VƏTƏNİN QEYRƏTLİ OĞLU

11:00 / 16.02.2019

Həkimlik peşəsinin vurğunu olan Mahirin ən böyük arzusu, məhz insanlara şəfa əlini uzadaraq, xalqın sağlamlığının keşiyində dayanmaq idi...

VƏTƏNİN QEYRƏTLİ OĞLU

 

Həkimlik peşəsinin vurğunu olan Mahirin ən böyük arzusu, məhz insanlara şəfa əlini uzadaraq, xalqın sağlamlığının keşiyində dayanmaq idi...

 

Vətənimizin dücar olduğu ən ağır zamanlarda onun harayına səs verən qeyrətli oğul və qızlarımız silaha sarılaraq doğma yurdumuzun müdafiəsinə qalxdılar. Bu müqəddəs amal uğrunda minlərlə soydaşımız öz canını Vətən yolunda qurban verərək əbədi ölümsüzlüyə - şəhidlik zirvəsinə ucaldı...

Vətənin harayına səs verən və onun müdafiəsi uğrunda şəhid olan belə qeyrətli oğullarımızdan biri də gizir Mahir Nağıyevdir.

Gizir Mahir Şahin oğlu Nağıyev 1964-cü il iyul ayının 2-də respublikamızın füsunkar təbiətə malik olan Quba rayonunun Xaroşa kəndində anadan olub. Şahin dayının və Mariyə ananın böyüdüb tərbiyə etdiyi 7 övladdan (Mahir, Cəvahir, Mehdi, Şəhla, Aydın, Aygün və Azər) biri və eyni zamanda ailənin ilk nübarı idi. Hələ uşaq yaşlarından həkimlik sənətinə böyük maraq göstərən Mahir, doğma Talabıqışlaq kənd orta məktəbini bitirdikdən sonra Bakı şəhərindəki 2 saylı tibb məktəbində təhsilini davam etdirib.

M.Nağıyev tibbi təhsilini başa vurduqdan sonra Quba Rayon Hərbi Komissarlığı tərəfindən Sovet Ordusuna hərbi xidmətə çağırılıb. Sovet Sosialist Respublikaları İttifaqı Silahlı Qüvvələrinin uzaq Primorskidə yerləşən hərbi hissələrinin birində iki il müddətli həqiqi hərbi xidmət keçib. Hərbi xidmətini başa vurub Vətənə qayıdan Mahir ixtisası üzrə 3 il Yardımlı rayonunda feldşer işləyib. 1989-cu ildə iş yerini dəyişərək, Quba şəhərindəki təcili yardım məntəqəsində fəaliyyətini davam etdirib. Mahirin ən böyük arzusu isə sevimli peşəsi üzrə ali təhsil almaq və həkim kimi insanlara şəfa əlini uzadaraq xalqın sağlamlığının keşiyində dayanmaq idi. Lakin bu dövrdən başlayaraq Vətənimizin səmasında dolaşan qara buludlar, bir çox qeyrətli oğullarımız kimi, Mahirin də arzularını həyatı tək yarımçıq qoydu...

Qarabağdan gələn qara xəbərlərin ardı-arası kəsilmirdi. Vəhşi erməni faşistləri tərəfindən neçə-neçə yurd yerimiz viran edilir, soydaşlarımız dədə-baba torpaqlarından qovularaq, qaçqın və məcburi köçkünə çevrilirdilər. Vətənimizin məhz belə ağır bir dövründə M.Nağıyev müqəddəs torpaqlarımızın müdafiəsinə yollanır...

Bu barədə şəhidin bacısı Şəhla Nağıyevanın müəllifi olduğu və “Azərbaycan Ordusu” qəzetinin 22 iyun 1994-cü il tarixli 47-ci sayında işıq üzü görən “Bacı qardaş haqqında: Mahirin qətiyyəti” başlıqlı məqalədə maraqlı məlumatlar verilmişdir: “... Anam nə qədər təkid etdisə də, xeyri olmadı. Mahirin fikri qəti idi. Hökmən qeyrətli oğullarımıza qoşulub Vətən torpaqlarını müdafiə etməli idi. Çünki o, torpaqlarımızda müharibə getdiyi bir dövrdə heç vaxt arxada oturub hadisələrə müşahidəçi kimi baxa bilməzdi. Nəhayət, 1993-cü il iyulun 15-də rayon hərbi komissarlığından xüsusi təyinatlı tibb işçisi kimi cəbhəyə yollandı...”.

Beləliklə, M.Nağıyev Müdafiə Nazirliyinin Şəmkir rayonunun Seyfəli kəndi yaxınlığında yerləşən təlim-sınaq məntəqəsində bir müddət təlim keçdikdən sonra, döyüş bölgəsi olan Ağdam rayonu ərazisindəki “N” saylı hərbi hissəsinin tərkibində “gizir” hərbi rütbəsində döyüşçü-feldşer kimi Vətənə olan müqəddəs borcunu şərəflə

yerinə yetirməyə başlayır. Qısa bir zamanda tibbi kadr kimi vəzifələrini ləyaqətlə yerinə yetirməklə bərabər, həm də hərbi əməliyyatlar zamanı göstərdiyi cəsurluq və şücaətinə görə döyüşçü yoldaşlarının dərin hörmətini qazanmağa müvəffəq olur.

08 yanvar 1994-cü il. Ağdam rayonunun Güllücə kəndi uğrunda gedən döyüş gizir M.Nağıyevin son döyüşü oldu... Yaralı döyüşçü yoldaşına tibbi yardım göstərərək, onu güllə yağışı altından çəkib çıxararkən düşmən gülləsinə tuş gələn Mahir, gözlərini əbədi yumaraq, şəhidlik zirvəsinə yüksəldi...

Gizir M.Nağıyevin son döyüşü barədə məlumatlara vaxtilə onun yaxın dostu olmuş həmyerlisi, jurnalist İzmirağa İsgəndərovun müəllifi olduğu və “Quba” qəzetinin 11 fevral 1994-cü il tarixli 7478-ci sayında işıq üzü görən “Qubalı şəhidlər: Qara zurna çalınmayacaq” başlıqlı məqaləsində rast gəlinir. Müəllifin Mahirin Ağdamdan gəlimiş hərbçi yoldaşının axırıncı döyüşlə bağlı xatirələri əsasında qələmə aldığı fikirləri son dərəcə qürurvericidir: “... Qızğın döyüş gedirdi. Döyüş mövqeyində bir əsgərimiz ağır yaralanmışdı. Yanına sürünmək təhlükəli idi. Mahir iki dəfə komandirdən yaralıya ilk tibbi yardım göstərmək üçün yanına sürünməyə icazə istədi, üçüncü xahişdən sonra komandir ona ehtiyatlı olmağı tapşırdı. Mahir yaxınlığında vıyıldayan güllələrə məhəl qoymadan özünü yaralıya çatdırdı, yerindəcə qanaxmanın qabağını kəsdi və yaralını sürüyə-sürüyə səngərə yaxınlaşdı. Cəmi iki metr qalmış düşmən gülləsi Mahiri yaxaladı. Döyüş sahəsindən çıxardığı əsgərin vəziyyəti yaxşıdır. Sağalacaq. Mahir isə iki saat sonra keçindi...”.

Bundan əlavə, jurnalist İ.İsgəndərovun müəllifi olduğu və “Nur” qəzetinin mart 1994-cü il tarixli 41-ci sayında işıq üzü görən “Vətənin gözəl, əziz, unudulmaz oğulları” başlıqlı məqaləsində yer alan Mahir Nağıyevlə bağlı yazısında şəhid dostuna ithaf etdiyi və ürəkləri dağlayan şeirini sizə təqdim edirəm.

 

Ana torpaq, Vətən – deyir dərdimiz,

Öz başına ötən deyil dərdimiz,

Ağlamaqla bitən deyil dərdimiz,

Şan-şan olan ürəkləri dağlama.

Ağlama, şəhid anası, ağlama!

 

Kişilərin cərgəsində şax dayan,

Sən qılınc ol! Nizəyə dön! Ox dayan!

Şahin kimi məğrur otur, tox dayan,

Dərd eləyib ürəyində saxlama!

Ağlama, şəhid atası, ağlama!

 

Fikir çəkən dəli olar ən azı.

Kim unudar bu matəmi, bu yası.

Üç bacının alnındadır bu yazı.

Cavahir, Şəhla, Aygün! Qara yaylıq bağlama!

Ağlama, şəhid bacısı, ağlama!

 

Gizir M.Nağıyev 1994-cü il yanvarın 12-də Quba rayonunun Talabıqışlaq kəndində dəfn olunub. Subay idi.

Quba rayon Xaroşa kənd orta məktəbinə şəhid Mahir Nağıyevin adı verilib. Təhsil aldığı Xaroşa (ibtidai təhsilini burada alıb - A.Ə.), eləcə də Talıbıqışlaq kənd məktəblərində cəsur döyüşçünün büstü ucaldılıb.

Şəhid döyüşçünün qardaşı, Daxili Qoşunların Baş İdarəsinin mənəvi-psixoloji hazırlıq şöbəsində baş zabit, polkovnik-leytenant Aydın Nağıyev Vətənin azadlığı uğrunda həlak olan igid oğullarımızla qürur duyduğunu və onlarla fəxr etdiyini deyir:

“Şəhidlərimizlə ancaq qürur duyur və fəxr edirəm. Onlar Vətən uğrunda öz canlarını qurban verdilər. Mahir haqqında onu deyə bilərəm ki, xarakter baxımından açıq ürəkli, təmiz vicdanlı, sakit, mehriban, eyni zamanda da vətənpərvər bir oğul idi. Həm də öz sevimli peşəsinin – həkimlik sənətinin vurğunu idi...

Cəbhəyə də öz arzusu ilə, könüllü olaraq getmişdi. Gözündə qətiyyən qorxu hissi yox idi. Güllə yağışı altında düşmən mərmisinə tuş gələrək ağır yaralanmış necə-neçə əsgərimizi döyüş meydanından çıxararaq, tibbi yardım göstərmişdi. Sonuncu döyüşdə də məhz vəzifə borcunu yerinə yetirərkən qəhrəmancasına şəhid oldu...”.

Polkovnik-leytenant A.Nağıyev bu arada Mahirin yazmış olduğu və şəhid qardaşından yadigar olaraq saxladığı məktubu mənə göstərib; “Bilirsən necə vətənpərvər oğul idi?” – deyərək, sözünə davam edir: “...Mahir bu məktubu məzuniyyətinin son günündə - 1993-cü il dekabrın 27-də mən o zaman Belarus Respublikasının paytaxtı Minsk şəhərində Ali Hərbi Məktəbdə oxuyarkən yazmışdı. Məktubda da qeyd etdiyi kimi, onun xidmət etdiyi tabor Ağdamın Güllücə kəndində mövqe tutmuşdu. Taborun baş feldşeri kimi gizir hərbi rütbəsində xidmət edirdi. Yazır ki, Allah qoysa müharibə qurtarandan sonra, səninlə bu barədə geniş söhbət edərik...

Mütaliə etməyi xoşlayardı. Xüsusilə də dahi filosof və ədiblərin əsərlərini oxumağı, həmçinin, hikmətli və ibrətamiz fikirlər barədə öz dəftərində qeydlər aparmağı çox sevirdi. Elə bu məktubda mənim üçün yazdığı şeir parçası da dahi şairimiz Məhəmməd Füzulidəndir”.

Məlumat üçün qeyd edək ki, şəhid döyüşçümüzün həyat və döyüş yolundan bəhs edən yazılara, həmçinin, görkəmli ziyalımız Şixəmməd Seyidməmmədovun müəllifi olduğu və 1996-cı ildə Bakıda nəşr olunan “Quba şəhidləri” kitabında, eləcə də Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin rəsmi internet saytının Şəhidlərimiz bölməsinin Quba şəhidləri səhifəsində (http://seferberlik.gov.az/rgminfoall/4221.html) rast gəlmək olar.

Mahir kimi igid oğullarımız Silahlı Qüvvələrimizin tərkibində xidmətlərini bu gün də şərəflə davam etdirirlər. Sıralarında vətənpərvər oğulların xidmət etdiyi qüdrətli Azərbaycan Ordusu işğal altında olan müqəddəs torpaqlarımızı düşməndən azad etməyə hər zaman hazırdır.

Allah şəhidlərimizə rəhmət eləsin!  

 

kapitan Anar Əhmədov,

Daxili İşlər Nazirliyinin

Daxili  Qoşunlarının zabiti


Etiket:

Strategiya.az

Xəbərlər
15.09.2019

Birinci vitse-prezident Mehriban Əliyeva İsmayıllı rayonunun İvanovka kəndindəki Mədəniyyət Sarayının əsaslı təmirdən sonra açılışında iştirak edib

14.09.2019

Prezident İlham Əliyev Latviya və Böyük Britaniyanın Azərbaycanda yeni təyin olunmuş səfirlərinin etimadnamələrini qəbul edib

14.09.2019

Sabahın HAVA PROQNOZU açıqlandı

14.09.2019

“Azeri Light”ın bir barreli 63,74 dollara satılır

14.09.2019

Tovuzda keçmiş məhkəmə sədrinin qətli ilə bağlı məlumat

14.09.2019

Qorbaçovun “sarayı” satışa çıxarılıb

14.09.2019

DYP sürücülərə müraciət etdi: oktyabr ayının 1-dən...

14.09.2019

Vakant dövlət qulluğu vəzifələri üzrə müsahibədə 245 nəfər uğur qazanıb

14.09.2019

Xalq rəssamı Tahir Tahirov vəfat edib

14.09.2019

DİN: Ötən gün törədilmiş 17 cinayətin üstü “isti izlər”lə açılıb

14.09.2019

Neft yenidən ucuzlaşıb

14.09.2019

Qusarda ana və qızı itkin düşüb - Ailəsi onları axtarır

14.09.2019

Səbrimiz daşarsa... - Ərdoğandan SƏRT XƏBƏRDARLIQ

14.09.2019

Məhəmmədrəsul Məcidov peşəkar boksda ilk döyüşdə nakautla qələbə qazandı

14.09.2019

Sentyabrın 16-na dolların məzənnəsi

14.09.2019

Güləşçimiz dünya çempionatına erməni ilə start verəcək

14.09.2019

Tramp Boltonun yerinə yeni namizədlə görüşüb

14.09.2019

Naməlum ölümcül xəstəlik aşkar edildi – Artıq ilk qurban var

14.09.2019

Azərbaycan güləşçiləri dünya çempionatına qələbə ilə başlayıb

14.09.2019

"Qarabağ" - "Sevilya" matçına maraq olduqca böyükdür

14.09.2019

Cəbhədən son xəbər

14.09.2019

Bu günün havası

14.09.2019

Sabiq məhkəmə sədri güllələndi - Tovuzda

14.09.2019

Tacikistanda elmə məlum olmayan rəsədxana aşkar olunub

14.09.2019

N.Paşinyan onu da birmənalı şəkildə dərk etməlidir ki...

14.09.2019

Şirvanda 1 nəfər kanalizasiya quyusuna düşərək ölüb

14.09.2019

Roma papasının səfəri Yaponiya ilə Vatikan arasında münasibətləri daha da möhkəmləndirəcək

14.09.2019

Şəhriyar Məmmədyarov dünya kubokunun növbəti mərhələsində qələbə qazanıb

14.09.2019

Bakıda mağazadan 2 min manatlıq oğurluq edən şəxs tutulub

13.09.2019

Əli Həsənov Türkiyədən Azərbacana gələn nümayəndə heyətini qəbul edib - FOTOLAR

13.09.2019

Ölən və yaralananlar var

13.09.2019

Xəzərdə zəlzələ olub

13.09.2019

DYP yük avtomobillərinin sahiblərinə və sürücülərinə müraciət edib

13.09.2019

Azərbaycan Respublikası Prezidentinin Fərmanı

13.09.2019

Xalq artistinə vəzifə verildi

13.09.2019

Ermənistan ordusunun hərbi qulluqçusu intihar edib

13.09.2019

2020-ci il üzrə dövlət büdcəsinin gəlirləri 24 milyard 484 milyon manat proqnozlaşdırılır

13.09.2019

Mərkəzi Seçki Komissiyasının iclası keçirilib

13.09.2019

Minsk qrupu Dağlıq Qarabağda keçirilən qanunsuz "seçkilər"ə etirazını bildirməlidir - Komitə sədri

13.09.2019

Sentyabrın 16-da Azərbaycanda televiziya və radio kanallarının yayımı dayandırılacaq

13.09.2019

Mərkəzi Bank uçot dərəcəsini 8%-ə dək azaltdı

13.09.2019

Birinci vitse-prezident Mehriban Əliyeva Kürdəxanıda yeni yaradılan istirahət parkı ilə tanış olub

13.09.2019

Ölkəyə qanunsuz “iPhone” keçirmək üçün unikal addım

13.09.2019

Dərs ili ilə bağlı Bakı Avtovağzalı gücləndirilmiş iş rejiminə keçdi

13.09.2019

Xaçmazda vergi islahatları mövzusunda maarifləndirmə tədbiri keçirilib

13.09.2019

Bakının “Sabiha” restoranında iyrənc mənzərə

13.09.2019

Əhməd Davudoğlu AKP-dən istefa verib

13.09.2019

"Qarabağ" - "Sevilya" oyununun biletləri satışda

13.09.2019

Səhiyyə Nazirliyi Tovuzda baş verən qətllə bağlı məlumat yayıb

13.09.2019

İctimai iaşə müəssisələrinin sahiblərinə ciddi xəbərdarlıq edildi