Milli birlik və siyasi həmrəylik – Qələbəyə aparan yol

08:49 / 08.10.2020

Bu gün Azərbaycan xalqının zəngin və qədim tarixinin ən şərəfli səhifəsi yazılır.

Döyüşlə yazılır... Fəxarət və yüksək qürur hissi ilə yazılır...

Ordumuzun erməni işğalçılarının hərbi təxribatlarına qarşı sentyabrın 27-dən başlatdığı uğurlu əks-hücum əməliyyatı davam etməkdədir. Xalqımızın Ümummilli Lideri Heydər Əliyevin əsasını qoyduğu, bu gün döyüş hazırlığına görə dünyanın 50 ən aparıcı ordusu sırasında qərarlaşmış Azərbaycan Ordusu dövlətimizin başçısı, Silahlı Qüvvələrin Ali Baş Komandanı İlham Əliyevin rəhbərliyi altında uzun illər işğala məruz qalmış bir çox yaşayış məntəqələrini, strateji əhəmiyyətli yüksəklikləri azad edib, bu ərazilərdə üçrəngli bayrağımızı dalğalandırıb. Son günlər cəbhə xəttindən gələn xoş xəbərlər hər birimizi qürurlandırır, doğma torpaqlarımızın tamamilə işğaldan azad olunacağına inamımızı artırır.

Növbəti təxribatı törətməklə müxtəlif növ silahlardan, ağır artilleriyadan mövqelərimizi, şəhərlərimizi, kəndlərimizi atəşə tutan Ermənistan öz dövlət siyasətinin yalnız faşizmə və terrora bağlı olduğunu bir daha nümayiş etdirdi. Dinc əhaliyə qarşı bu cür qəddarlıq ancaq faşist xislətli dövlətə məxsus ola bilər.

Güclü, qüdrətli, döyüş ruhlu Ordumuzun keçirdiyi uğurlu əks-əməliyyat nəticəsində düşmən xeyli canlı qüvvə və hərbi texnika itirərək geri oturdulub. Azərbaycan Ordusu günbəgün mənfur düşmən üzərində Böyük Qələbəyə yaxınlaşır.

Ordumuzun döyüş hazırlığı səviyyəsi yüksək, maddi-texniki bazası möhkəmdir. Şəxsi heyət müasir silah və texnikadan məharətlə istifadə etmək bacarığına malikdir. Amma Ordumuzun qüdrətini artıran ən başlıca amil onun xalqla olan birliyidir. Məhz sarsılmaz xalq-ordu-dövlət birliyi Azərbaycanın düşmən üzərində qələbəsini təmin edəcəkdir.

Xalqımızın milli birliyi, cəmiyyətimizdə hökm sürən milli həmrəylik, xalqla iqtidarın birliyi ölkənin siyasi həyatına da öz müsbət təsirini göstərmişdir. Ermənistan silahlı qüvvələrinin genişmiqyaslı təxribatına dair ölkəmizdə fəaliyyət göstərən 52 siyasi partiyanın 50-nin birgə bəyanatı Azərbaycanda siyasi həmrəyliyin bariz nümunəsidir. Yalnız Müsavat Partiyası və Azərbaycan Xalq Cəbhəsi Partiyası milli həmrəylik nümayiş etdirə bilmədilər, torpaqlarımızın Ermənistanın işğalından azad edilməsi üçün şanlı ordumuzun uğurlu əks-hücum əməliyyatlarına digər siyasi partiyalarla birlikdə dəstək vermədilər. Bu anti-milli ünsürlər açıq aşkar nümayiş etdirdilər ki, onlar milli məsələlərdə həmrəylik göstərə bilmir, “beşinci kalon”un tapşırıqlarını yerinə yetirərək düşmən dəyirmanına su tökməklə vətənə və dövlətçiliyə xəyanət yolunu tutublar. Ali Baş Komandanın bu sahədə həyata keçirtdiyi siyasəti dəstəkləməmələri onların səmimi olmadıqlarını və əsl simalarını üzə çıxarmış oldu.

Ölkə siyasətçilərini birləşdirən mənfur qonşumuzun işğalçı siyasətinə qəti etiraz və xalqımızın haqq, ədalət tələbidir. Ölkədə fəaliyyət göstərən siyasi partiyaların rəhbərləri öz birgə bəyanatında Ermənistanın işğalçı siyasətini şiddətlə qınamış, mülki əhalinin yaşadığı kəndlərin bombalanması faktının insanlığa qarşı edilən cinayət kimi beynəlxalq təşkilatlar tərəfindən qiymətləndirilməsinin vacibliyini vurğulamışlar. Birgə bəyanatda beynəlxalq hüququn aliliyinin bərqərar olunması tələb olunur, BMT-nin Təhlükəsizlik Şurasının qətnamələrinə Ermənistanın 30 ilə yaxın bir müddət ərzində məhəl qoymadığı vurğulanır, dövlət başçısının işğal olunmuş ərazilərdə status-kvonun dəyişməz qalmasının mümkünsüz olduğu barədə fikri dəstəklənir.

Azərbaycan dövlətinin ədalətli və məsuliyyətli mövqeyi ölkə Prezidenti İlham Əliyevin “Bizim Ermənistan torpağında siyasi və hərbi maraqlarımız yoxdur” fikri ilə ifadə olunmuşdur. Savaş Azərbaycan ərazisində, Ermənistanın işğal etdiyi torpaqlarda gedir. Savaş bu torpaqların işğaldan azad edilməsi, Azərbaycanın dövlət sərhədlərinin bərpa olunması, bölgədə sülhün və əmin-amanlığın bərqərar olması uğrunda gedir. Azərbaycan sülhü hərtərəfli dəstəkləyən, beynəlxalq hüquqa hörmətlə yanaşan dövlətdir. 30 ilə yaxın müddətdə atəşkəsi qoruyub saxlamaq, BMT qətnamələrinin icrasını gözləmək... Məgər bu bu cür yaşam tərzi xalqımızın və dövlətimizin sülhsevərliyindən xəbər vermirmi? Amma Ermənistan sülhü və beynəlxalq hüququ rədd edən dövlətdir. Atəşkəsin mütəmadi pozulması və məsuliyyətsiz bəyanatlar dövlət siyasəti faşizm ideologiyasına əsaslanan Ermənistanın terrorla yoğrulmuş xislətinin göstəricisi deyilmi? Çox təəssüf ki, cavabı müsbət olan bu suallara güc dövlətləri və beynəlxalq təşkilatlar cavab tapa bilmir. Daha doğrusu, mövcud reallıqla bağlı bu ritorik sualları cavablandırmaq istəmir.

Qonşu ərazisinə göz dikən, onu amansızlıqla işğal edən, dinc əhalini qətlə yetirən Ermənistanın təxribatlarına susmaqla, onun işğalçılıq siyasətinə göz yummaqla dünya siyasətinə təsir göstərmək iqtitarında olan nüfuzlu  təşkilatlar beynəlxalq riyakalığa və ikili standartlara imza atmış olurlar. Xüsusilə Minsk Qrupu həmsədrlərinin yarıtmaz fəaliyyəti 30 ildir davam edən işğala qarşı heç bir ciddi tədbirlərin görülməməsi regionda sülhün təmin olunmasına ciddi maneə yaratmış, münaqişənin həllinin uzanmasına rəvac vermişdir.

BMT Təhlükəsizlik Şurasının dörd qətnaməsi illərdir ki təcavüzkar Ermənistan tərəfindən yerinə yetirilmirsə, işğalçı ölkə öz adı ilə çağırılmırsa, beynəlxalq hüquq işləmirsə, şablon bəyanatların verilməsinin bizim üçün artıq heç bir əhəmiyyəti qalmamışdır. Ermənistan qoşunları dərhal və qeyd-şərtsiz Azərbaycanın işğal olunmuş ərazilərindən çıxarılmalıdır. Ermənistanın hərbi siyasi rəhbərliyində olan insanlar nəhayət öz məsuliyyətlərini başa düşməlidir. Onlar anlamalıdır ki, bu işğala görə şəxsən məsuliyyət daşıyırlar. Yalnız ondan sonra atəşkəs rejiminin bərpasından söhbət gedə bilər. Bu Azərbaycanın qəti və dəyişməz mövqeyidir. Azərbaycan Prezidenti, Silahlı Qüvvələrin Ali Baş Komandanı cənab İlham Əliyev bu barədə dəfələrlə beynəlxalq platformalarda, nüfuzlu xarici media qurumlarına müsahibələrində öz qəti fikrini bildirmiş, Ermənistan rəhbərliyinin çirkin və terrorçu siyasətinin mahiyyətini konkret faktlara ifşa etmişdir.

 4 oktyabr tarixində cənab Prezidentin Xalqa müraciəti iə bağlı tarixi çıxışı hər bir azərbaycanlıda qürur hissi oyatmaqla yanaşı, cəmiyyətimizdə qələbə əzmini daha da genişləndirdi. Şanlı ordumuzun Cəbrayıl şəhəri və rayonun 9 kəndinin işğaldan azad edilməsi münasibətilə xalqa təbriklərini çatdıran Ali Baş Komandan eyni zamanda Ermənistan və onun havadarlarına hərbi və siyasi dərs verdi. ATƏT-in Minsk Qrupunun faydasız fəaliyyətinə, bəzi beynəlxalq təşkilatların münaqişə ilə bağlı ədalətsiz mövqeyinə, Avropa İttifaqının laqeyd və ikili münasibətinə, Paşinyanın sərsəm açıqlamalarına, qondarma rejimin Azərbaycanın işğal edilmiş torpaqlarında qanunsuz fəaliyyətinə xüsusi toxunan Prezident İlham Əliyev Azərbaycan xalqının iradəsinin sarsılmaz olduğunu, təcavüzlə heç bir zaman barışmayacağımızı, Azərbaycanın tarixi ərazilərində ikinci Erməni dövlətinin yaranmasına imkan verməyəcəyimizi açıq şəkildə xalqımıza bəyan etdi.

Bu gün Vətən torpaqlarının düşmən tapdağından azad edilməsi uğrunda savaş gedir. Azərbaycan xalqı və ölkənin siyasi partiyaları yekdilliklə Prezidentin yanındadırlar. Bu, ölkəmizdə milli və siyasi həmrəyliyin parlaq göstəricisidir. Birlik, həmrəylik və yekdillik Azərbaycanın Qələbəsini təmin edəcək, Cənubi Qafqaz regionunda sülhü və əmin-amanlığı bərqərar edəcəkdir.

Qələbə bizimlədir!

Qarabağ Azərbaycandır!

Ramin Səmədov, BDU-nun Humanitar məsələlər  və gənclər siyasəti şöbəsinin müdiri


Etiket:

Strategiya.az

Xəbərlər
18.01.2021

Məni heç bir iş üzrə, heç bir yerdə də sorğulamayıblar - Əli Həsənov

18.01.2021

Prezident İlham Əliyev Azərbaycan Televiziyasına müsahibə verib 

18.01.2021

20 YANVAR – TARİXİMİZİN QANLI VƏ ŞANLI SƏHİFƏSİ

18.01.2021

“Azərişıq” gücləndirilmiş iş rejiminə keçib

18.01.2021

Çovğun olacaq, yollar buz bağlayacaq - XƏBƏRDARLIQ

18.01.2021

Şuşaya 2 hərəkət zolağı enində xidməti yol istifadəyə verilib - FOTO

18.01.2021

Bakının bəzi küçə və prospektlərində nəqliyyatın hərəkəti məhdudlaşdırılacaq

18.01.2021

Oqtay Şirəliyev və Ramin Bayramlı peyvənd olundu

18.01.2021

Prokurorluğa işə qəbulla əlaqədar müsabiqə ilə bağlı sənəd qəbulu fevralın 1-də başa çatdırılacaq

18.01.2021

Azərbaycanda koronavirusa qarşı vaksinasiya başlayır

18.01.2021

Dünyada koronavirusa yoluxanların sayı 95 milyon nəfəri ötüb

17.01.2021

Azərbaycanda 845 nəfər COVID-19-dan sağalıb, 322 nəfər yoluxub, 11 nəfər vəfat edib

17.01.2021

TDƏŞ, TÜRKSOY və Türk Mədəniyyət və İrsi Fondunun nümayəndə heyəti Füzulidə

17.01.2021

Türkiyədə 4,1 bal gücündə zəlzələ olub

17.01.2021

MN: Komissiyanın “veteran adı”nın verilməsi səlahiyyəti yoxdur

17.01.2021

Səfərbərlikdən tərxis edilmiş 1953 nəfərin müraciətinə baxılıb

17.01.2021

Diqqət! Onlayn ödənişlər zamanı kart məlumatları ələ keçirilə bilər - XƏBƏRDARLIQ

17.01.2021

Ermənistanda daha 351 nəfərdə COVID-19 aşkarlanıb, 5 nəfər ölüb

17.01.2021

Azərbaycanda COVID-19 əleyhinə 2021-2022-ci illər üçün Vaksinasiya Strategiyası təsdiq edilib

16.01.2021

Prezidentin Mətbuat Xidmətinin məlumatı

16.01.2021

Azərbaycanın Ermənistana qarşı dövlətlərarası ərizəsi İnsan Hüquqları üzrə Avropa Məhkəməsinə göndərilib

16.01.2021

Azərbaycanda koronavirus infeksiyasından 650 nəfər sağalıb, 402 yeni yoluxma faktı qeydə alınıb

16.01.2021

Bakıda qar yağacaq

16.01.2021

Prezidentin Şuşa səfərinin tarixi və siyasi əhəmiyyəti

16.01.2021

İlkin mərhələdə səhiyyə işçiləri, 65 yaşdan yuxarı şəxslər, hüquq-mühafizə orqanları tərəfindən əks epidemik tədbirlərə cəlb olunan heyət peyvənd olunacaq

16.01.2021

Həftəsonları ictimai nəqliyyat işləməyəcək

16.01.2021

Operativ Qərargah beynəlxalq və ölkədaxili uçuşlar bağlı məlumat yayıb

16.01.2021

Yaxın qohumların dəfnində iştirakla bağlı qərar açıqlanıb

16.01.2021

Bu tarixdən bərbərxanalar və gözəllik salonları açılır

16.01.2021

Azərbaycanda yanvarın 18-dən koronavirsa qarşı vaksinasiya başlayacaq

16.01.2021

Operativ Qərargah: Xüsusi karantin rejiminin müddətinin aprelin 1-dək uzadılmasına qərar verilib

16.01.2021

SMS icazə ləğv olunur - RƏSMİ

15.01.2021

Azərbaycanda 494 nəfər COVID-19-dan sağalıb, 349 nəfər yoluxub, 12 nəfər vəfat edib

15.01.2021

Prezident İlham Əliyev: Böyük qayıdış başlayır, bütün işlərə start verildi

15.01.2021

Prezident İlham Əliyev və birinci xanım Mehriban Əliyeva Cıdır düzündə olublar (FOTO)

15.01.2021

Prezident İlham Əliyev və birinci xanım Mehriban Əliyeva Şuşa məscidini ziyarət ediblər (FOTO)

15.01.2021

Prezident İlham Əliyev Füzuli rayonunda Füzuli-Şuşa yolunun və hava limanının təməlini qoyub, Şuşa şəhərində səfərdə olub

15.01.2021

Hirkan Milli Parkında yanğının söndürülməsinə təyyarə cəlb olunub

15.01.2021

Prezident İlham Əliyev və Mehriban Əliyeva Şuşa şəhərinə səfər ediblər - VİDEO

15.01.2021

Ceyhun Bayramov Pakistanın Baş naziri ilə görüşüb

14.01.2021

XİN: Ermənistanın dövlət rəsmilərinin Azərbaycanın ərazilərinə qanunsuz səfərləri qəbuledilməzdir

14.01.2021

Azərbaycanda 1159 nəfər COVID-19-dan sağalıb, 380 nəfər yoluxub, 14 nəfər vəfat edib

14.01.2021

Dəymiş ziyanın məbləği məlum oldu - - RƏSMİ AÇIQLAMA

14.01.2021

Qobustanda vulkan püskürüb

14.01.2021

Mövlud Çavuşoğlu: Ermənistan macəralardan uzaq olmalıdır

14.01.2021

Azərbaycanın xarici işlər naziri Pakistan Prezidenti ilə görüşüb

14.01.2021

Vüqar Səfərli həbs edilib

14.01.2021

Suqovuşanda düşmənin atıb qaçdığı silah-sursat aşkar edilərək götürülüb

14.01.2021

Fransa Güləş Federasiyası Azərbaycan Güləş Federasiyasından üzr istəyib

14.01.2021

Polis əməliyyat keçirib, tutulanlar var