, millətimizin, dövlətimizin gələcəyi üçün ən vacib bir sahədir”. Bu sözlərin hər birində böyük bir hikmət, həqiqət və uzaqgörənlik mövcuddur. Son olaraq demək istərdim ki, öyrənmək və öyrətməyin nə yaşı , nədə zamanı yoxdur… Bir şeyi başlamaq üçün heç bir zaman gec deyil, yetər ki, siz qərarlı olun…