Türk dostumun təhsil nazirimizə göndərdiyi bir məktub və yaxud...

08:23 / 01.03.2018

Nazim Nəsrəddinov

Azərbaycan Respublikasının Əməkdar müəllimi

Türk dostumun təhsil nazirimizə göndərdiyi bir məktub
və yaxud
elmi, pedaqoji, ədəbi və mədəni əlaqələr tariximizin öyrənilməsini təqdir edən təşəkkürnamə

Bu təşəkkür məktubunun tezliklə 6 yaşı tamam olacaqdır. 21 Haziran 2012-ci il (iyun-N.N.) saat 13:34-də Ankaradan ölkənin ovaxtkı təhsil naziri Misir Mərdanov cənablarına ([email protected] - elektron ünvanına) göndərilmişdir.Müəllifi türk eqitim tarixində maraqlı araşdırmalarlı ilə tanınan Haldun Cezayirlioğludur.

Məktubun bir surəti də mənə ünvanlamışdı ki, Azərbaycan Respublikası Prezidentinin Sərəncamı ilə keçirilən ƏN YAXŞI MÜƏLLİM müsabiqəsinin qalibi kimi mənim də adım pedaqogika tariximizə düşsün.

Haldun Cezayirlioğlu ilə çoxdan tanışıq.Bayramlarda, ad günlərmizdə bir-birimizi təbrik edir, Azərbaycanı və Türkiyənin milli və peşə bayramlarını, tarixi günlərini qarşılıqlı şəkildə səmimiyyətlə təbrik edirik. Bunlar adi tədbirləri sevinci yox, bir millət, iki dövlətin uğurlarına sevinən iki ziyalının təhsilimizin inkişafına, Azərbaycanın və Türkiyənin qardaşlığına istiqamətlənən səmimi hissləri və duygulardır.
Mən təhsil,pedaqoji əlaqələr, dərslik tariximizin Türkiyə ilə bağlı məsələləri haqqında arxiv sənədlərinə əsaslanan yazılarımı Haldun Cezayirlioğluna - onun türk dilində yayımlanan "KOLLEKSİYON"una Azərbaycan dilində yazıram. Türk oxucuları məni başa düşür və təqdir edirlər.Çox sağ olsunlar.Doğrudur, bəzi yazılarımın sərlövhəsi türk dili orfoqrafiyasına uyğunlaşdırılır.Lakin burada redaktor yanaşması yetərli olur. İndyədək Haldun Cezayirlioğlunun "KOLEKSİYON"unda 33 yazım, müxtəlif yazılara aid xeyli şərhim yayımlanmışdır. Başqa sözlə, mən özümü bu nəşrin Azərbaycan təmsilçisi hesab edir, əməkdaşlığımızı yeni-yeni yazılarımla zənginləşdirmək istəyirəm.

Türk oxucuları Rəşid bəy Əfəndizadənin 1898 -ci ildə Konstantinopolda Azərbaycan dilində çap edilən "Uşaq bağçası " dərsliyi haqqında yazımı ilk dəfə "KOLEKSİYON"da oxumuşlar.
Onu da qeyd edim ki,Rəşid bəy Əfəndizadənin Türkiyədə ikinci dərsliyi 1907-ci ildə çap olunmuşdur.Bu, müsəvvər, yəni şəkilli dərslikdir.Dərslikdəki şəkillərin müəllifi görkəmli rus rəssamı, jurnalisti , ədibi,rus atalar sözlərinin liiüstrasiyalarla təbliği yolunda əhəmiyyətli işlər görən Vladimir Amosoviç Taburindir.V.A.Taburinin dərslikdəki şəkilləri Sankt-Peterburqdakı Nücəba Qızlar İnstitutunun məzunu Lidiya Çarskayanın XX əsrin əvvəllərində oxuma reytinqinə görə heç də A.S.Puşkinin əsərlərindən geri qalmayan povestlərindəki şəkillərindən seçilmişdir.

Türk oxucuları KOLEKSİYONdakı yazılarıma görə XIX əsrin maarifçisi Səid Ünsizadənin (1825-1905) dərslikləri və onun rəhbərlik etdiyi "Ziya"("Ziyayi Qafqasiyyə") (1879-1884) qəzetləri haqqında ilk mükəmməl məlumatları mənim yazılarımdan oxumuşlar. Türk oxucuları 1883-cü ilin yanvarında Tiflisdə Azərbaycan dilində Səid Ünsizadənin kiçik qardaşı Cəlal Ünsizadənin nəşrə başlayan "Kəşkül "jurnalı haqqında materiallarla məhz Haldun Cezayirlioğlunun qayğı və sayğısı ilə tanış olmuşlar.

Mən həmişə fəxr edirəm ki, Azərbaycan Dövlət Universitetində Ağamusa Axundov, Fərhad Zeynalov, Samət Əlizadə,Tofiq Hacıyev,Yusif Seyidov, Musa Adilov,Ağaməli Həsənov kimi türkoloqlardan dərs almışam .

Müəllimlərimin elmi yaradıcılıqların Türkiyə oxucularına çatdırılmasında da Haldun Cezayirlioğlunun rəhbərlik etdiyi KOLEKSİYON əhəmiyyətli roloynamışdır.

Haldun Cezayirlioğlunun KOLEKSİYONu mənim Türkiyə pasportumdur.Buradakı "NAZİM NASREDDİOV YAZILARI" rubrikası Azərbaycan -Türkiyə əlaqələrinin bütün oxuculara maraqlı görünə bilən səhifələridir.

Görkəmli türk egitimçisi , Almaniyada psixologiya üzrə təhsil alan Halil Fikrət (1892-1974) üç il Azərbaycam Ali Pedaqoji İnstitunda və onun məktəblərində 1923-1926-cı illərdə babalarımıza və nənələrimizə pedaqogika tarixindən və psixologiyada dərs deyib. Onun 600 səhifəlik "Tərbiyə və tədris tarixi" monoqrafiyası 1926-cı ildə Bakıda hökumət mətbəəsində böyük tirajla çap edilmişdir. Azərbaycan Ali Pedaqoji İnstitutunun 1926-cı il məzunları akademik Mehdi Mehdizadə, kimya üzrə görkəmli alim Yusif Məmmədəliyev, şair və tərcüməçi Mikayıl Rzaquluzadə, istiqlal şairi Əhməd Cavad(Axundzadə) və başqaları həyat dərsini, mütaliə mədəniyyətini,araşdıtmaçılıq işini məhz Halil Fikrət kimisevimli müəllimlərindən öyrənmişlər.

Mən bütün bunlar haqqında Avropa Azərbaycan Məktədində kafedra müdiri və müəllim işləyərkən Azərbaycan-Türkiyə elmi,pedaqoji, təhsil əlaqələri haqqında yazdığım yazılarımı, apardığım tədqiqatlarımı Azərbaycanın , Türkiyənin, Gürcüstanın,Rusiyanın elmi və dövri mətbuatı vasitsilə oxuculara çatdırmışam.
Bu yazının imkanlarından istifadə edərək, mən bütün qələm dostlarıma-Milli Azərbaycan Tarix Muzeyinin elmi katibi tarix üzrə fəlsəfə doktoru Fərhad Cabbarova, "Təhsil Problemləri qəzeti"nin baş redaktoru Malik Rəcəbliyə, Mahaçqalada kumık dilində nəşr edilən "ELDAŞ" ("YOLDAŞ" -N.N.) qəzetin redaktoru, tarix elmləri namizədi Kamil Əliyevə, "Strategiya.az", "Modern.az", "Davam.az" saytlarının, eləcə də " Kredo", "Olaylar" ,"Ziya" qəzetlərinin rəhbərliyinə və yaradıcı heyətinə minnətdarlığımı bildirirəm.

Halil Fikrətin 1923-1926-cı illərdə Azərbaycan eimi jurnallarında və dövri mətbuatında, Bakı və Şəki mətbuatında Halil Fikrətin onlarla yazısı çap olunmuşdur. Maraqlıdır ki,Halil Fikrət Türkiyəyə qayıdandan sonra bu yazılardakı fikirlərə dönə - dönə qayıtmışdır. Halil Fikrətin Azərbaycanda çap olunan yazıları pedaqoji və filoloji elmimizin zənginləşdirilməsində böyük rol oynayan dərin və əhəmiyyətli elmi təfəkkür məhsullarıdır.

Haldun Cezayirlioğlunun dost kimi, maarifi , ləyaqətli təhsili qiymətləndirən ziyalı kimi mənim yazdıqlarımdan,pedaqoji fəaliyyətimdən xəbəri var idi. O, Azərbaycan Respublikasının ƏN YAXŞI MÜƏLLİMİ müsabiqəsində 4-cü dəfə israrla iştirak etdiyimi də bilirdi. Odur ki, dördüncü cəhddə qalib gəlməyimə sevinirdi.Əslində onun hörmətli nazirə ünvanladığı təşəkkür məktubu həm mənim, həm də Respublika Prezidentinin Sərəncamı ilə keçirilən müsabiqənin münsiflər heyətinin ünvanına yönələn

rzaməndlik ( razılıq və məmnunluq) məktubu idi.

Təəssüf ki, təhsili qiymətləndirməyi bacaran Haldun Cezayirlioğlunun bu məktubu Təhsil Nazirliyinin bəzi əməkdaşları tərəfindən etinasızlıqla qarşılaтdı.

Abdulla Şaiq sözləri ilə desək, məktub o vaxt, təəssüf ki, ünvanına yetişmədi.

Türk dostumun təhsil nazirimizə göndərdiyi bir məktub və yaxud...

Nazim Nəsrəddinov

Müəllifin digər yazıları

Xəbərlər

Ədəbiyyat

© 2012 | Bütün hüquqları qorunur.

Əlaqə