Çirkin əməli necə leqallaşdırmaq olar?! - ASPEKT

İndi fahişəliyi leqallaşdırmağa qədər cəmiyyət artıq nə deyəcəyini bilmədiyi bir acınacaqlı vəziyyətlə üz-üzə qalıb. İnsanlar bütün haramları başqa adla halallaşdırmaq və sonda böyük bir uçurumun kənarında olarkən qəflətən bəlaların gəlməsini qarşılayacaqları bir vəziyyətə düşüblər. Onsuzda indi bəzi Allaha imanı olmayan imkanlı şəxslər özləri üçün bütün haramları leqallaşdırıb, bütün haramların adları başqa adlarla işlənir. Allah Rəsulu (ona və ailəsinə salam olsun) buyurub ki, çoxu haram olanın azı da haramdır. Bunu bir azcıq faydalı olması üçün spirtli içkilər içmək istəyən bir şəxsə deyib. Doğrudur, bu gün bütün haramların açıq-aşkar işlənməsinin şahidi oluruq. Gecə qaranlığı olduqda şəhərə çıxaraq bunun əyani müşahidə edə bilərik. Xüsusi ilə son günlər gecələr spirtli içkilər içən qadınların sükan arxasında özünü idarə edə bilməyəcək qədər necə yol polisləri tərəfindən tutulduqlarını, özlərini ifadə edə bilməyəcək qədər kiçildiklərini görürük. Bütün bunlar azmış kimi eyni cinslilərin münasibətlərini belə leqallaşdırmağa çalışan vətəndaş cəmiyyətimiz var. Bunların səbəbi təkcə azad, dünyəvi, hüquqi dövlət olmağımız deyil. Bütün bunların səbəbi insanların nəinki dini elmlərdə cahil, bilgisiz, dünyəvi məsələlərdə belə əxlaq prizmalarının aşmasının göstəricisidir. Bu insanlar ağır cəzası olan zinanı, fahişəliyi leqallaşdırırlarsa onda bizi daha hansı təhlükələrin gözlədiyinin fərqindəyik. Burada nə var ki, bununla nə olacaq deyərək bütün günahları yüklənən cəmiyyət artıq halalla haramı, haqla batili, düzlə səhvi anlamayacaq bir durumamı gəldi. Belə dedikdə isə təpkilərlə qarşılaşır və qınanırıq. Biz deyirik ki, övladlarımızı balaca vaxtından din dərsi, əxlaqı dərsi verək, məktəblərimizdə din dərsləri keçirilsin. Bu sözümüzə etiraz edirlər ki, siz orta məktəblərdə dinin tədrisini verməklə uşaqları korlayacaqsınız. Məgər korlanmaq pozğunluq, müxtəlif xəsətliklərə tutulmaq deyilmi? Məncə elədir. Düşünürəm ki, əxlaq sahibi olub, Allaha inanıb vətənini sevən, xalqını sevən, dövlətini sevən təmiz insan olmaq daha şərəfli bir işdir və belə cəmiyyət böyük gücə, qüvvəyə sahib olan cəmiyyətdir.

Zinanın həm islam hüququnda, həm də dünyəvi hüquqda ağır cəzaları vardır. Dini mətnlərdə belə zina edənin bu dünyada cəzası daş-qalaq edilib öldürülmək, bu cəza verilmədikdə isə onun müxtəlif ölümcül xəsətliklərə tutulmasıdır. Axirətdə isə qəbir sıxıntısı çəkməsi, qəbrində hər gün onun əzab görməsi, Qiyamət günündə çılpaq dirildikdən sonra əbədi Cəhənnəmə atılmasıdır. Bütün bu cəzalara bir insna bədəni necə tab gətirə bilər?! Bütün bu cəzalara layiq çirkin əməli necə leqallaşdırmaq olar?! Məgər bunun müxtəlif xəsətliklər yaymasına zəmanət verən varmı?! Yoxdur. Harada zina varsa mütləq ən ağır xəsətliklər vardır. İstisna hal kimi kim vaxtında bu pis əməli tərk edib Allaha tövbə edərsə, bağışlanmağını istəyərsə Allah onu bağışlayar. Çünki, mənbələrdə bildirilmişdir ki, zina edən bir qadın itə, pişiyə su veridyi üçün Cənnətə aparılmış, ibadət edən bir qadın isə itə, pişiyə su vermədiyi üçün Cəhənnəmə atılmışdır. Bu rəvayətlər də əsas vermir ki, zinanın leqallaşdırılmasına çalışılsın. Əgər belə hal olarsa ölkəni bürüyəcək böyük fəlakətlərdən qorxmalıyıq. Həqiqətən də bu ciddi məsələdir.

Bu gün bəzi qeyri-ənənəvi təriqət sahibləri də vardır ki, həm dinimizə görə haram olan zina növlərindən biri, həm də hüquqlarımıza və adətlərimizə uyğun olmayan zina növlərindən biri olan siğəni belə leqallaşdırırlar. İslam dininə görə bəzi cahiliyyə dövründə olan nigah adətləri sonradan haram edilib. Bunlardan biri də zina növlərindən biri olan siğə nigahıdır. Siğə nigahı 3 səhih və etibarlı hədislə qadağan edilmişdir ki, bu hədislər bütün islam mənbələrində qeyd olunub. Belə olduğu halda hələ də bu çirkin əməlləri edən və buna haqq qazandıran insanlar da vardır.