Səudiyyə Ərəbistanının Regionları və Mətbuatı - III yazı (FOTOLAR)

Bildiyiniz kimi Səudiyyə Ərəbistanı bölgənin iri dövlətlərindən biridir və torpaq sahəsi təxminən 2,150,000 kv.km-dir. Səudiyyə Ərəbistanının 13 bölgəsi (regionu) və təbii ki, hər bölgənin paytaxtı var. Sahəsinə görə ən böyük region Ash Sharqiyah, ən kiçik region isə Al Bahahdı. Mərkəzi Najd regionuna Qassim paytaxtı Burradiah və Riyad regionu paytaxtı Riyad (həm də ölkənin paytaxtıdı), qərbdən Hijaz regionu bura Tabuk paytaxtı Tabuk, Mədinə regionu paytaxtı Mədinə, Məkkə bölgəsi paytaxtı Məkkə, şimal regionuna Şimal sərhədləri bölgəsi paytaxtı Arar, Javif bölgəsi paytaxtı Sakakah, Hail bölgəsi paytaxtı Hail, cənub regionuna Bahah bölgəsi paytaxtı Bahah, Jizan bölgəsi paytaxtı Jizan, Asir bölgəsi paytaxtı Abha, Najran bölgəsi paytaxtı Najran, şərq regionunu Şərq əyaləti paytaxtı Dammam əhatə edir.

Səudiyyə Ərəbistanında ilk qəzet 1908-ci ildə çıxıb Al Hijaz. İndi ölkədə ondan artıq Al Jazirah, Al Watan, Al Riyad, Al Madinah, Al Eqtisadiah və.s.gündəlik çıxan qəzet və eləcə də Al Ekhbaria, Saudi1, Saudi2, Al Arabia, Saudi Arabian Sports ,Al Riyadiah, və.s. televiziya kanalları var. Ərəb dili ilə yanaşı ölkədə Arab News, Saudi Gazette,, Asser News və.s. gündəlik ingilis dilində qəzetlər çıxır.

Saudi Press Agency

Saudi Press Agency (SPA) 1971-ci ildən fəaliyyət göstərir. Ölkənin ən böyük xəbər agentliyidir. Dövlət kütləvi informasiya vasitələrinin inkişafına xüsusi diqqət verir. Agentliyin 2 böyük korpusdan ibarət binası var. Binanın birində böyük və kiçik konfrans zalları, xüsusi tədbirlər keçirmək üçün yerlər, digərində isə jurnalistlər üçün hər cür texniki avadanlıqlarla təchiz olunmuş ofis, otaqlar və.s. yerləşir. Agentlik ərəb dili ilə yanaşı, bir neçə dildə, o cümlədən ingilis, fransız,

rus və.s.dillərdə xəbər yayır. Ölkədə çıxan bütün milli qəzetlər onun xəbərinə istinad edir. Azərbaycanda Azər.TAC-la six əməkdaşlıqları var.

Al Jazirah (Əl Cəzirə) qəzeti

Əl Cəzirə 1960-ci ildə təsis olunub, ərəb dilində gündəlik çıxan qəzetdir. Qəzetin öz mətbəəsi var, gündə 3 dəfə 100 min nüsxə ilə nəşr olunur. 2013-cü ildə qəzetin tirajı 120 min nüsxə olub. İnternet qəzetlərin, elektron mediyanın inkişafı qəzetin tirajına təsir edib və hal-hazırda qəzet 100 min tirajla çıxır. Əl-Cəzirə redaksiyasında görüşümüz səmimi və işgüzar şəraitdə keçdi. Qəzetin baş redaktoru Xalid Əl-Malik (Khalid H.Al-Malik) cənabları Azərbaycanı çox sevir və Bakıda keçirilən İslam Əməkdaşlıq Təşkilatlarına üzv olan ölkələrin media nümayəndələrinin Niyyət konfransında məruzəçi olub. Bizimlə görüşən heyyətdə qadınlar iştirak etməsələr də baş redaktor müavini cənab Abdulvahab Əl-Qahtaninin (Abdulüahab Al-Gahtani) bildirdi ki, redaksiyada 25 qadın köşə yazarı, 11 redaktor, dizayner və korrektor, həmçinin 21 qadın reportyor çalışır. Fahad Al-Ajlan (redaktor müavini) yarızarafatla bildirdi ki, onların qadın jurnalistləri daha cəsarətlidirlər.

Azərbaycan Prezidentinin köməkçisi, professor cənab Əli Həsənovun Səudiyyə Ərəbistanına səfəri ölkə mediasının xəbər manşetindəydi

Görüşdə “Əl-Cəzirə” qəzetinin yeni sayını bizə təqdim etdilər. Baş redaktor həmin gün cənab Əli Həsənovla müsahibənin dərc edildiyini söylədi.

Al-Akhbariyah TV (əl-Əkbəriya)

Növbəti görüş yerimizdən biri Al-Akhbariyah televiziyasıdır. Al-Akhbariyah televiziyası 2004-cü ildə yaranıb. Özlərinin dediyinə görə məqsədləri körfəz ölkələrinin yeni imicini dünyaya tanıtmaqdır.

İlk dəfə olaraq karllığın xəbər bületeni qadın aparıcı tərəfindən oxunub.

Televiziyada hal-hazırda təxminən 150-yə yaxın qadın çalışır. İlk dəfə olaraq Riyadda rəsmi görüşdə bizi qarşılayanlar arasında xanım da vardı - Nora Abdullah. Nora xanım İctimaiyyətlə əlaqələr departamentinin rəhbəridi və bütün ərəb qadınları kimi çox lətafətli və gözəldı. Heyyətlə kiçik tanışlıqdan sonra baş menecer Jasser əl-Jasser TV-nin xəbər studiyaları ilə bizi tanış etdi.

Onu da qeyd edək ki, Al-Akhbariyah Azərbaycan Prezidentinin köməkçisi, professor Əli Həsənov cənablarından Səudiyyə Azərbaycan dostluq əlaqələrinin daha da inkişaf etdirilməsi və perspektivləri mövzusunda geniş müsahibə alıb.

Xüsusilə qeyd edim ki, Səudiyyə Ərəbistanda fəaliyyət göstərən yazılı və elektron KİV Azərbaycan Prezidentinin köməkçisi, professor cənab Əli Həsənovun səfərinə xüsusi diqqət göstərirdi. Azərbaycan Prezidentinin köməkçisinin Kral Salman tərəfindən qəbul edilməsi, Azərbaycan Prezidentinin iki dost və qardaş ölkə arasında olan münasibətlərin inkişafına xüsusi əhəmiyyət verməsi ölkənin bütün media qurumlarının əsas xəbər başlıqlarına çevrilmişdi.

Davamı var...