İslamda 8 mart təbrikinə necə baxılır?

13:43 / 06.03.2015

Əkrəm Həsənov

İlahiyyat üzrə fəlsəfə doktoru

İslam dini gəldikdən sonra qadınlara azadlıq, mirasdan pay almaq, dolanışığını ailəsinin və ərinin təmin etməsi, bundan başqa sayılmayacaq qədər çox hüquq və azadlıqlar, üstünlüklər verilmişdir. Xüsusi ilə bütün kişilərin həmişə qadınlara qarşı diqqətli olması bildirilmişdir. Hətta yaxşı əməl sahibi olan qadınlar da Cənnətlə müjdələnmişlər. İslam dini bizim bacımıza, həyat yoldaşımıza, bütün qohum qızlarımıza, qadınlarımıza, bibilərimizə, bibi qızlarımıza, xala qızlarımıza, dayı qızlarımıza, əmi qızlarımıza, idarəçilik sturukturlarında çalışan bütün xanımlara qarşı təkcə sonradan insanların özlərinin çıxardığı 8 Martda yox, bütün günlər, bütün saatlar, bütün dəqiqələr hörmət göstərməyi, həmişə onlara hədiyyə verməyi, həmişə onlara xoş söz deməyi əmr edib.

Bizim hamımızın dünyaya gəlməsinə, həyatda yaşamağımıza xanımların xüsusi qatqısı, əziyyəti, zəhməti var. Mən düşünürəm ki, biz kişilər qadınların haqqını yalnız bir günlə, yalnız 8 Mart kimi qərblilərin bizi aldatdığı bir günlə, özü də kiçik hədiyyə ilə verə bilmərik. Bütün kişilərin hər birini tamamlayan qadın var. Həmçinin bütün qadınların hər birini tamamlayan kişi var.

Allah təala hamımıza belə buyurur: “Ey insanlar! Sizi tək bir şəxsdən (Adəmdən) xəlq edən, ondan zövcəsini (Həvvanı) yaradan və onlardan da bir çox kişi və qadınlar törədən Rəbbinizdən qorxun!..” (ən-Nisa 1).

Qadınlar Allah təalanın bizə bəxş etdiyi elə dəyərli varlıqlardır ki, doğulduqda atasına Cənnətin qapısı açılan, evlənəndə ərinin imanını tamamlayan, ana olduqda Cənnət öz ayaqlarının altına sərilən qadına İslamın verdiyi dəyəri anlayana, bilənə ildə bir dəfə diqqət göstərmək absurd kimi görsənə bilər.

İslam qadınlara elə bir üstünlük vermişdir ki, qadının təmini kişiyə tapşırılmışdır. Əri, oğlu, atası, əmisi, dayısı qadına gücü çatan qədər diqqət göstərmək məcburiyyətindədir. Bütün bunlar da qadına verilən üstünlükləri göstərir.

Qərb dünyası bütün dünyada qadınlara qarşı hörmətsizlik edib bir ildə onlara yalnız bircə dəfə hədiyyə edirlər. Amma islam dininə görə bütün ilin günlərində əgər elə güclü imkana sahibsənsə qadınlara hər gün hədiyyə almalısan. Düşünürəm ki, biz qadınlara yalnız ildə bir dəfə hədiyyə almaqla onlara qarşı hörmətsizlik edirik. Çalışmalıyıq ki, qadınlara həmişə hədiyyə alaq. Bu gün elə kişilər var ki, aldıqları aylıq məvaciblə ailəsini bir təhər dolandırırlar. Bu verilən məvacib heç ayın sonuna qədər belə onların ailəsinin dolanmasına bəs etmir. Ancaq yenə deyirəm ki, kişilərin imkanı varsa xanımlara ən bahalı, ən yaxşı hədiyyələr alıb verməlidirlər. Ancaq 8 martda yox, müəyyən vaxtlarda. Burası da doğrudur ki, qadınlar hamısı həmin gün biz kişilərdən hədiyyə gözləyirlər. Hətta imkanlarımızı nəzərə alıb bir təbrik belə eşitmək onlara xoş təsir bağışlayır. Bu səbəblə müəyyən qədər xərcimiz çıxsa da, müəyyən qədər də xoş sözlər deyib hədiyyəmizi xoş sözlə də olsa onlara verməliyik. Çünki, Allahın Rəsulu buyurub ki, gözəl söz də bir hədiyyədir.

Etiket:

Strategiya.az

Müəllifin digər yazıları

13:18 / 25.11.15

Əl öpən ruhənilərə

14:34 / 10.06.15

Allahın qısqanması barəsində mənə deyilən böhtana cavab

10:22 / 16.03.15

Şəriət kəbini olmadan ailə qurduğun qadın sənə halaldırmı?

11:24 / 11.03.15

Çirkin əməli necə leqallaşdırmaq olar?! - ASPEKT