Habil Haqverdiyev
AMEA Coğrafiya İnstitutunun
Coğrafiya tarixi şöbəsinin müdiri,
Coğrafiya elmləri üzrə fəlsəfə doktoru,
Aygün Ağazadə
AMEA Coğrafiya İnstitutunun
Elmi işçisi
Azərbaycanda XVIII əsrin əvvəllərinə qədər müasir coğrafi şəraitin təkamülü, orogeomorfoloji müxtəlifliyi, təbiətin coğrafi qanunauyğunluqları, əhalinin milli-etnik tərkibi, coğrafi məskunlaşmanın prinsipləri və ümumiyyətlə ərazinin tarixi-coğrafiyasının ardıcıllıq dinamikası haqqında ayrıca coğrafi araşdırmalar aparılmamışdır. Ancaq o vaxta qədər Azərbaycanın dünya xəritəsində ayrıca bir coğrafi məkan kimi mövcudluğu, coğrafi zənginliyi, nadir Xəzər dənizi ilə təmaslığı barədə dünya coğrafiyasının klassik mənbələrində bəsit və təsviri məlumatlara rast gəlinirdi. Elmi araşdırmalarımızın nəticəsi olaraq göstərmək olar ki, Azərbaycan haqqındakı həmin qədim mənbələrdə coğrafi məlumatların, o cümlədən ümumi coğrafi fikir və ideyaların yaranmasının əsas tarixi mənbəyi müxtəlif zamanlarda və müxtəlif ölkələrdən Azərbaycana gəlmiş səyyahların, tacirlərin, yazıçıların əsərləri, yol qeydləri, bəzən onların şifahi danışıqları olmuşdur, lakin bunların əksəriyyəti Azərbaycanın elmi-coğrafi cəhətdən əsl reallığını tam əks etdirməyən bəsit mülahizələrdən ibarət olmuşdur.
Yalnız XVIII əsrdən başlayaraq müasir dünya elminin, o cümlədən coğrafiya elminin qloballaşması tendensiyasına keçid prosesi ilə əlaqədar qədim Rusiya Coğrafiya Cəmiyyətinin fəaliyyəti sayəsində Azərbaycanda da coğrafiya elminin nisbətən inkişaf dinamikasında, xüsusilə onun elmi-metodoloji cəhətdən formalaşmasında və elmi-nəzəri ideyaların reallaşması istiqamətində əsaslı dönüş yarandı. Artıq XVIII əsrin ikinci yarısından sonra Rusiya Coğrafiya Cəmiyyətinin, xüsusilə onun Qafqaz bölməsinin regional fəaliyyəti sayəsində Azərbaycan ərazisində ilk dəfə mövcud təbii coğrafi ehtiyatların potensial imkanlarının, onların sosial-iqtisadi dəyərinin qiymətləndirilməsi, əhalinin milli-etnik tərkiblərinin və coğrafi məskunlaşmanın ümumi qanunauyğunluqlarının kompleks öyrənilməsi mərhələsinin əsası qoyuldu.
Məşhur rus diplomatı və tədqiqatçısı N.V. Xanıkov hələ 1850-ci illərdə Qafqazda o cümlədən Azərbaycanda olduqca mürəkkəb olan milli etnik tərkibin və milli məskunlaşmanın elmi-coğrafi aspektlərinin işlənib araşdırılmasına böyük ehtiyac olmasını göstərmişdir. Bu baxımdan həmin ərəfələrdə tanınmış rus tədqiqatçısı A.İ. Voyeykov öz tədqiqatlarında bu problemin həlli məsələsinə toxunmuş və müəyyən etmişdir ki, Azərbaycanda milli coğrafi məskunlaşmanın əsas prinsiplərindən biri mövcud təbii ehtiyatların zənginliyi və onların potensial imkanlarının bilavasitə ərazinin coğrafi şəraiti üzrə qeyri-bərabər paylanması olmuşdur. Eyni zamanda xüsusilə milli-etnik tərkiblərin məskunlaşmasının əsas ictimai-coğrafi prinsipi isə milli-etnik qruplaşmaların bir-birinə dini yaxınlığı münasibətləri mühüm rol oynamışdır. Deməli, hələ iki əsr bundan əvvəl Rusiya Coğrafiya Cəmiyyətinin tədqiqatçıları o cümlədən N.V.Xanıkov və A.İ.Voyeykov qədim Azərbaycanın coğrafi şəraiti ilə milli məskunlaşmanın ilkin coğrafi-nəzəri əsaslarına dair şərti fikirlər söyləmişdir. Müəyyən zaman kəsiyində isə həmin fikirlərin elmi mahiyyəti öz növbəsində Azərbaycanda müasir coğrafiya elminin təkamül dinamikasına təkan verdi və mövcud milli coğrafi problemlərin gələcək həlli yollarını və istiqamətini müəyyənləşdirdi.
1807-ci ildə Rusiya Coğrafiya Cəmiyyətinin təşəbbüsü ilə məşhur tədqiqatçıları N.M.Şavrov, İ.P.Zelinski, M.F.Axundov Azərbaycanın düzənlik və ovalıq sahələrindəki, xüsusilə Muğan çölündəki qədim suvarma kollektorlarının layihələrinin coğrafi aspektlərinə və onların daha səmərəli fəaliyyətlərinə dair yeni elmi-təcrübi fikirlər söylədilər. Tədqiqatçı N.M.Savrovun xüsusilə Muğan düzünün şərq hissəsində Kür çayının “basdırılmış” köhnə yatağının aşkar etməsi haqqında məlumatları Azərbaycanın paleocoğrafiyasında, daha doğrusu paleorelyefi sahəsində elmi yenilik oldu.
Həmin ərəfələrdə S.P.Zelinskinin nəşr olunmuş “Şamaxı şəhərinin təsviri” adlı əsərində çox qədim coğrafi məmləkətimiz Şamaxının timsalında bütün Şirvan əyalətinin tarixi-coğrafi təkamül mərhələləri, o cümlədən bütövlükdə Azərbaycanın tarixi coğrafiyası haqqındakı yeni məlumatların verilməsi təqdirə layiq idi.
Rusiya Coğrafiya Cəmiyyətinin tərkibində uzun müddət elmi yaradıcılıq fəaliyyəti göstərmiş məşhur həmyerlimiz mütəffəkir filosof M.F.Axundovun Azərbaycanın coğrafiyasına dair çox böyük mütərəqqi fikirləri və layiqli xidmətləri olmuşdur. M.F.Axundov 1851-ci ildən başlayaraq uzun müddət Rusiya Coğrafiya Cəmiyyətinin aparıcı üzvlərindən biri olaraq müasir coğrafiya elminə, onun elmi-nəzəriyyəsinə həmişə yeniliklər və ideyalar gətirmişdir. M.F.Axundov bilavasitə Azərbaycan üçün ən qiymətli və ilk milli regional coğrafi əhəmiyyəti olan və əsl tarixi reallığı əks etdirən “İrəvan quberniyalarının kataloqu”nu hazırlamışdır. Bu kataloqa bir tarixi sənəd kimi əsaslanaraq indiki Ermənistan torpaqlarının Azərbaycana məxsus tarixi məkan olması bir daha faktlarla təsdiqlənmişdir . M.F.Axundov həmçinin Böyük Rusiya Coğrafiya Cəmiyyətinin Qafqaz üzrə diyarşünaslıq komissiyasının tərkibində Azərbaycanın tarixi-coğrafi təkamülünə, milli adət-ənənələrinə dair dünya coğrafiyasına çoxlu maraqlı faktlar vermişdir. M.F.Axundovun həmçinin ən böyük xidməti Azərbaycanla əlaqədar topladığı külli miqdarda coğrafi adların ilk dəfə olaraq coğrafi mənşəyinə görə təsnifləşdirməsi və monoqrafiya formasında nəşr etdirməsi olmuşdur. Bunun sayəsində o vaxtlar ümumi Qafqaz regionunda əhalinin milli coğrafi məskunlaşması və etnik tərkiblərin təsnifatı haqqında olan coğrafi ziddiyyətlərə müəyyən qədər elmi aydınlıq gətirdi. Xüsusilə “İrəvan Quberniyasının statistik materialları” adlı yeni monoqrafiyanın nəşr olunması əlavə olaraq bu problemin həllində böyük rol oynadı. Monoqrafiyada İrəvan Quberniyasına aid topladığı üç mindən çox Azərbaycan mənşəli coğrafi adların, o cümlədən bulaqların, dağların, dərələrin, kəndlərin və s. elmi təhlili verilmişdir. Bunlarında nəşri öz növbəsində xalqımızın tarixi toponimik mədəniyyətinin, coğrafiyasının qədimiliyini sübut etdi. M.F.Axundovla yanaşı bir çox rus coğrafiyaçı tədqiqatçıları da Azərbaycanın coğrafi şəraiti və tarixi məlumatları haqqında maraqlı fikirlər söyləmişdir. Məsələn N.K.Zeydlis Azərbaycanın bir çox yaşayış məntəqələrinin coğrafiyası (Quba, Zığ, Əmircan, Mərdəkan və s.), xüsusilə onların etimologiyası, F.A.Deminski isə bir sıra toponimik məntəqələrin (Ərəb-qədim, Ərəb-şamlı və s.) coğrafi xüsusiyyətlərini aydınlaşdırmışdır. P.F.Rissa öz tədqiqatlarında ilk dəfə Talış bölgəsinin coğrafiyasını və əhalinin dil mənsubiyyətinin coğrafi şəraitlə münasibətlərini ətraflı xarakterizə etmişdir. Çoxmillətli Bakı əhalisinin coğrafi-etnik təsnifatını, onun daxili miqrasiyası və coğrafi məskunlaşmasının sosial-iqtisadi vəziyyətini ilk dəfə N.K.Zeydlis vermişdir. Müəllif Bakı əyalətində əhalinin məskunlaşmasının coğrafi prinsiplərini əsasən etnik tərkibinə görə müəyyən etməyə çalışmışdır. O hətta qeyd edir ki, Azərbaycana ilk rusiyalı köçkün təxminən 1834-cü ildə Rusiyanın Cənubi Volqa əyalətindən gəlmişdir. Bu göstəricinin özü də əsas coğrafi fakt kimi Azərbaycanda ilk miqrantların məskunlaşması tarixinin öyrənilməsinə, milli tərkibin təyin edilməsinə və əhali coğrafiyasının demoqrafik tədqiqatlarına böyük köməklik göstərmişdir. Bu tarixi-coğrafi göstəricilər bir daha qonşu dövlətlər və millətlər arası coğrafi əlaqələrin yaranması tarixinin bərpasında və yaxud Azərbaycanın siyasi coğrafi əlaqələrinin müəyyənləşdirilməsində mühüm rol oynamışdır.
Tədqiqatçı P.F.Rissanın ilkin elmi fəaliyyətindən bəzilərinin Xəzər sahili ölkələrin coğrafiyasına və etnoqrafiyasına həsr olunması da maraqlıdır. Onun 1853-cü ildə nəşr etdirdiyi “Talışların dili və həyat tərzi” haqqında əsəri Azərbaycanda etnoqrafik coğrafiyanın nisbətən canlanmasına və milli tərkibin təsnifləşdirilməsinə güclü təkan vermişdir. Tədqiqatçı həmçinin Azərbaycanın Şəki-Zaqatala zonasında hərbi strateji və iqtisadi-coğrafi potensialın coğrafiyasına dair təcrübi təkliflər hazırlamışdır.
O vaxtlar tədqiqatçı E.K. Kondratenkonun “Qafqaz əhalisinin xəritələşdirilməsi” əsəri Azərbaycan üçün də maraqlı olmuşdur. Çünki bu elmi tədqiqat işi ilk dəfə olaraq Azərbaycanın Şəki-Zaqatala, Bakı, Gəncə əyalətlərinin tarixi coğrafi məskunlaşmasının konturlarını, kənd təsərrüfatının kompleks dinamikasının coğrafi qanunauyğunluğunun əsasını qoydu, həmçinin Azərbaycanda coğrafi topoqrafiya elmi meydana gəldi.
Artıq 1881-ci ildə N.K.Zeydlisin müəllifliyi ilə “Qafqazın etnoqrafik xəritəsi” nəşr olundu. Bu xəritədə Azərbaycanın etnoqrafiyası haqqında ilkin məlumatlar verilmişdir və etnoqrafik coğrafiyanın perspektiv şərtləri təhlil olunmuşdur. Lakin burada Azərbaycan əhalisinin coğrafiyası haqqında yanlışlara yol verilmişdir. Yəni həmin xəritədə “Şahdağ Milli qrupları” səhvən millət kimi göstərilmişdir. Sonralar Azərbaycan coğrafiyaçıları yeni coğrafi məlumatlara əsaslanaraq keçmiş elmi səhvləri düzəltmişdir. Bundan başqa N.K.Zeydlis “Bakı əyalətinin əhali xəritəsini” tərtib edərkən xalqların dini etiqadlarına dair müəyyən səhvlərə yol vermişdir. Bu səhvlərə baxmayaraq tərtib edilmiş coğrafi xəritələr və məlumatlar ilk elmi mənbə kimi coğrafiyanın sonrakı mərhələlərdə inkişafında mühüm rol oynamışdır. Həmçinin qeyd etmək lazımdır ki, coğrafiya elminin Azərbaycanda istər inkişafında və istərsə də onun kompleks formalaşmasında Rusiya Coğrafiya Cəmiyyətinin xüsusi rolu olmuşdur. Onun sayəsində müasir coğrafiya elmi elmi-nəzəri cəhətdən əsaslandırılmışdır, yeni tədqiqat metodu işlənilmişdir. İlkin coğrafi fikirlərin və ya ideyaların nəzəri əsaslarına üstünlük verilmişdir.
ƏDƏBİYYAT
B.Ə. Budaqov, E.AKərimov. R.C.C-nin Qafqaz şöbəsi və Azərbaycanın iqtisadi coğrafiyası, etnoqrafiyası və toponimikası məsələləri. Bakı AEA xəbərləri, 1987,N3.
N.V.Xanıkov. Xəzər dənizinin şəraitinin dəyişməsinə dair RİCC-nin əsrləri. 1882, T.7,N2.
A.İ.Voyeykov. Təbiətdən asılı olaraq yer kürəsinin əhalisinin paylanması. RCC xəbərləri. 1906, T42, N3.
N.K.Zeydlis. Qafqazın əhalisi və onun məskunlaşmasına aid. RİCC. 1862, Moskva.
"YER VƏ İNSAN" jurnalı № / 04/ MAY- İYUN
Strategiya.az
Paşinyan Kremldə: iki məsələdə xəyal qırıqlığı və ziddiyyətlər
Gələcək zəfərlərdən xəbər verən sarsılmaz Azərbaycan-Türkiyə birliyi
HEYDƏR ƏLİYEV - YENİ MİLLİ İNTİBAHIN VƏ MÜSTƏQİL DÖVLƏTÇİLİYİN ƏSASINI QOYMUŞ TARİXİ LİDER
Müasir dövrün qlobal problemi iş şəraitində mobbinq ve mübarizə yolları
Azərbaycan Respublikasında Dövlət Qulluğunun Təkmilləşdirilməsi İstiqamətləri
HEYDƏR ƏLİYEV - MÜASİR AZƏRBAYCAN TARİXİNİ YARADAN LİDER
Xarici valyutaların manata qarşı bugünkü məzənnəsi
Ceyhun Bayramov ölkəmizin Avropanın enerji təhlükəsizliyində mühüm rol oynadığını bildirib
İmtahanın nəticələri ilə əlaqədar müraciətlərə baxılması üçün Apellyasiya Şurasına ərizə qəbuluna başlanılıb
Xarici işlər naziri Ceyhun Bayramov NATO-nun Baş katibi Yens Stoltenberq ilə görüşüb
Avropa İttifaqı münaqişədən sonrakı dövrdə mühüm rol oynayır - Ceyhun Bayramov
"Qarabağ" İsveçrə çempionuna qalib gəldi
Tehranda Rusiya və Türkiyə prezidentlərinin görüşü olub
Ceyhun Bayramov Gürcüstanın Baş naziri ilə bölgədə sülh prosesini müzakirə edib
Mikayıl Cabbarov: Sənaye zonalarında istehsal 53 faiz, ixrac isə 2 dəfə artıb
Ağalı kəndinə köçürülən ailələrin tibbi müayinələrinə başlanılıb
Prezident İlham Əliyev: Bizim Xəzər dənizi kimi çox nəhəng bir enerji mənbəyimiz var
Qubada içərisində 125 min manat olan seyf oğurlanıb
İrəvan Dövlət Azərbaycan Dram Teatrının 140 illiyi qeyd edilləcək - SƏRƏNCAM
Azərbaycan tarixinin şanlı səhifələrindən biri - 14 iyul 1969-cu il
Şuşada Vaqif Poeziya Günləri başlayıb
Təhsil Nazirliyi: 204 məktəbdə elektron jurnal və gündəlik sistemi tətbiq edilib
Təhsil Nazirliyi məlumat yaydı
FHN: Zəngilan rayonunda ağaclıq ərazidə baş verən yanğının tam söndürülməsi istiqamətində tədbirlər görülür
Azərbaycan neftinin qiyməti 114 dolları ötüb
Azərbaycan Ordusunun əsgəri həlak olub
Baş Prokurorluq rəis müavininin intiharı ilə bağlı məlumat yaydı
Respublika üzrə pensiyaların iyulun 15-də tam ödənilərək yekunlaşdırılması nəzərdə tutulub
Qızıl təpə abidəsində arxeoloji tədqiqatlar davam edir
Azərbaycan neftinin bir bareli 113,91 dollara satılır
Bakı-Tbilisi-Ceyhan neft boru kəmərinin tam istismara verilməsindən 16 il ötür
Partlayış zamanı “Baktelecom”un rabitə infrastrukturuna ziyan dəyməyib
Dünyada "Premium Euro-95" benzinin bahalaşması gözlənilir - Azərbaycana necə təsir edəcək?
Azərbaycan nefti ucuzlaşıb
Böyük Britaniyanın yeni baş nazirinin adı sentyabrın əvvəlində açıqlanacaq
Tovuz döyüşlərindən iki il ötür
Bakının mərkəzində partlayış baş verib
Cüdoçularımız Xorvatiyada Qran-Pri turnirində iştirak edəcəklər
Ərdoğan yaxın zamanda Venesuelaya səfər edəcək - Maduro
Türkiyə və Ukrayna prezidentləri arasında telefon danışığı olub
Xaçmazdakı meşə yanğınının söndürülməsinə iki helikopter və amfibiya tipli təyyarə cəlb olunub
Ərdoğan və Paşinyan arasında telefon danışığı olub
Saatlı stansiyası yaxınlığında qəzaya uğrayan qatar Gürcüstana məxsusdur - ADY
FHN Xaçmazdakı meşə yanğınları ilə bağlı məlumat yayıb
Vahid əlaqələndirmə mərkəzlərində 41 min şəxsə xidmətlər göstərilib
Kino Agentliyi Mədəniyyət Nazirliyinin tabeliyində olan qurumların siyahısına əlavə edilib
Gələn ilin sonunda Şuşa ilk sakinlərini qəbul edəcək - Aydın Kərimov
Azərbaycan Ordusunun hərbçisi həlak olub
DİN: Ötən gün ölkə ərazisində qeydə alınan cinayətlərdən 52-nin açılması təmin olunub
Xocavənd rayonu ərazisində yeni hərbi hissənin açılışı olub
Birinci vitse-prezident Mehriban Əliyeva Qurban bayramı münasibətilə xalqımızı təbrik edib
Abeyə atəş açan şəxs əməlinin səbəbini açıqlayıb
Zakir Həsənov Qurban bayramı münasibətilə Azərbaycan Ordusunun şəxsi heyətini təbrik edib
XİN Azərbaycanın diplomatik xidmət orqanlarının əməkdaşlarını peşə bayramı münasibətilə təbrik edib
Bu gün Azərbaycanda Qurban bayramı qeyd edilir
Bərdədə avtomobil yolunun tikintisi ilə bağlı 3,1 milyon manat ayrıldı - SƏRƏNCAM