Özünü yandıranlara!

16:42 / 30.01.2014

Əkrəm Həsənov

İlahiyyat üzrə fəlsəfə doktoru

Kim günah bir yol açarsa ondan sonra eyni günahı edənlərin günahları ona yazılar

Allah Rəsulu səlləllahu aleyhi və səlləm buyurub ki, kim bir yaxşı əmələ yol açsa, ilk dəfə bir yaxşı əməl etməyə başlasa, sonra gələnlər həmin əməli etdikdə onların da etdiyi yaxşılıq ilk dəfə yaxşılıq yolu açana yazılacaq, kim də günah, haram, pis bir yol açsa o pis yolu davam edənlərin günahı həmin şəxsə gedər. Birincisi bu özünü yandıran bu gün Allahdan və axirətdən xəbərsiz insanların qarşısında özünü yandıraraq pis bir yol açıb. Bunun qarşılığında özünü yandırdığına görə ona ayda bir dövlət məmurunun məvacibindən daha çox pul verilir. Bunu görənlər indi hamısı həvəsə düşüblər ki, özümüzü yandıraq. Düşünmürlər ki, bu sözü zarafatca da olsa demək böyük bir təhlükədir.
Birincisi bu hala səbəb olan məmur olmamalıdır. Məmur sadə olmalı, insanların problemini həll etmək üçün onların arasında olmalıdır. İkincisi isə ən azından bu özünü yandırma da dərhal hamı tərəfindən pislənməli idi. Əksinə heç kim özünü yandıranı qınamadı, hamının ona yazığı gəldi. İndi də başqa biri özünü yandırdı. Bu həqiqətən də böyük bir günahdır. Allah təala o canı sənə əmanət verib. Onun hər bir orqanının kiçik bir hissəsini milyardlar töksən əldə edə bilməzsən. Əldə edə bilmədiyin və sənə verilən əmanətə xəyanət edərək insanlarda niyə bu günaha qarşı təhrik edici əməllər sərgiləyirsən. Xüsusi ilə media bu görüntüləri sərgiləyərək insanların fikirlərində özünə intihara sövq edirlər. Bunları yaymaq daha da pis nəticələr verir.

Fikrimcə bu bir intihardır. Allah Rəsulu səlləllahu aleyhi və səlləm buyurub ki, kim özünü nə ilə öldürsə Qiyamətə qədər onunla əzab çəkəcək. Keçici dünya malına görə özünü yandırmaq hər iki dünya üçün böyük təhlükədir. Axirətdə Cəhənnəmdə əbədi yanmaqdan qorxan bir insan bu əmələ yol verməz. Fikrimcə cəmiyyətdə bu məsələdə məsuliyyət daşıyan insanların bu cür hallara yol verməsinə səbəb olan bəzi həddən artıq dünya malı toplamaqla məşğul olan məmurlardır. Onların haqsızlığını bəhanə gətirərək özlərini yandıranlar isə Allah qarşısında onlara verilən əmanətə xəyanət etdikləri üçün düşünsünlər. Allahdan qorxub etdikləri bu pis əmələ görə Allaha tövbə etsinlər. Çünki özlərini yandıranlar Allaha qarşı üsyan edirlər.

Mətin insan, möhkəm insan acından ölər, amma Allahdan qorxub Allahın verdiyi nemətlərə nankorluq etməz. Özünü yandırmaq verilən nemətlərə nankorluq etmək deməkdir.

Özünü yandıranlara!

Əkrəm Həsənov

Müəllifin digər yazıları

Xəbərlər

Ədəbiyyat

© 2012 | Bütün hüquqları qorunur.

Əlaqə